Te fundit
Greqia, parajsa e të korruptuarve shqiptarë: Ja ku i fshehin qindra miliona euro zyrtarët dhe punonjësit e korruptuar të administratës shqiptare
19 Tetor 2017, 20:47Kronika
TEMA
Greqia është shndërruar në një parajsë fiskale për zyrtarët e korruptuar të Shqipërisë. Lajmi konfirmohet nga Ministria greke e Financave.
Hetimet e agjencive greke të Inteligjencës financiare kanë zbuluar se, në bankat greke janë depozituar miliona euro nga individë shqiptarë, të cilët nuk janë emigrantë atje, por zyrtarë të administratën publike në Shqipëri, ose ish-punonjës të saj.
Nga hetimet ka rezultuar se, këta individë depozitojnë “cash” shuma që variojnë nga 10 deri në 500 mijë euro, ndërkohë që në shumë raste përdorin kasafortat e bankave, për të depozituar aty sende me vlerë.
Fluksi i miliona eurove nga Shqipëria drejt Greqisë ka vënë në lëvizje qeveritë e të dyja vendeve. Burime nga Ministria greke e Financave thonë se, brenda vitit të ardhshëm, Greqia dhe Shqipëria do të nënshkruajnë një marrëveshje për shkëmbimin e të dhënave kundër evazionit fiskal dhe pastrimit të parave.
Ministri grek i Financave, Euclid Tsakalotos firmosi në Athinë një marrëveshje shumëpalëshe për shkëmbimin e informacioneve financiare me 60 vende, përfshirë edhe Shqipërinë. Por, që shkëmbimi i të dhënave mes Greqisë dhe Shqipërisë të hyjë në fuqi, duhet nënshkruar edhe një marrëveshje dypalëshe.
Sipas burimeve nga Ministria greke e Financave, kjo çështje pritet të diskutohet në takimin e dy ministrave të Jashtëm, Bushati dhe Kotzias, që do të mbahet në muajin nëntor, për t’i hapur më pas rrugën firmosjes zyrtare të marrëveshjes vitin e ardhshëm.
Nënshkrimi i marrëveshjes nënkupton se autoritetet do të shkëmbejnë informacione, jo vetëm për transferta, apo gjendjen fiskale të bizneseve dhe individëve që kanë aktivitet në të dyja vendet, por edhe mbi depozitat e tyre në bankat e vendeve respektive.(TCH)
4 komente në “Greqia, parajsa e të korruptuarve shqiptarë: Ja ku i fshehin qindra miliona euro zyrtarët dhe punonjësit e korruptuar të administratës shqiptare”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
sillni lefta o sunite te degjeneruar tek ne ,ne vend te sigurt e ti merrni kur te doni madje me toko[to makri]…………hahahaha!
Lajmi qe konfirmohet nga Ministria e financave e Financave per zyrtaret e larte te korruptuar te Shqiperise qe kane te depozituat ne bankat greke tani hajdutet zyrtar te larte te Shqiperise fillojne t’i marrin Leket e tyre nga Bankat dhe i dergojne ne Banka te Zvicres,Italiane…!
Tani eshte vone. Ne Greqi ka kapital kontrol
Ata qe nuk ariten ti terheqin nuk munden me.
Vetem 1800 € ne muaj mund te terheqin
Greqia eshte ne krize i duhen ca leke dhe i fut nje sekuestro
lajm pa pik lidhje futja pordhes kot por kot fare .ore fare ju them ,lajm qe e kane bere fshataret qe shesin gjiz.