Prokurorja Anila Leka kalon "klasën", pret rikonfirmimin pas vetingut

Komisioni i Pavarur i Kualifikimit konstatoi se prokurorja e Prokurorisë së Përgjithshme, Anila Leka ka burime të ligjshme për pasurinë e saj si dhe konfirmoi përshtatshmërinë e figurës. Vendimi jepet më 6 qershor.  

Nga Lindita Çela, BIRN

Në seancën dëgjimore të zhvilluar në Pallatin e Kongreseve, relatorja e çështjes, Firdes Shuli deklaroi se hetimi për prokuroren Anila Leka nuk ka zbuluar probleme me pasurinë si dhe ka konstatuar përshtatshmërinë e figurës.Komisioni i Pavarur i Kualifikimit paralajmëroi të hënën “dritën jeshile” për konfirmimin e  prokurores së Prokurorisë së Përgjithshme, Anila Leka, pasi hetimi administrativ nuk ka konstatuar probleme në asnjërin prej kritereve të rivlerësimit.

“Referuar të dhënave të Inspektoriatit të Lartë të Deklarimit dhe Kontrollit të Pasurive dhe  hetimit të kryer, rezulton se pasuria e  subjektit Anila Leka është krijuar me burime të ligjshme. Po ashtu nuk rezulton të jetë në kushtet e konfliktit të interesit,” tha Shuli në seancë.

Sipas Komisionit të Pavarur të Kualifikimit, pasuria e prokurores Leka përbëhet nga një apartament në Tiranë me sipërfaqe 91.5 metra katrorë, një apartament në Golem me sipërfaqe 74 metra katrorë dhe një llogari bankare në bono thesari me vlerë rreth 5 milionë lekë. Pjesë e pasurisë së prokurores ishin dhe dy llogari bankare të prindërve të saj në  vlerën e 16 mijë dollarëve.

Të dhënat e dorëzuara nga Drejtoria e Sigurimit të Informacionit të Klasifikuar, DSIK kanë konfirmuar përshtatshmërinë e figurës së subjektit për të vazhduar detyrën. Ndërsa për të vlerësuar kriterin profesional të prokurores, janë marrë në shqyrtim nga grupi  i monitorimit 5 dosje  të hetuara nga Leka, ku nuk është konstatuar asnjë problem profesional.

Prokurorja Anila Leka u shpreh e kënaqur me rezultatet e Komisionit të Pavaruar të Kualifikimit. Ajo deklaroi në seancë se nuk ka asnjë kundërshtim me gjetjet dhe se pret që të rikonfirmohet në detyrë.

Vendimi për Anila Lekën  do të merret nga trupa gjyqësore e përbërë nga Roland Ilia, Suela Zhegu dhe Firdes Shuli më 6 qershor.

Zbardhet skeda e pasurisë së deklaruar nga anëtari i parë i Gjykatës së Lartë, ja si e 9-fishoi pasurinë për pak vite

14:59 Kronika

Vrasësi shqiptar arratiset për herë të katërt nga burgu, ekzekutohet nga Policia

11:15 Kronika

Gjyqtarja e Kurbinit kalon Vettingun, Marçela Shehu konfirmohet në detyrë

10:18 Kronika

Misionet paqeruajtëse, 30 efektivë të FA përcillen nga fëmijët. Koçi: Në NATO, japim kontribut konkret

18:02 Kronika

Ministri kosovar flet për Babalen: Po bëjmë procedurat për azil, jemi të detyruar nga konventat

16:36 Kronika

Motra dhe vëllai i Azem Hajdarit kërkojnë azil politik në Francë: Na rrezikohet jeta në Shqipëri

15:20 Kronika

Ish-kryeprokurori në arrati, Adriatik Llalla i lë “prangat" në dorë kreut të Krimeve të Rënda Donika Prela

14:18 Kronika

VIDEO/ Pritet me duartrokitje në gjykatë 26-vjeçari shqiptar, që vrau babanë pedofil: Të lumtë, jemi me ty!

13:47 Kronika

Zbardhet pasuria e prokurores Anila Leka, nesër kalon në "sitën" e Vettingun

12:30 Kronika

VIDEO: Ecte me 160 km/orë, policia ndalon emigrantin nga Anglia

10:29 Kronika