Te fundit
FOTOT: Kortezhi i Putin sfidon “bishën” e Trump
17 Korrik 2018, 11:03Lifestyle
TEMA
Presidenti i SHBA Donald Trump dhe ai i Rusisë Vladimir Putin u takuan dje së bashku në samitin e Helsinkit.
Në këtë samit presidenti rus ka ardhur me limuzinën e tij të re si për t’i bërë “konkurrencë” asaj të presidentit Donald Trump e njohur si “Bisha.
Kjo është hera e parë që Putin e përdori makinën jashtë vendit të tij.
Vetura e njohur me emrin Kortezh, është produkt i bashkëpunimit të kompanive gjermane Porsche dhe Bosch me kompaninë rusë me seli në Moskë, që konsiderohet si qendra për studime të automobilizmit dhe Instituti i inxhinierisë.
Kortezh ka nën kofano motorin që prodhon 592 kuaj fuqi, ndërsa më parë liderët rusë kishin udhëtuar me vetura gjermane të Mercedes Benz, dhe kjo është hera e parë që një limuzinë prodhohet në Rusi që nga koha e Bashkimit Sovjetik, kur në trend ishin veturat ZILS.
Edhe pse pretendohet se është një veturë shumë e sigurt me të cilën mund të udhëton presidenti rus, asnjë specifikë tjetër për të nuk dihet.
Ndërkaq, sa i përket “Bishës” së Trumpit, gomat e saj janë rezistente ndaj plumbave, ka një karroceri të blinduar që i reziston sulmeve biologjike, kimike por edhe atyre me granata apo plumba.
Sipas ekspertëve të sigurisë, “Bisha” me plotë të drejtë mban epitetin e makinës më të sigurtë në botë, për faktin se deri më tani asnjë veturë nuk ka arritur t’i bëjë “konkurrencë”. (TemA)
1 komente në “FOTOT: Kortezhi i Putin sfidon “bishën” e Trump”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Keto jane bishat demokratike qe tere naten mendojne per popujt e varfer!