Te fundit
Akuza e Bashkim Finos: FSHF po tenton të manipulojë zgjedhjet. As Duka dhe as Shulku nuk mund të guxojnë dhe t'ia dalin që të “trukojnë” këtë garë
27 Janar 2018, 14:36Sport
TEMA
Kandidati për postin e presidentit të FSHF-së, Bashkim Fino, ka treguar se si FSHF-ja po tenton t’i mbajë të fshehur listën e të deleguarve të klubeve që do të votojnë më datë 7 shkurt.
Fino i ka bërë një kërkesë zyrtare sekretarit të përgjithshëm, Ilir Shulkut, për tu njohur me emrat e votruesve, por përgigja e tij ishte skandaloze duke u shprehur se statuti nuk e detyronte që t’ia tregonte.
Fino shprehet qartë se askush në FSHF nuk do të ketë shansin të trukojë zgjedhjet me datë 7 shkurt.
REAGIM I PLOTË I BASHKIM FINOS
FSHF vazhdon tentativat për të paracaktuar dhe manipuluar zgjedhjet. Me statusin e Kandidatit për President të këtij institucioni, i kam kërkuar zyrtarisht Sekretarit të Përgjithshëm, Ilir Shulku, që të më vërë në dispozicion listën e të deleguarëve nga klubet, me të drejtë vote, për në Asamblenë e datës 7 shkurt. Përgjigja e tij zyrtare, me arrogancë dhe paaftësi, ishte se “Statuti nuk e detyron që të ma japë dhe ndaj nuk do e bëjë një gjë të tillë”.
– Së pari, sot i kam nisur një shkresë të dytë (bashkangjitur në këtë reagim), ku i tregoj të gjithë detyrimet ligjore, që duhet të më vërë në dispozicion atë listë, duke nisur nga “Ligji për informim”.
– Së dyti, kandidati tjetër për president, Armand Duka, si president i FSHF-së, është në dijeni të kësaj liste, duke cënuar rëndë “Parimin e Barazisë” dhe “Parimin e Transparencës”.
Kjo tentativë për të mbajtur të fshehtë listën dhe duke mos e bërë publike, bëhet vetëm nga dëshira e tyre për të bërë ndryshime dhe manipulime të saj, me shpresën për të larguar ata që e votojnë kundër. I kërkoj Sekretarit të Përgjithshëm, Ilir Shulku, që të heqë dorë nga shërbimet dhe shkeljet ligjore, sa është ende në kohë. I kërkoj të bëjë publike listën e personave të deleguar nga klubet, me shkresa të dërguara deri në datë 18.01.2018 në FSHF.
As ai, as shefi i tij dhe askush tjetër nuk mund të guxojë dhe nuk ka për t’ia dalë mbanë asnjëherë, që të “trukojnë” këtë garë. Vullneti i të gjithë delegatëve dhe anëtarëve të ligjshëm të Federatës do dëgjohet dhe do vendosë më 7 shkurt.
Për këtë dal garant!
Bashkim Fino
(TemA)
3 komente në “Akuza e Bashkim Finos: FSHF po tenton të manipulojë zgjedhjet. As Duka dhe as Shulku nuk mund të guxojnë dhe t’ia dalin që të “trukojnë” këtë garë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Te urojme Sukses Z.Fino.Besoj se do ta mundesh Klanin e Zemunit
Une nuk e njoh DUken por njoh Bashkimin dhe dua te fitoje Duka pasi nuk ka ndonje tjeter me te mire per momentin.Shulku nuk duhet te jete aty ku eshte dhe kete gje e ben vetem Fino po fitoi por se di.U befte me e mira.Mos mendo se Fino eshte burre i mire o KOBA.Ai eshte akoma me i keq se DUKA por nuk ka zgjidhje tjeter,kjo eshte e keqja.
vk