“Aeroporti i Vlorës do jetë më modern se Rinasi dhe do e konkurrojë atë. 90 milionë euro për ndërtimin e tij. Plan për aeroport edhe në Sarandë”

Mbi 90 milionë euro do të investohen në aeroportin e ri të Vlorës, i cili do të jetë shumë më modern se Aeroporti “Nënë Tereza”.

Këtë shifër e bëri publike ministri i Infrastrukturës dhe Energjisë, Damian Gjiknuri në një intervistë në Tonight Ilva Tare, teksa tha se shteti do të marrë disa risqe për t’i garantuar fitimet kompanisë. Gjikuri foli dhe për rrugët e reja që do të ndërtohen ku veçoi aksin Rrogozhinë-Kashar i cili do të jetë me pagesë.

Ministri i Infrastrukturës dhe Energjisë Damian Gjiknuri zbuloi për herë të parë në studion e “Tonight Ilva Tare” ofertën e konsorciumit turk për ndërtimin e aeroportit të Vlorës.

Gjiknuri tha se bëhet fjalë për një investim mbi 90 e ca milionë euro, teksa foli edhe për garancitë dhe risqet që do të marrë përsipër qeveria shqiptare.

Gjiknuri: Vlora është një ofertë shumë serioze, është një investim mbi 90 e ca milionë euro. Është një aeroport shumë më modern sesa Rinasi. Një aeroport që do të sigurojë akses dhe për kargon dhe pasagjerët.Çfarë garanci do japë shteti apo risqet janë gjëra…

Shteti do marrë ato risqe që do të mendohen të pranueshme, të mitigueshme. Mund të jenë në formën qoftë dhe të një minimumi trafiku të garantuar për një periudhë afatshkurtër apo forma të tjera. Kjo kontratë do të jetë ndër më të mirat.Qeveria të mërkurën do të kalojë projektligjin  e veçantë që do të miratohet në Kuvend dhe brenda një periudhe te shkurtër do të fillojnë negociata intesive edhe me ekspertizë të huaj.Në fund do të kemi një kontratë transparentë dhe me leverdi me vendin.

Duke nënvizuar se aeroporti i Vlorës do të konkurojë atë të Rinasit, Gjiknuri është besimplotë se brenda gjysmës së parë të këtij viti do të finalizohet kontrata.

Gjiknuri: Oferta që ka ardhur për aeroportin e Vlorës është shumë serioze nga një konsorcium i kompanive më të mëdha turke, nga kompanitë më të mëdha në botë.

Këto kompani sot po ndërtojnë aeroportin e Stambollit, aeroporti më i madh i botës. Është një ofertë që është terësisht me investim privat, shteti merr vetëm garancitë minimale dhe kjo ofertë po studiohet, do të negociohet.

Patjetër që ka nevojë për përmirësim por është një proces që do të vijojë me grupet e punës të ngritur me përfaqësues nga Ministria e Financave dhe Transporteve dhe shumë shpejt do të dalë me konkluzione. Jam i bindur se brenda 6 mujorit të parë të këtij viti ne do të kemi një kontratë në fuqi dhe fatmirësisht Shqipëria do të bëhet me një aeroport të dytë ndërkombëtar, jo vetëm turistik, një aeroport që do të jetë konkures me Rinasin.

Për sa i përket rrugëve të reja, Gjiknuri tha se këtë vit nis aksi Thumanë-Vorë, ndërsa autostrada Kashar-Rrogozhinë, që është në plan të ndërtohet, do të jetë me pagesë.

Ministri Gjiknuri pohoi se ka nisur studimi i fizibilitetit për të ndërtuar gjithashtu një aeroport turistik në qytetin e Sarandës.

Gjiknuri: Nëse do të shkosh 30 minuta më shpejt në Rrogozhinë, do paguash

Damian Gjiknuri thotë se do të ketë një rrugë alternative nga Kashari në Rrogozhinë, që do të jetë me pagesë.

Gjiknuri: Kompletimi i aksit nga Thumana në Kashar dhe nga Kashari pastaj në Rrogozhinë me pagesë, që është një projekt alternativ do të lehtësojë trafikun. Ka ardhur një studim fizibiliteti. Nuk është ndonjë blasfemi pagesa. Kushdo që do ta bëjë rrugën më gjatë t’i bie nga Durrësi dhe kushdo që të shkojë 30 minuta më herët le t’i bie nga Rrogozhina.

Tare: Sa kushton, do bëhet me PPP se është rreth 200 milionë euro?

Gjiknuri: Po, Thumana do bëhet nëpërmjet Projektit të Partneritetit Publik Privat i cili po shikohet, pra ka një projekt paraprak, mos u shqetësoni shumë nga shifrat. Kosto po shikohet. Ka një propozim, është një projekt i cili është studiuar nga Autoriteti Rrugor, ka kaluar dhe Këshillin Teknik. Duhet të kuptoni që nuk ka mashtrim në rrugë. Ajo vepër do bëhet me parametrat më të mirë ndërkombëtarë se do jetë një autostradë e shpejtë me 140 km/h. Pra do jetë me korsi shpejtësie dhe do jetë një autostradë me parametrat më të mirë. Ka shumë vepra arti, ka shumë mbikalime prandaj del ajo kosto. Nëse duam rrugë standarde dhe që të jetë e sigurt, jo që të hyjë kushdo, hyn karroca, hyn njeriu. Këtej duam dhe standarde, dhe shpejtësi, dhe kushtojnë. Rrugët kushtojnë, ka çmime të miratuara. Asnjë rrugë nuk do kalojë limitet e miratuara nga qeveria shqiptare. Vendet e tjera mund të kenë kosto dhe më të larta, ne kemi pranuar ato që kemi. Këto janë gjëra të verifikueshme.

Tare: Këtë vit, nis Thumana apo përfundon?

Gjiknuri: Thumana, besoj këtë vit do të nënshkruajmë kontratën dhe do fillojë. Thumana është si Rruga e Arbrit, që besoj se këto ditë do nënshkruhet kontrata dhe do fillojë sepse është negociuar intensivisht këto dy muaj, sepse dhe kontrata ka të bëjë shumë.

Liberi: Çfarë leverdie ka Rruga e Arbrit?

Gjiknuri: Rruga e Arbrit është një rrugë e cila mbase nuk vlen për koncension, është e vërtetë. Pra me pagesë nuk e lan kurrë veten, por ka rëndësi se lidh një ndër krahinat më të mëdha të Shqipërisë, ka pasuri kromi të cilat duhet të transportohen për eksportin, apo uzina përpunuese. E treta, është një projekt i nisur nga qeveria Berisha, e cila hodhi një pjesë të parave, ose të paktën filloi se një pjesë të parave e pagoi kjo qeveri.

By Pass-et e Vlorës dhe Fierit, punimet rinisin në pranverë. Nisin dhe tre rrugë të reja

09:21 Ekonomia

VIDEO: Vaqarr-Kavajë, autostradë? Një kompani bën ofertën

21:00 Ekonomia

STATISTIKA/ Peshorja e pabarazisë: 42 njerëz kanë pasuri sa 3.7 miliardë më të varfërit e globit

17:31 Ekonomia

RAPORTI: Më të pasurit kanë monopolizuar 82% të pasurisë globale

14:50 Ekonomia

Paralajmërimi i drejtorit të BERZH: Sfida për Shqipërinë fillon në 2019-ën

10:53 Ekonomia

Të nxjerrim mësime nga ajo që ndodhi në Shqipëri, ndryshe pasojat do jenë fatale

20:37 Ekonomia

“Suddeutsche Zeitung”: Ndërtuesi i aeroportit të Vlorës, njeri i afërt i Erdogan. Po ndërton dhe aeroportin më të madh në botë

20:02 Ekonomia

KE: Shqipëria progres pozitiv, trefishim i eksporteve me BE

18:26 Ekonomia

SHIFRAT: Shqipëria dhe Kosova me normën më të ulët të tregtisë ndaj PBB-së

11:59 Ekonomia

Bitcoin në pikiatë, bie nën 10,000 dollarë brenda dy ditëve

17:40 Ekonomia