Cilësia e dobët e punimeve, Ahmetaj: Auditim të plotë gjithë investimeve, përgjegjësit do përballen me drejtësinë. Balla i përgjigjet kryebashkiakes së LSI

Llogaridhënia Publike e Qeverisë vijoi në qytetin e Prrenjasit, ku Kryetari i Grupit Parlamentar Taulant Balla, Ministri i Ekonomisë dhe Financave Arben Ahmetaj, zëvendësministrat e Drejtësisë, të Infrastrukturës dhe Energjisë, drejtorët e përgjithshëm të Institutit të Sigurimeve Shoqërore dhe ai i OSHEE, sëbashku me deputetin e zonës Nuri Belba iu përgjijën pyetjeve dhe kërkesave të banorëve.

Gjatë llogaridhënies disa banorë të qytetit të Prrenjasit ngritën shqetësimin: “megjithëse Qeveria Rama ka investuar në qytetin tonë në sheshe, rrugë, shkolla, qendër kulturore vetëm në 3 vitet e fundit, bie në sy se cilësia e punimeve në këto investime është shumë e dobët”.

Lidhur me këtë shqetësim të drejtë të banorëve, Ministri i Ekonomisë dhe Financave Arben Ahmetaj u shpreh se ai di të vendosë në lëvizje inspektimin financiar për një auditim të plotë të të gjitha investimeve të bëra në Prrenjas dhe personat përgjegjës do të përballen me drejtësinë.

Kryetari i Grupit Parlamentar Socialist Taulant Balla iu përgjigj edhe pretendimit të Kryetares së Bashkisë së Prrenjasit për coptimin e ujësjellësit, pretendim i cili sjell pashmangshmërisht rrezikimin e një investimi prej 7.7 milionë euro të Qeverisë Gjermane.

“Përpjekja e Bashkisë së Prrenjasit për të copëtuar në pjesë ujësjellësin, e imja e jotja, është një “luftë” me mullinjtë e erës, përpjekje pa kuptim. Unë i bëj thirrje kryetares që të heqë dorë, sepse kjo nuk ndodh.

Marrëveshja është firmosur nga vetë Bashkia Prrenjas, Bashkia Librazhd, Qeveria shqiptare dhe ajo Gjermane, e në fund ratifikuar nga Kuvendi i Shqipërisë. Nuk mund t’i çojmë ne dëm 7.7 milion Euro të qeverisë Gjermane në sherrin e kryetares apo kujdo tjetër se kush do të bëjë tenderin e ujësjellësit.

Dhe sa për dijeni, nuk e bën as bashkia Librazhd as ajo e Prrenjasit, e bën Drejtoria e Përgjithshme e Kanalizimeve nën lupën e standardeve të Kfë. Shtoj këtu edhe 3 miliard lekë që ka miratuar Fondi Shqiptar i Zhvillimit për ujin e pijshëm të Rrajcës, investim që duhet të fillojë së shpejti.

Miqësisht i them mikes time Mirandës se kjo historia për të çarë ujsellsin në gjysma nuk ka gjasë të ndodhë, pa realizuar investimin.

Shqipëria duhet të shkojë drejt një trendi tjetër ku pas disa vitesh do të ketë vetëm një kompani ujësjellsi në Qarkun e Elbasanit apo më gjërë në nivel rajoni e që të kujdeset që uji shkon në cdo shtëpi, në cepin më të largët”, deklaroi Balla.

Ndryshime tek taksat, zbardhet paketa fiskale: Nga agroturizmi, tek lojërat e fatit

16:33 Ekonomia

Euro të përdoret si monedhë kombëtare?! Ekspertët pro dhe kundër

09:14 Ekonomia 2 komente

Fibank Albania po rritet me degë të reja

19:57 Ekonomia

Rama jep lajmin e mirë: Është zbuluar sasia më e madhe e naftës dhe gazit në Shqipëri, me cilësi shumë të mirë

19:09 Ekonomia

SHIFRAT: Euro vendos rekord të ri, shënon rënien më të ulët në histori

17:28 Ekonomia

Ahmetaj sqaron nga Gjirokastra: Nuk ka shtyrje të aplikimit të taksës së pronës, procesi ka filluar dhe po vazhdon

14:31 Ekonomia

FMN rekomandon rritjen e të gjitha taksave tek nafta me ritmet e inflacionit dhe rikthimin e tatimit tek biznesi i vogël

21:03 Ekonomia

Blerjet online nga Shqipëria: Cilat konsiderohen mallra me vlerë të papërfillshme?

20:40 Ekonomia

Nga kapja e shtetit te korrupsioni, pse u rrit pabarazia në Ballkan. Friedrich Ebert: Ndëshkoni fajtorët

08:19 Ekonomia

SHIFRAT: Euro vijon pikiatën e madhe, kërcen dollari në nivelin më të lartë që nga janari

16:42 Ekonomia