Te fundit
Dy femrat fatale të Vishos
31 Tetor 2017, 08:46Politika
TEMA
Nga Gjergj Thanasi
Pa pritur e papandehur, si rrufeja në të thatë kreu i SHIK-ut (SHISH-it), Visho Ajazi Lika dha dorëheqjen. Normalisht për një dorëheqje të tillë sa të papritur aq edhe enigmatike, lindin hamendje pa fund, por edhe shashka tymuese për të mbuluar shkakun real.
Disa media morën udhëzim, që ta trajtonin rastin si dorëheqje të Vishos për shkak të mbarimit të mandatit. Fatkeqësisht ky variant është një gënjeshtër e trashë.
Ligji Nr. 8391 Dt. 28.10.1998 i ndryshuar me Ligjin Nr. 8479 Dt. 24.4.1999, i ndryshuar me Ligjin Nr. 9400 Dt. 12.5.2005 në nenin 5 të tij shprehet qartë: “Drejtori dhe zv/drejtori i tij (Shërbimit) emërohen dhe shkarkohen nga Presidenti i Republikës me propozim të Kryeministrit. Punonjësit e tjerë emërohen dhe shkarkohen nga Drejtori i SHIK-ut.”
Vishua nuk kishte mbarim mandati! Ai mund të shkarkohej në çdo kohë (ashtu si mund të rrinte edhe 20 vjet Drejtor i SHIK-ut), nëse kryeministri do ia propozonte Presidentit dhe ky i fundit do ta pranonte propozimin për shkarkim. Normalisht lind pyetja kush dhe nga i erdhi “mandata” Vishos për t’u dorëhequr?
La Femme Fatale
Pozita shpërndau në media shashkën tymuese të mësipërme për dorëheqjen e kanadezo-shqiptarit Visho. Berisha nëpërmjet Facebook-ut e lidhi dorëheqjen e Vishos me zbulimin prej tij të lidhjeve të Olsit (Rama) me drogën e Habilajve. Papagalli Basha përsëriti tezën e Berishës në mënyrë të thatë e pllakative se Vishua u dorëhoq nën presionin e Ramës se zbuloi lidhjet e Ramës (Ols apo Ed nuk e shpjegon Lulzimi) me drogën.
Realisht Olsi Rama mund të ketë 1001 mëkate, por që ai të jetë i lidhur me Habilajt e drogës e të personit në hetim Tahiraj, është po aq e vërtetë saqë të thuash se Ols Rama është atentatori i Presidentit Kenedi, ndonëse, kur u vra Kenedi, Olsi nuk kishte lindur akoma!
Në gjykimin tonë, që ka shumë të ngjarë të certifikohet nga ngjarje të rënda gjysmën e parë të nëntorit, Vishua u dorëhoq sipas “formulës” franceze: “Cherchez le Femme”. Besoj se lexuesit i kujtohet shqipërimi i kësaj batute në filmin Kapedani: Sebepi i sherrit është femra!
Në mediat shqiptare e në ndonjë blog të huaj (në gjermanisht) ka qarkulluar një variant për takime pune të Vishos sonë diku andej nga Karaçi i Pakistanit me një “Femme Fatale”, bukuroshen Olga, operative e FAPSI-t rus (si puna e NSA-së amerikane) dhe mikeshë e 007-s ruse Nikolai Oleshko.
Zgjimi nga gjumi i “Ariut Misha” këto 4 vitet e fundit në Shqipëri, riaktivizimi galopant i “rezidenturës” me metastaza që nga Shoqata e Miqësisë Rusi-Shqipëri e deri tek elementë grekë etnikë në përbërje të KOASH-it mund të jetë një shkak potencial për dorëheqjen e Vishos.
Shfrytëzimi i neneve të Konventës së Vjenës të prillit 1961 për të ngritur te ish Vila e Bab Myslymit, qendër përgjimi me aparatura ultramoderne nën hundën e “djemve” të Vishos, mund të jetë një shkas shtesë për këtë dorëheqje.
Shtrirja e metastazave të SVR-së ruse në radhët e pozitës dhe opozitës në rangje deputeti, ministri, drejtori apo sekretari të përgjithshëm në ministri pa u neutralizuar, ose të paktën pa u dhënë alarmi nga Vishua përbëjnë një shkak mëse të mjaftueshëm për këtë dorëheqje. Në epokën Trump nuk ka vend për mikun e Olgës në krye të shërbimit sekret të një vendi aleat (NATO) si Shqipëria!
FATIMA
Një tjetër shkak për dorëheqjen e Vishos mund të jetë personazhi enigmatik FATIMA. Në 12 janar 2017 kushërinjtë mafiozë të personit në hetim Sajmir Tahiri i “varën kollaren” Sistemit modern TIMS në Portin e Vlorës.
Moisi Habilaj u imbarkua në tragetin e Linjës Vlorë-Brindizi pa u regjistruar fare në Sistemin TIMS (polici i turnit automatikisht me një veprim të tillë ka konsumuar veprën penale të shpërdorimit të detyrës).
Në faksimilet e dokumenteve ilustruese janë emrat e të gjithë pasagjerëve, që në datën 12 janar 2017 kanë udhëtuar me 2 (dy) tragete të ndryshme të Kompanive Red Star Ferries dhe European Ferries nga Vlora në Brindizi.
Sipas POLMAR-it (policia kufitare detare italiane), por edhe sipas “Elenco Passegeri”, të përpiluar nga agjencia detare e tragetit në fjalë në këtë datë kanë udhëtuar edhe persona të tjerë nga Vlora drejt Brindizit, pa u regjistruar në Sistemin TIMS.
Njeri prej tyre është Moisi Habilaj. Dy personat e tjerë janë 2 femra. Pra Sistemi TIMS thjesht ka falimentuar të paktën në Portin e Vlorës. Në mënyrë figurative mund të themi që në PKKK-në Vlorë mund të hyjë e të dalë edhe elefanti pa lënë gjurmë në “defterët” e agjencive ligjzbatuese shqiptare.
Njëra nga femrat e paregjistruara është shqiptarja B.A, e martuar me tre fëmijë, oficere policie dhe e dashura e Habilajt. Ky është fakt i turpshëm, por fundi i fundit nuk u bë qameti se në Shqipëri rrojmë, ku nënat me tre fëmijë mund të kenë edhe dashnorë, ku policet mund të dashurohen e të bëjnë turizëm në Itali edhe me një copë mafiozi!
Femra e dytë FATIMA (jo shqiptare etnike) ka përdorur një pasaportë italiane të falsifikuar, kur është imbarkuar në traget pa u regjistruar në Sistemin TIMS! Theksojmë se në listën e pasagjerëve të tragetit të përpiluar nga agjencia detare është edhe emri dhe numri i pasaportës italiane të FATIMA-së sonë.
Për lexuesin shpjegojmë, që Fatima është një nga operativet më të rrezikshme, më të pamëshirshme e më të mirëtrajnuara të ISIS-it. Hyrja e saj në Brindizi është këmbanë alarmi për Italinë fqinje, aleate dhe mike të Shqipërisë.
Kalimi i Fatimës nën hundën e policëve, karabinierëve, financierëve, doganierëve dhe ushtarakëve të Regjimentit Trieste, që janë stacionuar në Portin e Brindizit është një turp në kufijtë e skandalit, por ky është turp për italianët. Ne si shqiptarë kemi hallet tona!
Mjafton ky fakt për ta asgjësuar tezën e propaganduar me bujë vend e pavend, që Shqipëria eksporton siguri. Në këtë rast Shqipëria për shkak të mafiozëve Habilaj, ka eksportuar ose më mirë të themi tranzituar drejt një aleati të NATO-s një terroriste me damkë. Vishua, nëse kjo është arsyeja e dorëheqjes, normalisht do jepte dorëheqjen në këmbim të ambasadorllëkut në Angli apo në Kanada. Qeveria ngopet me lugë bosh me dorëheqjen e Vishos, ndërsa ky i fundit njëlloj si në kohën e Gazidedes del nga skena pa i hyrë ferrë në këmbë!
“Micot” e Vishos në Vlorë nuk dhanë alarmin për kalimin e terroristes FATIMA nga Vlora në Brindizi por me diabolizëm maksimal mblodhën provat për ta dokumentuar këtë kalim dhe njëkohësisht për t’ia lënë “kopilin” e terroristes Fatima, “Lady Jihad” siç e quajnë rëndom, në derë qeverisë.
Nëse Fatima dhe të tjerë terroristë të lëshuar nga zinxhiri këtej dhe andej Adriatikut, si të thuash nga Gërmenji i Lushnjes në Milano, do të bëjnë ndonjë hata (stragia) ndër civilë italianë dhe civilë apo edhe ushtarakë amerikanë faturën do ta paguajë “I Gjati”, ndërsa Vishua do të shëtisë me makinë me flamur ambasadori andej nga Convent Garden-i. Pasojat për reputacionin e Shqipërisë, do të jenë katastrofike!
Në shkrimin tonë kemi dhënë dy shkaqe të mundshme të dorëheqjes së Visho Ajazi Likas, krye 007-s së Shqipërisë. I takon lexuesit për të vlerësuar, nëse këto dy shkaqe të mundshme janë shkaqet reale të dorëheqjes së Vishos apo jo!
Pasardhësi
Si optimistë të pandreqshëm, që jemi, nuk na mbetet veç t’i urojmë punë të mbarë z. Johan Bendo pasardhësit të Vishos. Si matematicien mendjemprehtë, me përvojë pune në Greqi me siguri, që do të jetë shumë eficent në detyrën e lartë, që po i ngarkohet. Ish majori Volufitsios (i Follorinës) aktualisht pensionist me gradën kolonel ka pasur shumë respekt për Johanin djalë të ri, inteligjent, punëtor e mjaft të zgjuar, që realisht e ka merituar kartën rozë të homogjenisë sic e quajnë grekët këtë lloj dokumenti identifikimi për të huajt në Greqi, kuptohet histori kjo e njëzet e sa viteve më parë.(DITA)
13 komente në “Dy femrat fatale të Vishos”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ja je fut kot vallahi. Po ky Johan Bendo nga doli mre. Apo keshtu futja kot si pjesa tjeter e shkrimit. Shko more lexo gazetat te informohesh per vete e mos na xarxho kohe ne si e ema e Zeqos!
Lexoje me kujdes,hapi poçat mre lexus i pakujdesshem ?
Johani osht emri grek i ktij qi do zavendsoj Vishon.
Korçari qi ka ndrru emrin me marr karten greke do drejtoj tash sigurimin shqiptar.
Shkrim dhe analiz brilante.
?
Gjergj Thanasi me detyren e sekretarit te mardhenieve me publikun prane PD
qe e shkelmoj e ky nuk le rast pa bere si llapaqen sa neper blog-e e sidomos
ke pacavurja Bulevardi.
Gjergj Thanasi na e plasi
Edi Rama, vur ulurimen per kete shkrim. Kujt do t’ia lesh SHISH? Nga nje njeriu te ruseve t’ia besosh nje nejriu te grekeve? Mos shko ne Krete!!!!
Pra: SA PER SHKARKIMIN E VISHO AJAZIT Jemi Shume DAKORDE..por nese “Shoku” Edi Rama, ka “Koqe-Mendje”..duhet te Ngrihet nje Komisjon Parlamentare i paanshem dhe te HETOJ Per Veprimet e mesiperme te Visho Ajazit…
@@E RENDESISHME ESHTE TE THEMI:PO na Iken Vishua Spiuni i Berishes..dhe po na VJENE NE KRYE TE KETIJ INSTITUCJONI NEVRALGJIKE NJE “Kallo -Pedei”(Djale i Mire)..sikurese e pershkruan Majori Greke pra Johan Bendo???Sa “Shqipetare” eshte ky Bendo…
1-Ky Bendo na paska edhe Karten Blu (MBASE ELLINIKH OITHAGENIA)…pra ka nje DOSJE NE SHTETIN GREKE….le te kene Kaluar akoma edhe 20-te vite
por Rasti i Z.Bendo eshte per tu shikuar…nese kemi me te vertet Inteligjence Shqipetare…
2-Te gjithe ata qe marrin “Karten Jeshile apo Blu” Greke(BETOHEN PER SHTEIN GREKE)..Kane TREGUAR me Prova se jane “Greke” ose edhe “Shume te dashuruar” e Greqine…
3-Nje Shqipetare i thjeshte me Emrin Arben apo Besim apo Besnik VESHTIRE SE MERR KARTEN BLU ne Greqi..pa u “Rregulluar” apo Pershtatur Emrin sipas Orekseve Greke..
4-Ajo qe ka NGULUR KTHETRAT NE SHQIPERI eshte Pikerishte Zbulimi i Jashtem Greke;QE ka Spiunet e saj qe nga Parlamenti ..Presidenti (Ilir Meta Dyshohet)..ne Ministrin e Jashteme Mbrojtjes..dhe SHISH…
5-Nese ky Bendo(Kallo Pedei) na Ishte ne Greqi..dhe “Papritur” Fillon Punen ne SHISH,si nje Inspektore i thjeshte..dhe arrin Majat me te Larta(Mbase me ndihmen Greke)..ne Krye te SHISH, dhe eshte nje AGJENTE NE PERSPEKTIVE I GREKEVE,athere Shgqiperia ka FALIMENTUAR…
Pra duhet shikuar nese ky Bendo na eshte nje Investim GREKE…ne Prespektive..kemi Raste te Hidhura dhe AKTUALE si i FLAMUR NOKES ku ju PREMTUA PUNE NE SHQIPERI NGA UDB-ja Serbe..dhe “Cuditerishte” nje INJORANTE NGA SHISHTAVECI I KUKESIT NA BEHET MINISTER I BRENDSHEM…
PYETJA E HAPUR PER TE GJITHE ESHTE:A DO TI REZISTOJ Z:BENDO SHANTAZHEVE GREKE?????Nese nuk eshte “Njeri” i Grekeve???
te gjithe ata shqipetare qe kane kartat greke(DUHET TE JENE BESNIKE TE TYRE)….lol
Ruana zot si dihet kesaj pune! Edhe Janulla haptas po e udheheqe kishen shqiptare qe e pavarsoi Noli i famshem por qe e okupoi Janulla ne ditet e sotshme -fatkeqesisht…
Pra Babai jot Qenka Myslymi, ta paska palluar fort mamane!
NUK sigurohet sovraniteti vendit , kur ne krye te sherbimit sekret ka 25 vjet qe zgjidhen antishqiptar dhe ish agjent te sherbimeve te huaja , nje njeri qe urren qenien e tij si shqiptar nuk esht per kto pun. po thuaj kujt ti thuash ED RAMES , qe sa i thua esht matematisien ngre doren esht dakort , po se esht antishqiptar apo se ka te kaluar te dyshimt as qe pyet fare dhe e dini arsyen pse , se vet kryeministri ka mendimin qe ne nuk kemi me sekrete si shtet , ktu jan te ter te hurit e litarit , nga presidenti kryeministri dhe te ter politikanet e te gjitha ngjyrave qe gjysma e ktyre politkanve tan te perdal marin rrog ne greqi dhe serbi per sherbimet qe i bejn atyre kunder interesave komtare , rrugaçet nuk bejn dot shtet harrojeni .
Shkrim mashtrim nga koka te kemba.
?????????
Sikur minimumi i respektit per lexuesin te ekzistonte ky shkrim idiot, i nje shkarrashkruesi idiot (Gj. Th.), nuk duhej te pranohej per publikim. Mire “Dita”, por si eshte e mundur “Tema”, nje gazete qe na jepte shprese per mire ne vitet 2005-2013.
Sa per Z. Visho Ajazi, do ishte mire te falenderohej nga kushdo qe respekton veten dhe vendin ku jeton.
– Zyrtar serioz, qe ka punuar ndershmerisht ne cdo detyre. Per 5 vitet e fundit ka bere me te miren e mundshme.
– Tolerant, i drejtperdrejte ne komunikim, i hapur etj., shembull i njeriut dhe nepunesit te ndershem.
– Inteligjent dhe i zoti si IT, pedagog i Informatikes i klasit pare i U. Tiranes, Zv. President per kerkimin shkencor ne nje nga Firmat me te medha Amerikane te sherbimit te programeve kompiuterike, qe i sherben Bankave me te medha te Kanadase. Cdo njeri me pak inteligjence e kupton besoj se ne cfare niveli te admirueshem qendron Visho Ajazi si profesionist.
– Nje idealist, shembull per te rinjte dhe sidomos per mijrat qe i konsiderojme si truri i emigruar nga vendi yne. Visho la pas ne vitin 2011 nje jete te rehatshme ne Kanada per te ndihmuar vendin ne rrugen e demokracise. Dhe beri mire sa mundi: si ne postin e Zv.Ministrit te Inovacionit per dixhitalizimin e shume sherbimeve publike, etj si dhe per kthimin e dinjitetit te munguar Agjensise se Inteligjences shqiptare. Per keto arsye eshte respektuar nga partneret nderkombetare ne shkalle maksimale.
Shqiptare te ndershem, pa dallim partish a bindjesh politike, shikojini nepunesit te shtetit punen dhe jo gunen.
Toni