Te fundit
Zhdukja misterioze e avokatit shqiptar në itali, mediat Italiane: Trupi i gjetur në det mund të mos jetë i tij, ja dyshimet tona
25 Nëntor 2017, 15:48Kronika
TEMA
Shtohen dyshimet për kufomën e gjetur në brigjet e Leçes se mund të mos t’i përkasë avokatit Besnik Muço
Ky i fundit rezulton i zhdukur që prej datës 2 nëntor dhe shanset për gjetjen e tij sa vijnë dhe bëhen më të zbehta.
“Leçeprima.it” shkruan se trupi i pajetë, të cilit i mungonte koka, u gjet mes 6 dhe 7 nëntorit në ujërat e Castro si dhe një protezë çeliku në këmbën e djathtë.
Ndërkohë këto fakte, bindën familjarët e Muços që të besonin se trupi i pajetë nuk i përkiste 54-vjeçarit, pasi ai nuk kishte protezë në këmbë.
Sipas ekspertizës së kryer trupi që u gjet dyshohet se ka pasur më shumë kohë në det se sa data që është raportuar humbja e avokatit.
Ndonëse analizat e ADN-së nuk kanë dalë ende, “Leçeprima.it” shkruan se policia ka dyshime që trupi i pajetë mund të jetë ndonjë skafisti, ku bën edhe një lidhje me pazaret e drogës apo konfliktet mes trafikantëve.
Deri më tani në bazë të hetimeve të Prokurorisë në Macerata dhe asaj të Tiranës, 54-vjeçari ka hipur në 2 nëntor në tragetin nga Durrësit drejt Barit, ndërkohë që në orën 23:00 celulari i tij rezultonte i mbyllur.
Efektivët e vendit fqinj, gjatë kontrollit në portin e Polias, gjeti në vendin ku qëndronte Muço një qese me disa rroba, bileta, karta shëndetësore dhe dokumente të tjera të tij. (TemA)
Lini një Përgjigje
Më të lexuarat
24 oret e fundit
Javen e fundit
Blog Tema
