Te fundit
Kosovë-Shqipëri, një gjuhë, por nuk merremi vesh?!
26 Nëntor 2017, 11:10Rajoni
TEMA
Prej pothuajse një dekade në Ballkan ka dy shtete shqiptare, Shqipëria dhe Kosova. Por lidhjes shpirtërore mes dy vendeve nuk përgjigjet i njëjti bashkëpunim mes dy shteteve. Këtë e konfirojnë edhe dy ambasadorë, ai i Shqipërisë në Kosovë, Qemal Minxhozi dhe ambasadori i Republikës së Kosovës në Shqipëri, Syl Ukshini, të cilët ishin të ftuar në emisionin “Përballë” të gazetarit Lutfi Dervishi që transmetohet në RTSH!
Në fushat ku nuk ka “angazhimi” qeveria, bashkëpunimi ka ecur mjaft mirë, si në sport, kulturë, media. Aty ku “punon” qeveria bashkëpunimi ka mbetur tek “abetarja” e klasës së parë.
Konstatimit të gazetarit Dervishi se në nivele të larta është ndezur drita jeshile, ndryshe nga nivelet e poshtme ku ka dritë të kuq, ambasadori Minxhozi i përgjigjet se kjo vjen për shkak të mungesës së profesionalizmit, administrata e dobët për të kaluar disa probleme. “Në mbledhjen e ardhshme do të shikohet mundësia e intensifikimit të standarteve mes Shqipërisë dhe Kosovës” tha zoti Minxhozi.
Ndonëse shkëmimet tregtare mes Shqipërisë e Kosoves kanë shënuar rritje vit pas viti, duke arritur në vlerën e 200 mln eurove, ato mbeten më të vogla se shkëmbimet e Kosovës me Serbinë. Një ndër çështjet që do të diskutohet në mbledhjen e qeverive të dy vendeve në 27 nëntor është edhe pika e përbashkët doganore në portin e Durrësit.
Ambasadori kosovar Syl Ukshini tha se është i mjaftueshëm shfytëzimi i kapacitet të portit të Durrësit. “Rruga e Kombit ka mbetur në Milot. Deri në Tiranë ajo rrugë bëhet nganjëherë 2 orë” tha zoti Ukshini. “Porti egziston, por kjo pjesë e rrugës duhet të finalizohet” shtoi ai.
Pavarësisht vështirësive, të dy ambasadoret e shohin me nota pozitive të ardhmen e marrëdhënieve Shqipëri- Kosovë. “Ne jemi sot tek gota gjysëm plot. Mbledhjet që janë zhvilluar me dy qeverive kanë patur uje, por kanë patur dhe shtytje” tha ambasadori Minxhozi.
“Unë mendoj se disa procese po ecin më shpejt se politika. Ajo duhet ti ndjeki me hapa dhe procese të caktuara” tha ambsadori Ukshini.
Lëvizja e lirë e njerëzve, mallrave, shërbimeve dhe kapitalit mbetet sfida kryesore e dy qeverive, bashkë me integrimin europian.
1 komente në “Kosovë-Shqipëri, një gjuhë, por nuk merremi vesh?!”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Simboli i Shqiponjes me dy Koka,nga ana Figurative esht nje simbol i bukur,nga ana Biologjike esht nje deformim gjenetik!Esht nje Shqiponj Siameze,e cila kerkon kurajo Patriotike,per nje nderhyrje Kirurgjikale per ta ber me nje Kok, SHQIPERI ETNIKE,NJE KOMB.Ndarja e Gegeve ne dy shtete per ti ballancuar me Tosket beri qe ky Shtet te mos funksionoj dhe te mbetet i fundit ne te gjitha aspektet.Nuk kam qen optimist,dhe as nu jam,per Bashkimin e Kombit,ishin dhe jan Jugoret,ata qe nuk e kan deshiruar,dhe nuk e deshirojn, per arsye te numrit te Popullsis se Gegve,gjithmon do te ishin ne pushtet”Maloket” sic ju pelqen atyre te na etiketojn me perbuzje.Mos te shkojm shum larg,por para disa muajsh,kur Presidenti i Shqiperis,shkeli obligimin Kushtetues,duke mos pranuar pajisjen e Popullit te Kosoves me Pasaporta Shqiptare,me arsyetimin komik, se Europa do mbante qendrim ndaj Shqiperis.E di qe sdo ta postoni Komentin.duke qen se jeni nje gazet e interesave te Jugut,por un shkruajta me shpirt BASHKIM KOMBETAR,ate qe bashkekombesit e mi;ne te kunderten time e thon ne menyr cinike,vetem me Goj.