Te fundit
Prapaskenat: Pse Tavo do ta çojë votën e Luftëtarit te Duka
30 Janar 2018, 20:50Sport
TEMA
Të mërkurën e ardhshme, më 7 shkurt, do të mbahen zgjedhjet për presidentin e ri të Federatës Shqiptare të Futbollit.
Siç dihet në garë janë dy emra, Armando Duka, i cili e drejton FSHF-në prej 16 vitesh dhe Bashkim Fino, deputeti i PS-së, ish-kryeministër dhe ish-kryebashkiak i Gjirokastrës.
Votë në Asamblenë e FSHF-së ka edhe klubi Luftëtari, i përfaqësuar nga presidenti Grigor Tavo. Por deri më tani, ky i fundit nuk ka dhënë asnjë sinjal publik se për kë do të shkojë vota e tij, për Finon apo për Dukën? Ndonëse nuk ka detyrim të tregojë paraprakisht votën e tij në asamble, për aq kohë sa ajo është e fshehtë.
Megjithatë le të përpiqemi të rendisim disa fakte interesantë, të cilat nëse i shohim të lidhura me njëra-tjetrën, të bëjnë të mendosh se Grigor Tavo do të votojë pro Armando Dukës, duke refuzuar në këtë mënyrë Bashkim Finon.
Kuptohet që ky i fundit nuk është thjesht një tifoz i Luftëtarit, sikundër e ka shprehur publikisht, por duke qenë gjirokastrit dhe ish-kryebashkiak, ka një sensibilitet më të madh për zhvillimin e sportit në qytetin e tij.
Sidoqoftë kjo mbetet ende për t’u parë nëse Fino fiton dhe atëhere do të jetë në provë se çfarë do të bëjë për futbollin në Gjirokastër.
Nuk është më sekret se PD dhe LSI tashmë janë bërë bashkë jo thjesht në koalicionin opozitar, por janë bashkë edhe në fushatën për zgjedhjen e presidentit të ri të FSHF-së. Presidenti Ilir Meta ka zhvilluar disa ditë më parë një takim me Armando Dukën, ku mësohet se i ka shprehur garanci që votat e kryebashkiakëve të LSI-së do të jenë në mbështetje të tij. Këtu nuk bën përjashtim as Gjirokastra, edhe pse e drejta e votës është në dorë të Grigor Tavos dhe jo Zamira Ramit.
Por kjo e fundit, për shkak të funksionit që ka, ushtron ndikim tek klubi i Luftëtarit. Të paktën në aspektin financiar. Bashkia Gjirokastër ka 25% të aksioneve të klubit dhe ende jep financime për ekipin.
Zamira Rami nuk është i vemti njeri që influencon tek Grigor Tavo. Të mos harrojmë vëllain e tij deputet të LSI-së.
Natyrisht që do të ketë një ‘shkelje syri’ nga Vangjel Tavo për të vëllain, në mënyrë që ky i fundit ta çojë votën për Armando Dukën dhe jo Bashkim Finon.
Nuk dihet ende se çfarë ka premtuar Duka në këmbim të këtij të kësaj vote pro tij, por gara në FSHF nuk është thjesht një garë për dy njerëz që duan të drejtojnë futbollin në Shqipëri.
Ajo ka marrë përmasat e një beteje politike, ku përplasen dy palë; PD e LSI nga njëra anë dhe PS-ja nga ana tjetër. Në këto kushte, vota e Grigor Tavos në emër të Luftëtarit, ka të ngjarë të mos shkojë tek Bashkim Fino, ndonëse vetë Tavo do të preferonte që ish-kryebashkiaku i Gjirokastrës të merrte drejtimin e futbollit shqiptar.
Mbi Grigor Tavon veprojnë të tjera forca, ndaj vota e tij më 7 shkurt pritet të jetë një votë për Armando Dukën. Edhe pse për të qenë të drejtë deri në fund, ndoshta s’kemi për ta mësuar kurrë të vërtetën, për aq kohë sa votimi është i fshehtë. (Argjirolajm)
6 komente në “Prapaskenat: Pse Tavo do ta çojë votën e Luftëtarit te Duka”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ti Fino si Gjirokastrit duhet ta kishe marre nje leksion nga qyteti yte i lindjes .Greker si Tavot nuk lexohen kurre.Ata hane me Saliun Me Edin me Liken me Lulin dhe ne fund vdesin per grekun.Jane te palexushem.Grek hesapi do te thoshte ne kete rast nje Gjirokastrit.Por me kete kuptoj se nuk qenke Gjirokastrit puro mor Fino.Harrova dhe Vangjelin e Mones Pse kot ja mbajti Mona gruan drejtoreshe tek Ministria e Bujqesise jo pak por plot 10 vite. Trajtonte Grandet per fermeret Pyetini pak te shkretet fermere Shqipetar per ndarjet e Grandeve nga gruaja e Vangjelit.dhe Mones.PYETI se ta tregojne fermeret
Tavot i marrin urdherat nga Monika
Vellezerit Tavo i drejton Mona me cizme.Prandaj ne kor le te brohorasim te gjithe RROFTE MONA CIZMJA.haaaaaaaaaaa
Jo po ta coj ke fino dhe grupini tin baktacinjsh qe jan me shok jo more mero jo
PD dhe LSI hyjne ne gare me te drejte sepse PS po ben kerdine. Fakti eshte qe Fino pa PS eshte kot ndersa Duka ne kushte normale sundon pa i prish era floket, pelqehet ky fakt apo jo eshte mesele tjeter, prandaj vini mend se Duka eshte dhe do te jete Presidenti i Fshf-se edhe kesaj rradhe deri sa te dali ne pension
Gazete qe po e ben mire detyren e lepiresit te prapanices se Bashkim Finos, po ju o derdimenat e TemA, e dini qe Fino nuk ka asnje kacidhe ne xhep se te gjitha i la tek Miri i Xhikes….