Te fundit
Kasapët nxorën thikat, “kamarja e turpit” në qendër të Tiranës
31 Tetor 2017, 20:07Politika
TEMA
Analisti politik, njëkohësisht drejtori i Konica.al, Shpëtim Nazarko, i ftuar në emisionin Argument të gazetarit Enio Civici në television SCAN, ka argumentuar hipotezat që mund të kenë shtyrë ish-kreun e SHISH, Visho Ajazi Lika që të japë dorëheqjen.
Duke argumentuar kanabizimin në vend, ku në këtë çështje është përfshirë edhe ish-ministri Tahiri, analisti Nazarko shprehet se kjo nuk është përgjegjësi vetëm e policisë. Sipas tij, një zonë malore nuk mund të ruhet vetëm nga një polic.
Edhe strukturat e SHISH-it kanë përgjegjësinë e tyre në kanabizimin e parcelave në vend.
Nazarko shton se një nga mundësitë që Ajazi mund të ketë dhënë dorëheqjen është mungesa e informacioneve për kanabisin drejt kryeministrisë.
Ky fakt u pohua nga vetë kryeministri Rama në një emision, ku tha se SHISH nuk ka dorëzuar asnjë raport për kanabisin tek ai.
Dihet se SHISH varet drejtpërdrejt nga kryeministri dhe mungesa e informacioneve mund të jetë një nga shkaqet e dorëheqjes.
Duke u ndalur tek procesi i Vetting-ut, Nazarko tha se kjo është ‘thika’ e Reformës së Drejtësisë.
Ai shtoi se edhe pse jemi mësuar që ligjet prekin vetëm qytetarët e thjeshtë, kësaj here, me monitorimin dhe zbatimin e ndërkombëtarëve, do të jetë ndryshe.
Bashkimi Evropian ka ndarë fonde të posaçme për Vetting-un dhe do të zbatojmë këtë proces.
Nazarko shprehet se me monitorimin e ndërkombëtarëve, Vetting-u, do të jetë një thikë që do të zbatohet ngadalë, por do të jetë efikase dhe e pamëshirshme për këdo. Ai thekson se rolin kryesor në zbatimin e Vetting-ut e ka qeveria qendrore.
Pjesë e zbardhur nga intervista:
VETTING-U
Unë jam tifoz i Balzakut, që thotë se në fund ligji dhe morali varen nga klima dhe nga vendi.
Ligjet zbatohen kur ka një qeverisje të fortë, por kur ka një qeverisje të dobët, atëherë një ligj i mirë mund të deformohet dhe të kthehet në të kundërtën e vet, siç thoshte Balzaku.
Në jemi një shoqëri gjysëm feudale. Ne themi tranzicion, por në fakt jemi mbeturina të një shoqërie feudale, që ka krijuar një pasuri të ngatërruar në këto 27 vite.
Si do zbatohet dhe në kokën e kujt do të bjerë Vetting-u? Ne jemi mësuar që zbatimi i ligjit zë atë që është në opozitë apo një qytetar të thjeshtë. Karakteristikë kjo e qeverive të dobëta.
Por kësaj radhe nuk do të jetë si ato aksionet e komunizmit. Këta duhet të kenë vepra më konkrete dhe jo fjalime.
Unë besoj se kësaj radhe veprimet do t’i bëjnë të huajt. BE ka ndarë një fond të posaçëm për gjyqtarët, pra do të ndihmojë me fondet. Edhe amerikanët do të veprojnë ndryshe. Ata krijojnë themele të qarta që veprojnë ngadalë, por është efikase dhe e pamëshirshme.
Kjo ka një favor, sepse SHBA mund t’i tiganisë vendet e Ballkanit. Por procese të tilla varen nga qeverisja qendrore, sa më ekonomi të mirë ke, aq më pak korrupsion do ketë.
Kjo klasë politike ka penguar procesin e Vetting-ut, edhe pse ky është një nga kushtet për procesin e anëtarësimit në BE. Në vendet si puna jonë, ndërkombëtarët kanë suksese.
Vetting-u është thika e Reformës në Drejtësi. Normalisht që Reforma e Drejtësisë ‘pjell’ Vetting-un, por ne po shikojmë vetëm këtë të fundit. Një shtet i organizuar do të bëntë një reformë të mirëfilltë në drejtësi.
Në Shqipërisë, ligjet nuk kanë munguar. Evropa ka treguar se duhet treguar thika, pra Vetting-u.
SHISH-i
Hipotezat janë të shumta, por ditët e fundit ka qenë çështja më e nxehtë ajo e Tahirit. Analistët janë fokusuar tek kjo çështje. Në harrojmë diçka të thjeshtë.
Një fshat në majë të malit nuk e ruan vetëm policia. Ka kompetenca nga kryeplaku, kryebashkiakët, policia dhe struktura të tjera, siç është SHISH-i.
Çështja është, a ka raportuar SHISH për çëshjen e Tahirit. Rama tha se jo! Ndërkohë që Basha dhe Berisha thanë se Ajazit i është bërë presion.
Nëse Ajazi del dhe thotë se ka dërguar materiale, atëhërë përgjegjësinë e ka Rama. Por nëse nuk ka dorëzuar asgjë, kanabisi duhet të vëzhgohet edhe nga SHISH.
Visho Ajazi mund të këtë arsyet e veta dhe ne nuk e dimë. Ne kemi dy deklarata të kundërta, Rama që thotë se s’kemi të dhëna nga SHISH, dhe kjo është lehtësisht e verifikueshme. SHISH është në varësi të kryeministrisë. Pra organet nuk kanë kryer detyrën e tyre.
Kanabisi është një përgjegjësi e të gjithëve. Unë mbaj mend një ligj të Berishës, ku thoshte se dënohet kryeplaku nëse lejon mbledhjen e kanabisit.
Ndërkohë për kreun e ri të SHISH, e propozon kryeministri, e dekreton presidenti, por natyrisht që merr edhe miratimin e partnerëve.
3 komente në “Kasapët nxorën thikat, “kamarja e turpit” në qendër të Tiranës”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Nuk e di pse reagoj e shkruaj per keta analistet e majte ,per te cilet jam i bindur qe jane qenia me e ulet e shoqerise shqiptare.
Shiko cfare thote ky fshatar i djallezuar….ne jemi shoqeri feudale.???Djallezisht e thote per te justifikuar katrahuren ku e ka futur vendin Rimbjellja e Fares se Komunizmit te Kanabizmit.Cuditerisht deri dje ishim nje shoqeri moderne qe nuk e linte Saliu te bente para.Sot nuk bejme para se jemi feudale ,jo.se ka fajin Edi.
Kanabizimi i vendit eshte bere jo per faj te policise por per faj te SHISH it ,i cili nuk ka cuar informacion te Edi. ????Keta jane gjeniale.Sa palaco duhet te jete nje burre qe te shkruaj kete arsyetim idiot.Ka rredh 3 vjet qe perdite shtypi dhe njerezit flasin per kanabizimin e Shqiperise.Kryeministri nuk ka informacion.????
Robt ku ti keni o llum dhe pisllik gazetaresk.
Nese esht e vertet qe visho Ajazi, ska informur kryeministrin e vendit, ne menyr perjodike, per shtrirjen e kanabisit ne gjith teritorine vendit, deri edhe ne pyje, e gerxhe, larg qendrave te banuara.
Urgjentisht, duhet ti meret pasaporta diplomatike, ti nadalohet dalja jasht vendit dhe te filllloi hetimi.
Detyra e tij paresore esht te mar informacjone, mbi cdo veprimtari armiqesore, qe demton interesat e shtetit dhe qytetareve shqiptar, si nga jasht edhe nnga brenda.
Kur vjen puna tek shperblimi esht mirpaguar, me shum se nje minister e deputet. Ka patur priviligje te dale jasht shtetit, ne interes te vendit ton, sa her ka dashur. Nese kan hyr apo dal agjente te ISSIS ne vendin ton, qe esht sa ne qytet ne perendim dhe Visho Ajazi ka dijeni per Fatmen apo dashnoren e Habilit dhe ska zbuluar gje, kjo e rendon akoma me shum.
Ka disa hamendje, por njera esht me bindese. Sidomos ne kete perudhe qe te huuajt kan zbuluar nje bande jasht kufirit ton shteteror, por qe parat e pista , jan pastruar ne SHqiperi, sidomos ne Vlor dhe Vishua sndiqte dhe sinformonte situaten, perben precedent penal.
por kryeplaku jeton ne qytet nuk jeton ne fshat