Kryeministri Rama, takim me mësuesit: Rritje pagash, kohës së drejtorëve militantë i ka ardhur fundi. Pse vesha atlete...!

I veshur me atlete dhe pasi kishte ditë që nuk dukej në publik, më në fund e theu heshtjen. Kryeministri Edi Rama ka organizuar një pritje me mësuesit me rastin e festave të fundvitit.

Në pritjen e organizuar nga shefi i qeverisë merrnin pjesë mësuesit me rezultatet më të mira nga shkollat më të mira në vend.

Gjatë fjalës së mbajtur, Rama theksoi edhe një risi në drejtimin e shkollave në vend. Ai njoftoi themelimin e shkollës së drejtuesve të shkollave, që sipas tij do të rrisë cilësinë e drejtimit.

Rama tha se kohës së drejtorëve militantë i ka ardhur fundi.

“Shkolla e drejtorëve do jetë institucion i ri për të mësuar rritjen e kapaciteteve në përmirësimin e drejtimit të shkollave. Ju e dini sa e rëndësishme është dhe sa diferencë bën cilësia e drejtimit të shkollës.

Me drejtuesit e shkollës për vite të tëra është bërë vetëm politikë, politikë shpërblimesh për militantizmin, aktivizmin apo shërbimet e tyre ndaj partive.

Kësaj tradite ne kemi filluar t’i japim fund. Për këtë arsye, shkolla e drejtorëve do të na ndihmojë bazuar në praktikat më të mira ndërkombëtare, bazuar në një sistem bashkëpunimi për të profilizuar dhe fuqizuar një figurë drejtuesi të shkollës, profesionist, menaxher në drejtimin e shkollës.

Kjo do të bëjë që të gjithë drejtorët e përkushtuar të rrisin aftësitë e tyre menaxheriale, dhe gjithë ata që do jenë në rinj në detyrë ta fillojnë punën me instrumentat që të tjerët nuk i kanë pasur për fat të keq deri më sot”, deklaroi Rama.

Por ne takim prezenca e të cilit tërhoqi vëmendjen pasi i ishte rikthyer sërish veshjes së atleteve. Për këtë ai ka shpjeguar edhe ‘arsyen’ e veshjes së tyre me kostum serioz këtë ditë.

“Kam ardhur me atlete në solidaritet të mësuesve të fizkulturës se në vendin tonë ka gjithmonë kunguj që duan shpjegime për veshjen.

Ndaj shpjegimi për sot është solidaritet me mësuesit e fizkulturës që janë një pjesë e rëndësishme dhe që ne kemi vendosur ti rikthejmë në detyrë pas degradimit prej çerek shekulli të këtij aspekti të edukimit dhe pas zhdukjes së sportit nga shkolla”, tha Rama.

Kreu i qeverisë premtoi se deri në fund të mandatit të dytë, cdo vit rroga e mësuesve do të rritet, ndërsa e tija jo.

“Ne kemi në program rritjen e pagave të mësuesve. Edhe pse është bërë shumë, megjithatë është shumë më pak se duhet të jetë, prandaj do të vazhdojmë rritjen e pagave për mësuesit. Do të jemi shumë kërkues

Paga ime padrejtësisht është më e madhe se e juaja, ne do ta ngushtojmë këtë diferencë. Nuk premtoj se në fund të 4 vite do të barazohet, por u premtoj se e imja nuk do të rritet, por e juaja cdo vit do të rritet” premtoi Rama.(TemA)

Manastirliu ngushëllon familjet e Sallakut dhe Runës. “Ç’më shkruajti Profesor Sallaku pak ditë para se të ndahej nga jeta”

18:07 Sociale

Grupi Balfin organizon aktivitet festiv për fëmijët e policëve të vrarë në krye të detyrës

17:14 Sociale

VIDEO: Makthi i koalidimit, shikoni radhën e qindra makinave që nis në 02:30 të natës

17:03 Sociale

FOTOT: "Babagjyshi vjen nga lumi Osum", Ministri Klosi feston me fëmijët e familjeve që u përmbytën në Berat

16:42 Sociale

SHBA lehtëson procedurat për vizën amerikane, ja si mund ta përfitoni shpejt

16:14 Sociale

FOTOT: “Festat duan dashuri”, Xhaçka me fëmijët e Shtëpisë së foshnjes "Hannah dhe Rozafa"

16:00 Sociale

Deklarata e fortë e KSSH: LSI dhe disa OJF politike u përpoqën të na manipulonin për interesa të ngushta politike

15:27 Sociale

Nis shpërdarja e ndihmave për familjet e përmbytyra në Novoselë

15:24 Sociale

Komiteti Shqiptar i Helsinkit vlerëson Dr. Runën për bashkëpunimin me të

13:01 Sociale

FOTOT: Bashkia e Tiranës dhe AMF shtrojnë drekë festive për të moshuarit e qendrave sociale

12:42 Sociale