VIDEO/ Vlorë, djali i biznesmenit hidhet në erë ndërsa ishte duke udhëtuar me automjetin e tij

Një automjet ka shpërthyer teksa ishte në lëvizje.

Ngjarja ka ndodhur paraditen e sotme në Vlorë.

Automjeti ka qenë duke lëvizur në lagjen “29 Nëntori”.

Drejtuesi i automjetit ka mbetur i plagosur, ndërsa raportohet se automjeti tip ‘Jeep’ drejtohej nga Ines Hajrulla, djali i një biznesmeni.

Gazetarja e Ora News informon se makina ka shpërthyer sapo kishte dalë nga lavazhi rreth orës 10:30 minuta.

Nga shpërthimi makina ka bërë një trajektore prej gati 100 metra dhe më pas është përplasur me një mjet tjetër.

Si pasojë e shpërthimit i riu ka humbur dy këmbët dhe ndodhet në gjendje të rëndë për jetën.

Kanë qenë kalimtarët e rrugës ata që kanë bërë të mundur të nxjerrin Inesin nga automjeti dhe e kanë dërguar në spital.

Sipas dëshmitarëve që kanë parë ngjarjen si dhe nga gjurmët që ka lënë, automjet pasi ka shpërthyer ka ecur për inerci rreth 70 m, dhe është ndalur vetëm në momentin që është përplasur me një makinë tjetër.

Burime nga policia bëjnë më dije se 25 vjeçari ka ndryshuar identitet, nga Imer Hajrulla, e ka kthyer emrin në Ines.

Gjithashtu, referuar njoftimi të policisë, i riu është një person me precedentë të theksuar kriminalë.

Deklarata paraprake e policisë

Më datë 27.11.2017, Salla Operative Vlorë është njoftuar se në lagjen “Hajro Çakërri”, tek Bishti i Kalldrëmit ka shpërthyer një automjet në lëvizje.

Shërbimet e Policisë kanë shkuar në vendngjarje ku nga verifikimet paraprake rezulton se mjeti tip Jeep me targa AA 298 CL, me drejtues shtetasin I.H., 25 vjeç, ka shpërthyer gjatë lëvizjes.

Si pasojë e shpërthimit është dëmtuar, dhe ndodhet në gjendje të rëndë për jetën drejtuesi i mjetit i cili është transportuar menjëherë në Spitalin Rajonal Vlorë për të marrë ndihmë mjekësore.

Dyshohet se mjetit i është vendosur lëndë eksplozive.

Shtetasi I.H., është shtetas me preçedentë të theksuar kriminale.

Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes.(TemA)

Një biznesmen mes të arrestuarve për 1.6 ton marijuanë nga Shqipëria në Greqi

10:51 Kronika

Gomonia me drogë/ Policia greke arreston 6 shqiptarë, 2 italianë, një grek e një bullgar

21:18 Kronika

Aksidentohet për vdekja një qytetare 68 vjeç në Rinas

20:28 Kronika

Digjet autobuzi shqiptar ne Korinth. 30 pasagjeret nuk kane pesuar deme

19:50 Kronika

Kthehet anija nga deti Egje, Xhaçka: S’ka më bukur kur dora e shpëtimit është dora e shqiptarit

17:10 Kronika

Gjendet një burrë i pajetë në Burrel, 53 vjeçari kishte plagë në kokë (emri)

19:02 Kronika

Zhduken 20 mln lekë në Sarandë, autorët thyejnë dritaren dhe grabisin banesën

16:18 Kronika

VIDEO/ Si u prangos i “forti" i Vlorës, policia jep detajet

15:22 Kronika

Vlorë, lë makinën tek kunati, tiransit ia djegin"Audin"

10:12 Kronika

Trafikantët “tradhtuan” oficerët. Përgjimet e Habilajve: “Kjo punë bëhet me shtet”

18:48 Kronika