Te fundit
Gafa e Bashës me Salvinin dhe ankthi i Ramës për ndryshimin italian
4 Korrik 2018, 11:26Blog
TEMA
Nga Andi Bushati
Një fortunë e vërtetë në gotë është ngritur në të gjithë mediat e majta pas një deklarate mbështetëse që Lulzim Basha i ka bërë ministrit të Brendëshëm italian, legistit ksenofob, Mateo Salvini.
Natyrisht, duhet thënë që në fillim, se konteksti shqiptar që kreu i PD kërkoi t’i vishte deklaratave anti mafia të numrit dy të qeverisë italiane nuk kishte asnjë kuptim. Kredhjet pompozte të Salvinit, me gjoksin e zhveshur, në pishinën e një prone të sekuestruar nga krimi i organizuar, nuk kishin asgjë të përbashkët me vendi tonë.
Po ashtu edhe kritikat ndaj paqëndrueshmërisë politike të Bashës janë mëse të vërteta.
Kryedemokrati e ekzagjeroi me entuziazmin e treguar ndaj politikanit më anti shqiptar të vendit fqinjë (atij që pati deklaruar se nëse Shqipëria hyn në BE ne duhet të dalim prej saj). Ai vazhdoi linjën e teprimeve duke u kapur pas politikanit të fundit që i del në rrugë.
Basha përsëriti me Salvinin, të njëjtën gjë që bëri dikur me Trump-in, megjithëse në fushatë kishte qenë pjesmarrës në konventën e Hillary Clinton. Ai ndoqi të njëjtin shembull, si ai i shndërrimit nga një sorosian, në një antisoroist, vetëm se erërat politike përtej oqeanit ndryshuan në mënyrë të beftë.
Pra, Basha vërtetoi edhe njëherë se ai nuk i përket racës së politikanëvë me bindje dhe parime (PD ka qene aleate historike e Forca Italia të Berluskonit) por se është një oportunist që kthehet nga fryn era.
Por, pranuar këtë, të vërtetës i duhet shkuar deri në fund.
Shqetësimi në kor i pothuajse të gjitha mediave të majta, nuk është një preokupim momental për koherencën e Bashës. As një përndezje patriotike për të denoncuar lidhjen e tij me një politikan ksenofob të përtej detit.
Megjithëse Lulzim Basha, duhej të ishte treguar më i përmbajtur në entuziazmin e tij pro legist, në aktin e tij të dyshimtë politik, kishte edhe një simbolikë të dytë. Lideri i opozitës, me atë mesazh, ndonëse duke mos gjetur momentin dhe personin e duhur, kërkoi të tregonte se gjërat në bregun përballë kanë ndryshuar. Se qeveria e re italiane nuk është më ajo e mikut të sefieve të Edi Ramës, ish kryeministrit të demokratëve të majtë, Mateo Renzit.
E për rjedhim Italia ka mundësi të mos jetë më pjesmarrësja e mitingjeve propagandistike të Rilindjes, ku antidroga konsiderohet një histori suksesi dhe ku 99% e fushave me kanabis shpallet e asgjesuar.
Që kur në Romë ka marrë detyrën qeveria e re ne kemi parë disa sinjale shqetësuese për propagandën e Rilindjes.
Vëtëm pak ditë më parë, një hirark i lartë i forcave të sigurisë në Italinë e jugut, konfirmoi për gazetën franceze Liberation, se nga Shqipëria eksportohen të njëtat sasi kanabisi si edhe më parë, madje edhe prodhim i muajve të fundit.
Një tjetër shenjë minimale e asaj që po ndodh përtej Adriatikut është refuzimi italian për të bërë ekspertizën e zërit të vëllait të ministrit të Brendëshëm, që do të shërbente si një alibi për luftën e këtushme politike.
Natyrisht, këto sinjale të vogla janë shumë pak për të shpjeguar përmes tyre një linjë të re. Por Lulzim Basha do të kacaviret pas tyre dhe do të besojë se ka përfunduar koha kur ai i kërkonte, në mbledhjet e partive të djathta, ministrit të brendëshëm të italisë Alfano, të rrëfente të vërtetën për kanabisin shqiptar dhe ky ia kthene: “Nuk kam ç’bëj, Renzi është shumë mik me kryeministriin tuaj”. Ai ka nevojë dëshpërimisht të imagjinojë se ndryshimi traumatik në Romë do të pasqyrohet në marëdhëniet e saj me Tiranën. Prandaj ai nxitoi të reshtohej përkrah ksenofobit Salvini.
Por, sa e madhe ishte shpresa e ekzagjeruar e kryeopozitarit, po aq i fortë është edhe ankthi i Ramës për pasojat që mund të ketë ardhja e koalicionin populist në Itali. Prandaj ai organizoi të gjithë taborët e vet mediatikë, për të shndërruar në një super çështje, një gafë të rëndomtë që Lulzim Basha nuk e ka për herë të parë.
4 komente në “Gafa e Bashës me Salvinin dhe ankthi i Ramës për ndryshimin italian”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Faktet qe sjelle Z.Bushati,i japin pergjigje shkrimit te M.Bazes,qe ngre pyetjen;-“Përse Lulzim Basha po përgjon”Babalen”?
M.Baze pyet,”perse L.Basha eshte i shqetesuar nga lajmi,se Prokuroria po çon kaseten e Babales ne nje laborator te
specializuar ne Londer,per shkak te mungeseses se kompetences qe ka laboratori italian,per ti dhene pergjigje zyrtare
ne koh prokurorise”!Italia,nje nga 7 Shtetet me te zhvilluara ne Bote,ka mungese kompetencash per te vertetuar,nese
kaseta e audio pergjimit eshte e montuar,apo jo?!(Edi Rama e verifikoi ne nje dite)! Z.Bushati ndryshe nga Baze,thote se
“eshte refuzim” dhe jo mungese kompetence,”(refuzimi italian për të bërë ekspertizën e zërit të vëllait të ministrit të
Brendëshëm”).Linçimi dhe denigrimi deshmitari X,Baboles,lejimi i largimit te deshmitarit Y,Geron Xhafaj,kohezgjatja pa
shkak e analizes se audio pergjimit,personi i paindentifikuar i 45-vjeçarit nga Novosela,mashtrimi i Shqiptarja.com,qe
mbylli hetimet,tregojn se qeveria mafioze rama,ka angazhuar gjithshka per te mbyllur te verteten.Me keto fakte,jo vetem
qe bie qeveria rama,por kryeministri dhe ministri i brendeshem,jan te paret qe shkojn ne burg.Ndersa pergjigja qe i jep
Lulzim Bashes,ministri brendeshem i Italisë Alfano per te verteten e kanabisit,se “Nuk kam ç’bëj, Renzi është shumë mik
me kryeministriin tuaj”,tregon,se qeveria italiane ka heshtur per te verteten,duke mbrojtur padrejtesisht qeverine rama.
Fakti qe Zyrtari i larte i forcave te sigurise në Italin e jugut, konfirmoi,”se nga Shqipëria eksportohen të njëjtat sasi kanabisi
si edhe më parë”,i çjerr masken propagandes demagogjike te qeverise rama.
Pergjimi i Babales eshte bere me nje stilokalempergjues qeperdorin gazetaret tane qe kushton 15 usd max . Mall kinez i cilesise se fundit .Ska laborator qe e deshifron se ai lloj pergjuesi ka nje diapazon minimal e as per gjykate nuk konsiderohet prove. Duke qen se jam mbi 34 vjet i kesaj fushe e kam shkruar ne fillim qe kjo fortune ne gote eshte nul teknikisht pa paragjykuar ka te drejt njeri krah a tjetri . Por jam plotesisht dakord qe njeri nga te dy te denohet se kjo esht nje forme shantazhi e ne cdo vend demokratik pergjegjesi sdo e kalonte lehte .keshtu qe mos bej kompetentin per te mbrojt partine cilado qofte ajo .
O palaco me emrin Andi trapi po artikuj i nis per te tjeret e ne te shumtin e artikullin tek ajo që te pelcet shpirtin ty dhe races suaj te mediokereve tek e majta e gjyshit që te felliqi biografine ty liberalit te k…. O idiot mos na u hiqet si i pa anshem e real kur ti dhe grupi juaj i gazetareve felliqesira vetem vrer villni per Shqiperine e shqipetaret si miku juaj Lulush dhe edukatori e kujdestari jot Berisha që ka mbajtur amanetin qe i ka lene ai . Se per Ramen e qeverine e tij nuk ju shqeteson shume se jeni si ata morat që se keni problem ti ngjiteni b… te kujdo vetem te mos prishi pazaret dhe fitimet tuaja te tellalleve me majasell ne goje si rasti jot o idiot me kostum firmato. Andi Butha
Z. Bushati, nuk kemi nevoje per teori konspiracioni se Basha beri nje gafe pa rendesi, por ne te vertete eshte Edi Rama u tremb shume.
Jini realist. Gafa e Bashes nuk qe e rendonte nga “ato qe ai ben gjithnje”. Gafa e Bashes eshte shume e rende sepse lideri i partise me te madhe opozitare ne Shqiperi perkrah nje lider ksenofob anti-shqiptar pikerisht ne Itali fqinje, ku jetojne kaq shume shqiptare. Per kete kryeministri Rama, medja prane dhe larg tij nuk ekzagjeruan aspak ne kritikat e tyre ndaj Bashes.
Urrejtja pathologjike qe ke ndaj Rames te ka zene syte.