Te fundit
FOTOT: Veliaj: Për çdo parkim me SMS, qyteti fiton pemë
4 Mars 2018, 12:25Sociale
TEMA
Projekti i Bashkisë së Tiranës për pagesën e parkimit me SMS, jo vetëm ka rritur transparencën në shërbim të qytetarëve, por ka rezultuar mënyra ideale për të financuar projekte në dobi të komunitetit si gjelbërimi i qytetit. Tirana Parking dhe Lotaria Kombëtare iu bashkuan kryetarit të Bashkisë së Tiranës, Erion Veliaj, për mbjelljen e pemëve të reja përgjatë autostradës Sauk-Teg, si kontribut për një mjedis më të gjelbëruar dhe ajër më të pastër.
“Tirana Parking po ndihmon duke mbjellë pemë sot, por në fakt çdo qytetar që parkimin e paguan me celular në nr. 50500, dhuron një pemë. Dua t’i falenderoj të gjithë ata qytetarë që, pavarësisht se koncepti i parkimit me pagesë ishte një koncept i ri për Shqipërinë, sot po kuptojmë që jo vetëm është bërë më e lehtë të gjejmë parkim, jo vetëm që qyteti merr të ardhura, por në momentin që të ardhurat lidhen direkt me gjelbërimin e Tiranës, secili ndihet që ka dhënë një kontribut”, theksoi Veliaj.
Deri më tani në kryeqytet janë mbjellë mbi 90 mijë pemë të reja, shumë afër objektivit për të mbjellë 100 mijë pemë deri në 21 mars. Kryebashkiaku Veliaj ftoi edhe një herë qytetarët që të shfrytëzojnë ditët e mbetura dhe ngjarjet e rëndësishme si 7-8 Marsi për mbjellë një pemë. “Kemi përpara 7-8 Marsin, Ditën e Verës, të tjera arsye për ta bërë Tiranën tonë më të mirë se ç’ishte dje. Janë një mënyrë për t’i kushtuar suksesin e këtij qyteti të gjitha grave dhe vajzave, që e bëjnë këtë qytet të suksesshëm. Siç thotë ajo shprehja: ‘Pas çdo burri ka një grua shumë të aftë’, në fakt edhe pas çdo qyteti ka gra dhe zonja të mrekullueshme, që kanë sukses në kompanitë tona publike ose private”, deklaroi ai.
Eglantina Zëre, drejtoresha e Përgjithshme e “Tirana Parking”, theksoi se çdo e ardhur nga pagesa me celular e vendparkimit, shkon për të mbjellë pemë për qytetin.
Një kontribut të çmuar në nismën “Dhuro një pemë” kanë dhënë edhe bizneset, duke i kthyer mbrapsht komunitetit një pjesë të fitimeve të tyre. “Jam shumë i lumtur që kemi miq që i janë përgjigjur pozitivisht thirrjes sonë për ta gjelbëruar Tiranën. Tirana, si çdo qytet, ndahet në ata që janë spektatorë dhe ata që janë aktorë. Aktorët janë ata që bëjnë gjërat, spektatorët janë gjithologët që vetëm japin mend si bëhen gjërat. Më vjen mirë që sot kemi aktorë si Lotaria Kombëtare, si Tirana Parking, të cilët nuk mjaftohen vetëm duke thënë si duhet të bëhen gjërat, por marrin lopatën për të gjelbëruar Tiranën. Është shumë e rëndësishme që kompania të ketë sukses, të ketë fitim, të punësojnë njerëz, por është shumë e rëndësishme që t’i japë diçka mbrapsht komunitetit”, tha Veliaj.
Përfaqësuesi i Lotarisë Kombëtare, Peter Simoner, e cilësoi të shkëlqyer këtë nismë të Bashkisë së Tiranës dhe siguroi se projekte të tilla në dobi të komunitetit do të vijojnë edhe në të ardhmen.
2 komente në “FOTOT: Veliaj: Për çdo parkim me SMS, qyteti fiton pemë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Bravo zoti Veliaj!
Mendja te punon vetem tek fitimi!
Po per qytetaret e Tiranes qe te drejtohen me ankesa per padrejtesi te bera nga vartesit tuaj me e mail ose letra me poste,pse ju pergjigjesh personalisht,por mbete duke mbjelle peme si brigadier kooperstive?
Kjo qe ben ti eshte 0,000000001 e detyres tende si kryebashkiak i 1 milion banoreve.
Per mua je vetem nje i pa afte ekstrem per ate detyre ,per me teper qe me shume i ben reklame imazhit tend.
Mos harro se edhe Berishen e mburrnim dikur mijra jenicere vendas e te huaj,por vulen perfundimtare te turpit ia vuri populli shqiptar.
Mos dil me ne tv se je bere si dikur Berisha,bile me keq se je edhe djale i ri.
bravo veliaj,se pemet jane mushkrite dhe jeta e popullite.
hjeshi freskim,hije ne dite te nxehta,parqe nacionale ect.
erion vekiaj nga ktye bashkiak i merituar.