Te fundit
Andi Bushati: Rama-Obama dhe Basha-Trump, janë e njëjta histori
13 Mars 2018, 12:15Blog
TEMA
Andi Bushati shkruan sot, se historia e lobimit të Lulzim Bashës për një foto me Donald Trump, është njësoj si ajo e fotos së Ramës me Obamën.
Ndaj, sipas tij, Rama nuk ka gojë të akuzojë Bashën.
Shkrimi i Bushatit në Lapsi.al
Po t’a dëgjoje Edi Ramën të hënën në mbëmje në “Studio e hapur”, nuk e kishte të vështirë të bindeshe. Duke folur për skandalin e financimeve të panjohura të PD të rihapur së fundi nga revista amerikane “Mother Jones” ai dukej gati gati normal. Kishte hequr dorë nga histeria e rëndomtë që ka kapluar këto ditë socialistët kundër Rusisë dhe pranonte se historia me agjentë të Kremlinit ngrinte vetëm dyshime. Po aq me këmbë në tokë ngjante kur pohonte se përderisa kishte një përzjere ruse dhe se më parë elementë të tillë kishin shfaqur tentativa për destabilizimin e shteteve fqinje, kësaj afere i duhej shkuar deri në fund.
Në plot 23 minuta që u mor më këtë çështje kryeministri ngriti pyetjet e duhura: Kush i kishte paguar ato para (675 mijë USD)? Pse ato nuk qenë deklaruar pranë institucioneve shqiptare ashtu sikurse e kërkon ligji ? Dhe në fund, si për t’i qëndruar besnik tipit të tij, nuk i kurseu batutat humoristike me Lulzim Bashën, i cili nuk ka turp të deklarojë se nuk e di se kush ka dashur t’i falë PD-së 500 mijë dollarë.
Pra, për atë gati gjysëm ore, kur zgjodhi të argumentonte mëkatet e kundërshtarit, Edi Rama ngjante si një politikan normal, bindës dhe me këmbë në tokë.
Por gjithçka ndryshoi kur moderatorja Eni Vasili kaloi në historinë e tij. Mjaftoi një pyetje e thjeshtë: “Po ju a nuk keni paguar për një foto me presidentin Obama”, për të përmbysur gjithçka.
Nga i qetë, argumentues dhe logjik, Edi Rama u shndërrua në konfuz, ambig dhe i paqartë. Ai tha se ajo ishte një histori tashmë e mbyllur me gjykim në ShBA, ku ai që kishte kryer “krimin”, taksisti Bilal Shehu, e kishte marrë përsipër fajin, madje edhe qe dënuar për të. Por, Ramës i’u mbyll goja për të thënë se nga vinin ato para, që duheshin për një foto të tij me Obamën dhe që gjykata e Nju Xhersit kishte vërtetuar se ishin futur në Amerikë nga jashtë. Kryeministri e anashkaloi turpshëm kleçkën thelbësore se me ato para të nisura nga Shqipëria ishte shkelur ligji elektoral amerikan, që nuk lejon financimin e fushatës nga vende të treta. Ai u vu në pozicionin identik për të cilin pak minuta më parë ishte tallur me Bashën duke thënë : “pse duhet të di unë kush ka paguar për mua”.
Në fakt, nëse i heqim elementin rus, tentativat për destabilizim të vendit dhe të rajonit, për të cilat Rama vetë pranoi se ka vetëm dyshime, dy historitë paralele ngjajnë si dy pika uji.
Në vitin 2013, Edi Rama, para garës elektorale, kërkon një foto me presidentin Obama për t’i mbushur mendjen shqiptarëve se ai është njeriu i përëndimit dhe se Sali Berisha tashmë është braktisur. Për këtë ai siguron 80 mijë dollarë, gjen edhe një taksist emigrant që do të paguajë si qytetar amerikan paratë. Rama arrin të sjellë në Shqipëri foton, megjithëse nuk e pranojnë të bëjë shoqëruesin e Shehut në darkë. Shtypi kundër Obamës e relaton më pas ngjarjen dhe drejtësia amerikane fillon të merret me të.
Plot katër vite më pas, Basha bën të njëjtën gjë. Edhe ai është para zgjedhjeve. Edhe atij i duhet një fotografi me presidentin e radhës Trump, për të treguar se ShBA e paranon atë. Edhe ai i ka paratë. Por, njësoj si Rama nuk i paguan dot vetë. Prandaj në vend të një taksisti zgjedh një kompani të regjistruar në parajsa fiskale, e cila rrezulton se ka nga pas dy shoqëri të tjera me pronarë rusë, për të bërë pagesat. Por, manipulimi i tij del në shtypin amerikan.
Pra shkurt dy ngjarjet janë identike. Histori parash të zeza, të pa deklaruara, të ardhura nga Shqipëria, të cilat kanë gjetur nga një manipulim, për t’u bërë të pranueshme nga ligjet amerikane.
Në kohë të ndryshme dhe me mënyra të ndryshme edhe Basha edhe Rama kanë bërë të njëjtën gjë: janë mundur të fshehin origjinën e dollarëve që u a kanë dorëzuar me thas ne dorë. Prandaj këto çështje më shumë sesa zhurma konspirative me agjentë të Kremlinit apo tentativa për të lëvizur ekuilibrat gjeopolitikë, janë thjeshtë pazare të shëmtuara shqiptare. Ku të dyja palët janë identikisht njësoj. Ku të dyja palët ushqehen nga paratv e zeza qv prodhohen në këtë vend.
Prandaj, Rama fliste logjikshëm kur trajtonte në “Studio e hapur” rastin e kundërshtarit dhe bukosjej kur duhej të argumentonte aferën e tij. Edhe këtu janë fatkeqësisht identikë.
Basha dikur merrte poza serioze kur trajtonte 80 mijë dollarët e fotos së Bilalit, por mbeti gojë mbyllur dhe u bë qull në djersë, një javë më parë në “Opinion”, kur nuk shpjegoi dot historinë e lobimit të vet.
5 komente në “Andi Bushati: Rama-Obama dhe Basha-Trump, janë e njëjta histori”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
edhe pse nuk me vjen mire me duhet te te jap te drejt bushatit por,
parate qe erdhen nga rusia eshte ndryshimi, nese ramas do ti dilte se 80 mije dollare nga rusia do te vinin atehere do te qe njesoi
ne zgjedhjet e ardhshme duhet qe kqz-ja te nxjerr nje ligj qe te ndaloi lobimin ne vendet jashte shqiperise
qe mos te kemi me nga keto budallaqet
ALPINI.
Or Bushat.qe je bushatliu me i qelbur.nuk e luan as topi.Ti je nje psikopat por si ta merr ajo mendje zogu kur ben.krahasime te kesaj natyre. Keto jane dita e Rames dhe nata e Lulit.Te ishte ashtu qe mundohesh me e paraqitur ti e kishin nxjerr te tjeret para teje.Sidomos Sala e Luli.Por ketu e ka fajin Mero Baze qe te boton keto budallalleqet tuaja.
E para 80 mije dollaret nuk jane provuar qe kane ardhur nga Shqiperia
E dyta ka nje vendim gjykate per Bilal Shehun te cilin fytyra jote me e ndyre e ke pasur ne klase dhe ben sikur nuk e njeh dhe nuk e di qe ,Bilali nuk eshte o maskara i ndyre shofer taksie, por pronar i nje kompanie me limuzina qe 80 mije dollare i ben ne jave
E treta ti je akoma ai femija i keq i bllokut qe nuk lejoje kalamajte e pallatit perball te luanin futboll ne rruge…
E katerta, bravo te qofte qe je bere perfaqesuesi i se djathtes shqiptare, dhe gjithe atyre idioteve qe flasin per krimet e komunizmit….
Je ca pusht ti Bushat….ta kam thene dhe here tjeter.
Kur mendoj qe je pjelle e bllokut fjala pusht me duket si kompliment megjithese ne fillim te shenimit tim nuk e kam si te tille.
Mi kanalesh Krimi eshte krim , pse e paska bere Rama duhet ta beje edhe Bashuku dhe spaska pergjegjesi , ku ishe kur e beri Rama zagar zorresh