Histori filmash me të penduar e të arrestuar që do shkaktojnë tërmet: Mediat shqiptare përgënjeshtrohen nga një portal modest italian

Mediat shqiptare prej muajsh e kanë kthyer në një telenovelë me disa seri, çështjen “Tahiri”.

Çdo javë transmetohet një pjesë e re.

Janë tre-katër gazetarë afër PD-së në fakt, që hedhin shashka, pastaj ata i botojnë pothuajse të gjitha portalet.

Pastaj del dhe PD me ndonjë deklaratë.

Në fund ndërkohë, nuk ndodh asgjë nga ato që paralajmërojnë këta.

Fjala vjen, prej dy ditësh në portalet shqiptare qarkullonte një lajm se “financiari” i Habilajve, Nezar Seiti, ishte penduar dhe do të fliste për Prokurorinë e Katanias.

Lajmi i referohej Basri Çollakut.

Por Meridionews, një portal modest italian ka nxjerrë bllof mediat shqiptare, pasi ashtu si dhe më parë, nuk rezultonte asgjë e vërtetë.

Tashmë dosja ku përfshihet Seiti është mbyllur dhe të pandehurit pritet të dalin për t’u gjykuar.

Shkrimi i plotë i Meridionews

Bashkëpunoi apo jo? Protagonist këtë herë është Nazer Seiti, 41 vjeç, i ekstraduar nga vendi i Ballkanit në fillim të vitit 2018, pasi u arrestua në mesin e tetorit të vitit të kaluar nga policia shqiptare.

Sipas të dhënave të pakonfirmuara, njeriu në fjalë sot duhet të ishte takuar me gjyqtarët e prokurorisë së Katanias. Të njejtët gjyqtarë që bashkë me forcat “Gico” të Guardia di Finanza kanë hetuar prej vitesh për bandën e krijuar nga vëllezërit Florian dhe Moisi Habilaj. Emra këta pak të njohur në Itali, por që në Shqipëri, pas arrestimit të tyre, dhanë të dhëna të mjaftueshme për një krizë qeveritare për shkak të lidhjeve farefisnore me ish-ministrin e Brendshëm, Saimir Tahiri. Politikani në fjalë, i cituar në disa përgjime telefonike dhe mjedisore, përfundoi nën hetim me një mandat të Prokurorisë së Krimeve të Rënda në Tiranë.

Seiti, i konsideruar nga hetuesit si financieri i grupit, sipas të dhënave të mbledhura nga “MeridioNews”, momentalisht mbahet në Romë, në burgun e Rebibbia. Nuk është transferuar në Catania, siç zbuloi nëpërmjet një postimi në Facebook edhe gazetari Basir Collaku, lajm i përhapur më pas edhe në mediat vendase. Për Seitin, si dhe për të dyshuarit e tjerë, prokuroria ka mbyllur dosjen e hetimeve dhe së shpejti Habilaj dhe partnerët, duke përfshirë disa grosistë italianë të cilët operonin në Catania, do të dalin në gjyq.

Seanca e parë dëgjimore ka shumë gjasa të zhvillohet brenda pak javësh edhe pse data nuk është caktuar zyrtarisht.

Policët shqiptarë e arrestuan Nezer Seitin gjatë një operacioni antidrogë në Babicë të Vlorës. Procedurat për ekstradimin e tij nuk ishin të thjeshta, madje u shoqëruan me shumë polemika politike. Në ballë të tyre u vu Partia Demokratike, kritike ndaj qeverisë së kryeministrit Edi Rama. Sipas PD-së, ministrja e Drejtësisë, Etilda Gjonaj kishte dhënë dritën e gjelbër për transferimin në Itali të Seitit për të shmangur përfshirjen në dosjen e Prokurorisë së Tiranës.
Seanca e sotme gjyqësore, e planifikuar të niste në orën 14:00 u mohua nga avokati mbrojtës Maurizio Catalano për MeridioNews.

Sakaq homologu i tij shqiptar Detar Hysi është shprehur se: “Seiti nuk ka shprehur ndonjë dëshirë për t’u penduar,” shpjegon avokati.

SHËNIM: Herën tjetër, jo me çakmak!

18:12 Politika

U akuzua për goditje të arbitrit me çakmak, reagon Braçe: Sport i ri në Top Channel ky? Ja mashtrimi mbi ngjarjen

17:49 Politika

Makovei kërkesë Këshillit Europian: Filloni negociatat për anëtarësimin e Shqipërisë, ka bërë progres

17:39 Politika

HISTORIA/ Pse e arrestoi Artan Cuku porositësin e vrasjes së tij, Bledar Jambellin

17:33 Politika

Ç’do ngjasë në Jugosllavi pas Titos?! Pyetja e Enverit që mobilizoi policinë dhe ushtrinë

17:17 Politika

Majlinda Bregu: Më uruan edhe nga PD. Shpërblim nga Rama? Këto janë intrigat e Tiranës

17:07 Politika

Kryeparlamentarët e vendeve të BE-së garanci për integrimin e Shqipërisë: Mbështesim rrugëtimin europian

16:36 Politika

Rama në Gjermani, takon dhe mikun e Bashës

08:16 Politika

Anëtarja e kryesisë: Bregu, politikane me artikulim të fortë, të guximshëm e potencialisht për forcimin e PD. Urime për hapin e radhës

14:34 Politika

Bushati: Kosova dhe Bregu, në dy pozicione të rëndësishme drejtuese në rajon

14:20 Politika