Te fundit
Monika Kryemadhi: Rama, i frikësuari i madh i drejtësisë. Mbron dhe shet sipas interesave, Saimir Tahirin
23 Tetor 2017, 10:33Politika
TEMA
Pas Lulzim Bashës, edhe Monika Kryemadhi ka reaguar për fjalimin e Ramës në mbledhjen e grupit parlamentar të PS-së.
Ajo ka thënë se Rama sit është i frikësuari i madh i drejtësisë.
“I frikësuari i drejtësisë Edi Rama doli sot të mbrojë por edhe të shesë sipas interesit bashkëpunëtorin e tij në kriminalizimin e politikës Saimir Tahirin.
Këshilltarët dhe miqtë e tij të besuar gati gati e kanë bindur Edi Ramën se ai nuk ka gisht në kanabizimin e Shqiperisë, duke harruar se frika e Edi Ramës është më e madhe se çdo parim apo miqësi e tij.
Sulmi i sotëm i paprecedent ndaj atij që deri pak javë më parë tundte flamurin e reformës në drejtësi është shenjë e qartë e aktrimit politik dhe paaftësisë për të kuptuar se kësaj reforme nuk i shpëtojnë dot as peshqit e mëdhenj të politikës.
Edi Rama gabon kur dëgjon këshilltarët e tij se artificat në ligjet e reformës në drejtësi mund ta shpëtojnë atë nga drejtësia.
Por si njeri i pathelluar nxitohet të deklarojë veten dhe bashkëpunëtorët e tij të pafajshëm duke sulmuar të vetmin organ ligjzbatues që fakton lidhjet e tij direkte me botën e krimit.
Qëndrimi i tij personal dhe i grupit parlamentar të PS nuk është asgjë më shumë vetëm se ikje e përkohshme nga e vërteta e fortë që do sjellë largimin e kriminelëve nga vendimmarrja e Shqipërisë.
Sepse më mirë se të gjjthë, Edi Rama e ka të qartë që opozita nuk është më çështje kartonash të blerë me paratë e krimit, por çeshtje fryme dhe vullneti që do sjellin shumë shpejt largimin e bandave nga pushteti”, shprehet Kryemadhi.
2 komente në “Monika Kryemadhi: Rama, i frikësuari i madh i drejtësisë. Mbron dhe shet sipas interesave, Saimir Tahirin”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
??
aman moj Monika se na hape zorret e barkut kur flet dhe ti per drejtesine.