Zëdhënësja e KE-së "vulos" fatin e negociatave: Në qershor 2019, tani nisim punën përgatitore me Shqipërinë

Zëdhënësja e Komisionit Europian, Maja Koçijançiç tha se menjëherë pas vendimit të Këshillit Europian, Komisioni do të nisë punën përgatitore me Shqipërinë ose siç njihet ndryshe procesi screening. Koçijançiç tha gjithashtu se Komisioni do të vijojë angazhimin për të mbështetur Shqipërinë në përpjekjet për reformat si përgatitje për të hapur negociatat.

Pas vendimit të vështirë pas orëve të gjata të diskutimit, Shqipërisë i është dhënë një shans i ri për në qershor të vitit 2019 për të hapur negociatat duke përmbushur njëkohësisht edhe kërkesat e Këshillit Europian në këtë kohë.

Ky vendim u konsiderua si një vendim pozitiv nga Komisioni Europian ku eurokomisioneri, Johannes Hahn, pasi përgëzoi vendin tonë, u shpreh se Komisioni tashmë do të fillojë punën përgatitore për të ndihmuar Shqipërinë në hapjen e negociatave.

Ora News pyeti zëdhënësen e Komisionit Europian, Maja Koçijançiç, nëse puna përgatitore kishte të bënte me procesin screening dhe përgjgjia e saj ishte konfirmuese.

” Komisioni do të vijojë angazhimin për të shoqëruar Shqipërinë dhe ish-Republikën Jugosllave të Maqedonisë në përpjekjet e tyre për reforma, në përgatitjen e tyre për të hapur negociatat e pranimit në qershor 2019. Në këtë kontekst, Komisioni do të fillojë punën e nevojshme përgatitore. Kjo përfshin kontrollin teknik të legjislacionit (screening) si dhe përgatitjen e kornizës së negociatave”, tha Koçijançiç.

Procesi i njohur Screening është një ushtrim tërësor që udhëhiqetr nga Komisioni, për të përgatitur negociatat për anëtarësim.

Ky proces i jep mundësi vendit kandidat për t’u përshtatur më tej me legjislacionin europian dhe lejon Komisionin të vlerësojë përgatitjen e vendeve kandidate.

Tipikisht, ky proces zgjat më shumë se 1 vit dhe siguron një bazë të qëndrueshme për vendimin që do të marrin vendet anëtare për kapitujt dhe negociatave për anëtarësim.

FOTOT/ Një nga tre vëllezerit Vladi në zyrë të Bashës: Ja si ndërroi drejtim "Toyota Yaris" pas dekonspirimit të aksionit

14:30 Politika

Rama i LSI: Jap dorëheqjen nëse çelen negociatat vitin tjetër

13:42 Politika

Taulant Balla nxjerr fotot: Vëllai i 2 të kërkuarve për 3.4 mln eurot në "Toyota" ka qenë në zyrën e Bashës

13:35 Politika

Negociatat, Basha sulmon Ramën: Fajin e ke vetëm ti o “Hamza”, ja alternativa ime për shqiptarët

13:24 Politika

Rama tallet me opozitën: O Zot pse nuk e kufizove budallallëkun, pse e le pa kufij

12:59 Politika

FOTOT/ Çfarë s'u pa në Kuvend: Dakortësia Rama-Bushati dhe "altileria" e Ahmetajt

12:58 Politika

Negociatat, Bushati i përgjigjet akuzave të opozitës: KE dha vlerësim pozitiv, ja si gënjeu Padrino (Berisha) me fytyrën e vdekjes

12:42 Politika

INTERVISTA/ Premtimi i Johannes Hahn: Nuk ka asnjë dilemë për Shqipërinë, hapja e negociatave në qershor 2019

11:51 Politika

Përplasja Balla-Basha: Je më i dobëti që mund të kishim përballë në çdo lloj beteje 

11:50 Politika

VIDEO: "Sekretet" e TAP, ja si janë kaluar nën Osum e Seman tubacionet me teknologjinë e mikrotunelit

08:36 Politika