Te fundit
FOTOT/ Nis aksioni i pastrimit, Veliaj: Të fitojmë betejën me mentalitetin, reduktuam qeset me 60 %
22 Dhjetor 2017, 10:14Sociale
TEMA
Bashkia e Tiranës iu bashkua sot aksionit kombëtar “Pastrojmë Shqipërinë që duam”. Bashkia e Tiranës, Ministria e Mjedisit dhe Turizmit, Ministria e Arsimit si dhe Ministria e Arsimit, organizuan aksionin e pastrimit në aksin rrugor Qafë Kashar-Rinas ku veç përfaqësuesve të institucioneve shtetërore morën pjesë edhe nxënës nga gjimnazet e Tiranës, si dhe vullnetarë të tjerë.
I pranishëm në këtë aksion ishte dhe Kryetari i Bashkisë së Tiranës Erion Veliaj i shoqëruar nga Ministri Blendi Klosi, ministrja e Kulturës Mirela Kumbaro si dhe deputetë.
Kryetari i Bashkisë së Tiranës, Erion Veliaj falënderoi të gjithë ata që iu bashkuan këtij aksioni në prag të festave të fundvitit dhe ftoi të gjithë qytetarët që të marrin pjesë në pastrimin e qytetit. “Unë besoj se nuk ka fabul më të bukur se sa në prag të vigjiljes për vitin e Skënderbeut, ne të pastrojmë njëkohësisht dy kryeqytetet tona, kryeqytetin e ri që është kryeqyteti i Tiranës dhe atë të vjetër që është kryeqyteti i Krujës. A ka gjë më të bukur se sa të na gjejë 2018, pastër dhe të mobilizohemi të gjithë, me aq fuqi sa kemi, për të pastruar”, deklaroi Veliaj.
Veliaj ftoi qytetarët që të kujdesen më shumë për mjedisin që i rrethon, ndërsa theksoi se beteja që duhet fituar është ajo e mentalitetit. “Në momentin që ne pranojmë që po, ne jemi fajtorë dhe ne duhet t’i dalim zot këtij faji, atëherë kemi filluar të ndryshojmë jo vetëm logjistikën, jo vetëm fadromat, me qeset, dorezat që mbledhim. Sot ne do pastrojmë një aks ose disa akse rrugore që në totalin e tyre mund të jenë 50 kilometra rrugë por aksi më I vështirë për të pastruar është 10 centimetra. Aty është truri, mentaliteti ynë, kultura jonë, aty është sistemi ynë i vlerave dhe sfida më e madhe nuk është sot”, deklaroi Veliaj
Kryebashkiaku Veliaj vlerësoi dhe nismën e marrë nga Bashkia e Tiranës për reduktimin e përdorimit të qeseve plastike në kryeqytet, ku është arritur të ulet përdorimi i tyre me 60 për qind, çka solli që kryeqyteti të mos kishte probleme gjatë reshjeve. “Ne kemi patur një ide fantastike në Tiranë, çmimi i qeseve 50 lek të vjetra nuk është një çmim që e vret xhepin e dikujt që shkon dhe blen në supermarket të shtrenjtë, por është mjaftueshëm për t’iu kthyer si barrierë psikologjike në kokë që ta refuzoj qesen dhe të marri si në kohë e prindërve tanë çante, trajsën, rrjetën. Dhe unë besoj se me nisma të tilla ne kemi arritur që në Tiranë të reduktojmë qeset 60 për qind. U pa dhe në rastin e përmbytjeve, një nga arsyet që pse Tirana nuk pati asnjë problem është se ka rënë ndjeshëm numri i qeseve, çka do të thotë dhe numri i qeseve që hidhen dhe përfundojnë në kanale. Kështu që duhet të mendojmë edhe disa zgjidhje afatgjata që ti japim dum këtij problemi”, deklaroi ai.
Ministri i Mjedisit dhe Turizmit Blendi Klosi falënderoi kryebashkiakun Veliaj që iu bashkua këtij aksioni, ndërsa ftoi qytetarët që të tregohen të kujdesshëm dhe më të vëmendshëm ndaj çështjeve mjedisore. tha Klosi. “Në kuadër të aksionit “Të pastrojmë Shqipërinë që duam” ne duhet të kuptojmë që nuk mjafton vetëm operacioni i një dite, por duhet të kuptojmë shkaqet pse na krijohen këto papastërti dhe të kuptojmë shkaqet se si landfillet nëpër gjithë zonën janë të pa mbuluar të patrajtuar dhe mjafton një reshje shiu dhe ato dalin të gjitha në pah”, tha Klosi.
Ministrja e Kulturës Mirela Kumbaro u shpreh se mbrojtja e mjedisit dhe e monumenteve nuk duhet të jenë përgjegjësi e vetëm një institucioni, por e të gjithëve dhe për këtë do të duhet të punohet ccdo ditë. “Ky është momenti më i mirë për të kuptuar që në fakt ura, rruga , fusha, por edhe kalaja, edhe muzeu dhe gjithçka tjetër, nuk është vetëm e institucionit përgjegjës. Kalaja e Skënderbeut, apo Kalaja e Krujës, nuk është vetëm përgjegjësi e Ministrisë së Kulturës. Edhe rruga nuk është vetëm përgjegjësi e Ministrisë së Infrastrukturës e kështu me radhë. Sot përveçse një aksion I madh për të bërë një punë shumë të rëndësishme, në fakt që po të ishte bërë çdo ditë, çdo muaj dhe çdo vit”, deklaroi Kumbaro.
Bashkia e Tiranës ka ndërmarrë nisma të shpeshta pastrimi. Fokusi i këtij aksioni është jo vetëm pastrimi i zonave të ndotura por edhe riparimi i sinjalistikës dhe I ndriçimit rrugor. Një vëmendje e veçantë i është kushtuar gjelbërimit përgjatë kësaj rrugë pasi është prezantimi i parë për të gjithë të huajt që vizitojnë dhe punojnë në vendin tonë.
Ndërkohë që nesër, me moton “Ta pastrojmë qytetin që Viti i Ri të na gjejë pastër”, aksioni do të përqendrohet në të gjitha njësitë administrative, për të realizuar një pastrim të përgjithshëm të territorit të Tiranës. Për këtë qëllim Bashkia e Tiranës ka ftuar që të bëhen pjesë e këtij aksioni edhe të gjithë qytetarët e Tiranës, që duan të kontribuojnë për një ambient të pastër.
1 komente në “FOTOT/ Nis aksioni i pastrimit, Veliaj: Të fitojmë betejën me mentalitetin, reduktuam qeset me 60 %”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ndrysho koncept , po deshe që , jo vetëm të pastrohet , por edhe të rrijë e pastër , të krijohet rregulli dhe kultura e duhur , dhe e nevojshme e pastërtisë .
Vendos kazanët aty ku krijohen plehrat , Jo ço plehrat aty ku janë degdis e kanë përfundu kazanët .
Po nuk u vendosën me qindra e mijëra kazanët , e madhësive të ndryshme , sipas rastit e nevojave , në çdo derë shtëpie , hyrje pallati , derë shkolle , kopshti , çerdheje , dyqane , qendra tregtare e sociale , institucione , parqe e rrugë ( kosha të vegjël e fikje cigaresh pranë stolave dhe përgjatë trotuareve në distancat që duhen ) , nuk mund të jetë i pastër asnjë qytet e hapsirë publike , brenda e jashtë qytetit , në fushë , në mal e plazhe buzë detit .
Mjaft më me bllokimin e hapsirave dhe rrugëve hyrëse të pallateve , të cilat pengojnë ndërhyrjen për zbrazjen e kazanëve aty ku ato ndodhen . Nuk i vlejnë askujt ato lekë , që gjoja përfitohen nga ato kafe parazitizmi e droge , përballë shpërfytyrimit masiv që po i bëhet rreth e rrotull pallateve të qyteteve , dhe përballë pa pastërtisë që po i mbyt ato . Përpos , që mund të vijë era korrupsion , se vetëm atraksion turistik , që nuk i vjen era , kësaj zallamahie . Përdorimi në këtë rast i mjeteve teknollogjike më të vogla dhe formave të tjera për zbrazjen e tyre . Futja më shumë në veprim e mjeteve teknollogjike pastruese të përshtatëshme sipas kushteve konkrete të çdo qyteti , etj , etj , etj , Taksat e pastrimit , me gjithë se u rritën , në mënyrë të ndërgjegjshme po i pranojmë e po i paguajmë , por duam të shofim ndryshim e pastërti . Ndryshoni konceptin , se për ndryshe , shtoni edhe një herë kaq punonjës , me fshesa e biçikleta , s’keni asgjë në terezi .
Kazani pranë , më detyron , që jo vetëm plehrat e mija , që krijoj vetë ti derdh tek kazani që kam , por edhe ambjentin rrotull , ta pastroj më lehtësisht e më me kënaqësi , se e kam afër , e kam vetë vendin ku do derdh plehrat . Po flas për Tiranën . Me kazanat ( shtyrë e shtyrë , shtyrë njeri e shtyrë tjetri ) të cilat në jo pak raste janë 300 deri 500 metra larg banesave , shkollave , dyqaneve e institucioneve dhe përgjithësisht kanë dalë pothuajse të gjitha nëpër rrugët e bulevardet kryesore ( turp i zotit ) . Mos u habitni . Që nga sheshi Nënë Tereza , para Korpusit Kryesor të Universitetit , përgjatë gjithë bulevardeve Dëshmorët e Kombit dhe Zogu i Parë ( para Ministrive e tek Bashkia ) , Rruga e Kavajës dhe të gjithë të tjerat pa përjashtim , Rruga hyrjes Dritan Hoxha , me tufat e kazanave në të dy krahët tek korsia e autobuzave , të cilët , sa nuk përplasen me gurët kufizues kur i shmangen atyre , etj etj , që s’di si ta emërtosh . Në këto kushte , asnjëherë s’ka për të patur pastërti , sado të dalish në aksione , sado të rrisësh taksat , sado të rrisësh personelin . Po nuk i krijove kushte për me derdh plehrat aty ku krijohen masës së gjërë të popullsisë , nuk mundet kurrsesi as edhe një ushtri me pastrues , të pastrojnë e mbajnë patër cilindo qytet , fashat e ambjent publik ( si parqe , parqe malore , fushore , lumore , plazhe etj ) . Prania e kazanit afër meje ( kujtdo ) do më bëjë gradualisht të vetëdijshëm e të ndërgjegjshëm jo vetëm për plehrat , por edhe ambjentin aty rrotull .