Doni ta prodhoni energjinë nga panelet diellore për konsum vetjak? Ja si të veproni për vete dhe për të shitur tepricat

Jeni një familje apo biznes që keni instaluar impiant fotovoltaik për konsum vetijak dhe prodhoni me shumë sesa keni nevojë?

Pjesën tepër ju mund ta shisni tek Operatori i Shpërndarjes së Energjisë Elektrike sapo të miratohet metodologjia që do të nxjerrë edhe çmimin me të cilën do të trajtohet ky kontigjent.

Burime pranë Ministrisë së Infrastrukturës dhe Energjisë thanë për Monitor se metodologjia është akoma duke u punuar dhe pritet të miratohet së shpejti duke i hapur më pas rrugë përfitimit të këtij grupi prodhuesish.

Çmim i ndryshëm sipas llojit të prodhuesit

Enti Rregullator i Energjië miratoi në verën e vitit të kaluar çmimin për një grup të veçante prodhuesish që janë ata me fuqi të instaluar deri në 2 megavat dhe që do të kenë një çmim fiks prej 100 euro MW.

Ky çmim është dukshëm i lartë në raport me mesataren e çmimit që prodhohet nga energjia hidrike por që nga ana e MIE është argumentuar se do të shërbejë si një stimul i mjaftushëm për të nxitur investime në parqe fotovoltaikë deri në 2 MË.

Kjo vlen për të gjithë ata që në investim hyjnë si prodhues të mirëfilltë dhe jo për autokonsum.

Për prodhuesit familjarë apo bizneset që kanë instaluar apo instalojnë impiante fotovoltaikë për të përfituar nga një faturë e reduktuar që paguhet tek OSHEE do të ketë një trajtim të ndryshëm nga prodhuesit e mirëfilltë.

Çmimi i tyre nuk është 100 euro MW por do të jetë i përllogaritur me një formulë tjetër. Pas miratimit të këtij çmimi biznesi apo individi ka vetëm një kosto që është ajo e instalimit të matësit me dy kahe që bën të mundur përllogaritjen e saktë sesa energji ka hyrë në rrjetin e biznesit dhe sa ka dalë duke i dhënë mundësinë OSHEE-së të bëjë balancën.

Nëse balanca rezulton negative biznesi duhet të paguaje tek kompania e shpërdnarjes energjinë që ka marrë nga rrjeti për të plotësuar nevojat e saj nëse rezulton pozitive ai do të paguhet në bazë të sasisë tepër që ka hedhur në rrjet.

Kjo kategori nuk do të paguajë tarifë transmetimi apo shpërndarjeje për tepricën e prodhuar.
Prodhuesit e mëdhenj që do të kenë një kapacitet të instaluar më shumë se 2 MW do të trajtohen me një diferencë nga çmimi i bursës.

Pak kohë më parë Ministri për Infrastrukturën dhe Energjinë Damian Gjiknuri u shpreh krijimi i bursës do të bëjë që të kemi një çmim real që e vendos tregu dhe që më pas këtij çmimi i vendoset edhe pjesa shtesë.

“Për herë të parë, mbështetja do të jepet në formën e një shpërblimi për arritjen e çmimit të caktuar, si shtesë çmimit të referencës – Kontratat CfD. Kontrata për diferencë parashikohet për një shpërblim të ndryshueshëm, të llogaritur si diferenca midis çmimit me të cilin prodhuesi i energjisë së rinovueshme është shpallur fitues në procesin konkurrues për dhënien e ndihmës (çmimi paracaktuar) dhe çmimit të tregut të energjisë elektrike (çmimi reference).

Këshilli i Ministrave, do të miratojë procedurën për organizimin e procedurës konkurruese të ankandit, për dhënien e mbështetjes ndaj prodhuesve me përparësi të energjisë”do të shprehej mes të tjerash Gjiknuri.

Kjo skemë sipas tij do të ishte deri në 15 vjet duke çuar në shlyerjen e plotë të investimit të bërë nga ana e investitorit.

Shqipëria pritet që këtë vit të ketë edhe procedurën e parë konkurruese për centralin fotovoltaik i cili do të asistohet nga BERZH.

Financat: Institucionet që nuk paguajnë sigurimet, mbeten pa rrogat e muajit pasardhës

10:33 Ekonomia

186 gjoba në 2017 për zyrtarët që nuk deklarojnë pasurinë, por edhe për bizneset pa “bilbilfryrës”

09:31 Ekonomia

Fati i liqenit të Prespës, ja vendimi i Ministrisë së Bujqësisë mbi menaxhimin

19:07 Ekonomia

Investitorët suedezë vëmendje tek potencialet e Shqipërisë

14:50 Ekonomia

Biznesi i dedektivëve privatë shqiptarë: Nga tradhtitë te spiunazhi industrial

11:49 Ekonomia

Largohet Endri Puka, ja kush është drejtori i ri i Albepetrol

13:06 Ekonomia

“Leku i ri, leku i vjetër”! Si lindi ndryshimi që ngatërron shqiptarët edhe sot e kësaj dite

11:11 Ekonomia

BE do të investojë 101 milionë euro për gazin natyror në Qipro

21:20 Ekonomia

Ahmetaj: Varfëria nuk matet me emocione cadrash. Në 2012, varfëria arriti kulmin, 195 mijë qytetarë jetonin me 2.5 $ në ditë. Në 2016, varfëria u ul 18%

13:05 Ekonomia

Kush janë shtetet, nga emigrantët dërgojnë më shumë para në Shqipëri

09:00 Ekonomia