FOTOT/ Majko në Harvard: Të shfrytëzojmë potencialin e shqiptarëve të suksesshëm

“Përfshirja e personave të suksesshëm në lidershipin e shqiptarëve të diasporës dhe një koordinim më i madh mes shtetasve shqiptarë që jetojnë jashte vendit, janë thelbësore për ta shndërruar diasporën në një vlerë të shtuar të Shqipërise”

Kështu u shpreh Ministri i Shtetit për Diasporën gjate një diskutimi të hapur në Universitetin e Harvardit ne Boston. I shoqëruar nga Ambasadorja e Shqipërisë në SHBA, znj. Floreta Faber, z. Pandeli Majko u takua me profesorin Ricardo Hausmann, drejtues i Qendrës për Zhvillimin Ndërkombtar (DCI) dhe me studentë shqiptarë që studiojnë në universitetin prestigjoz.

Ministri u prezantoi atyre politikat për diasporën, duke i njohur me hapat institucionalë të ndërmarrë deri më tani dhe planet për të mundësuar një angazhim më të madh të shqiptarëve jashtë vendit në zhvillimet politike dhe ekonomike të Shqipërisë. Z. Majko informoi të pranishmit mbi përpjekjet që po bëhen për të përmirësuar lidhjet e shtetit me diasporën, duke përmendur krijimin e Nënkomisionit Parlamentar, Komisionit Shtetëror për Diasporën, Agjencisë e gjithashtu Këshillit Konsultativ për diaporën. Ministri e vuri theksin tek rëndësia e ngritjes së një rrjeti të komuniteteve shqiptare.

“Detyra ime është të mundësoj krijimin e lidhjeve mes shqiptarëvë të diasporës”, u shpreh Ministri, duke i kërkuar studentëve e shqiptarëve të tjerë të pranishëm, të gjejnë mënyrat për tu mbledhur së bashku në aktivitete vjetore.

“Jemi në fazën e ndërtimit dhe jo të gjitha muret janë të dukshme, por kemi hedhur hapa shumë të rëndësishëm drejt përfshirjes më të madhe të diasporës në axhendën politike”, shtoi më tej Ministri. Ai përmendi planet për krijimin e një rrjeti të grave në diasporë. Nga ana e tyre, studentët e talentuar shqiptarë i drejtuan pyetje Majko lidhur me strategjinë për diasporën, të cilën e vlerësuan si impresionuese.

Të rinjtë u interesuan mbi mënyrat për të patur një bashkëpunim sa më të efektshëm. Ministri theksoi nevojën e komunikimit dhe organizimit të aktiviteteve të përbashkëta, për të shfrytezuar potencialet e të gjithë shqiptarëvë të suksesshëm që jetojnë jashtë vendit. Në këtë aspekt, Majko sugjeroi krijimin e një Këshilli Koordinues. Ministri i Shtetit prezantoi për panelin në Harvardit edhe një video që shpaloste resurset natyrore e njerëzore të Shqipërisë.

Në shenjë mirënjohje për kontributin e komunitetit shqiptar në qytetin e Worcester në Massachusetts , kryebashkiaku i këtij qyteti z. Joseph Petty e nderoi Ministrin e Shtetit për Diasporën me Çelësin e Qytetit. Z. Pandeli Majko vizitoi të martën qytetin ku jeton një numër i konsiderueshëm shqiptarësh, i shoqëruar nga Ambasadorja e Shqipërisë ne SHBA,  Floreta Faber.

‘Është kënaqësia ime t’ju dorëzoj juve Çelësin e Qytetit të Worcester, në shenjë mirënjohjeje për vizitën tuaj në këtë qytet. Shpresoj të jetë e qartë se banorët shqiptarë të Worcester janë një pjesë jetësore dhe me shumë vlerë e qytetit tonë dhe ne ju falenderojmë që na nderuat me praninë tuaj këtu”, thuhej në deklaratën e dorëzimit të Çelësit simbolik të kryebashkiakut të Worcester.

Aty theksohej se shkëmbimet kulturore janë tepër të rëndësishme për të ruajtur paqen dhe prosperitetin.
Ministri i Shtetit për Diasporën shprehu mirënjohjen për vlerësimin dhe falenderoi autoritet lokale të qytetit për përpjekjet e tyre në mbështetje të komunitetit shqiptar. Gjatë qëndrimit në Worcester, z. Pandeli Majko vizitoi qendrën ‘Ilirian Garden’, e konceptuar si një shtëpi për brezin e tretë pikërisht nga emigrantë shqiptarë. Ministri u takua me drejtuesin e qendrës, z. Gregory Stefan, i cili vlerësoi kontributin e dhënë nga komuniteti shqiptar në ndërtimin e shtëpisë për të moshuarit.  Më pas, delegacioni shqiptar zhvilloi një vizitë në Kishën Ortodokse të shqiptarëve St. Mary’s Assumption.​

Bushati takon Mikser: Estonia mbështet hapjen e negociatave me BE

15:20 Politika

VIDEO: Rama prezanton operacionin "AntiTepsi": Denonconi rastet, shtetit nuk i duhen parazitët dhe grabitqarët

12:07 Politika

Spanjolli që rrëmbeu avionin në 1970: Donte të shkonte në Shqipërinë e Enver Hoxhës

11:50 Politika

Sabit Brokaj: Tani sapo është hedhur karremi për “peshqit e mëdhenj”, pastaj...

11:37 Politika

Eurodeputetët "lodhen" nga hallet e Ballkanit, Johanes Hahn publikon foton epike

11:35 Politika

Apologjia e Zenit (tani do të fillojnë bubullimat dhe frikësimi përmes dosjeve)

11:01 Politika

Drejtori i TVSH Korçë, një sygjerim Arta Markut: Ka vajtur ku s'mban më, të bëhet një inventar i pasurisë së pushtetarëve. Më 1990 ishim njësoj...

10:49 Politika

“Korrupsioni me rrugët, 500 milionë euro. Pas arrestimit të drejtorëve, tani edhe Basha rrezikon seriozisht burgun”

10:33 Politika

Drejtorët e arrestuar, ministri i LSI në alarm: Arrestime me përkatësi politike bëmë sa u shqepem në komunizëm, tani gjyqe publike si pushkatim pa gjyq...!

10:22 Politika

Zbulohet raporti sekret për përgjimet që u bëhej grave bullgare në Tiranë/ Drejtori i Sigurimit: Diplomatët bullgarë, tre orë te shtëpia e Kiço Shtikës në Tiranë…?!

07:27 Politika