Operacioni Ndërkombëtar i Monitorimit kërkon “kokën” e Bashkim Dedjas

Operacioni Ndërkombëtar i Monitorimit kërkon apelimin në KPA të vendimit të KPK-së, që konfirmoi në detyrë kryetarin e Gjykatës Kushtetuese, Bashkim Dedja.

Në një njoftim për shtyp, i pari i këtij lloji, komisionerët publikë bënë të ditur se kanë marrë një rekomandim nga Misioni Ndërkombëtar i Monitorimit për të apeluar vendimin e Komisionit të Pavarur të Kualifikimit në lidhje me kryetarin e Gjykatës Kushtetuese Bashkim Dedja.

“Në datë 13.07.2018, Komisioni i Pavarur i Kualifikimit u ka njoftuar Komisionerëve Publikë vendimin nr.24, 13.06.2018 në lidhje me konfirmimin në detyrë të z. Bashkim Dedja, kryetar i Gjykatës Kushtetuese.

Në të njëjtën datë, 13.07.2018, Operacioni Ndërkombëtar i Monitorimit, u ka paraqitur Komisionerëve Publikë rekomandimin për të ankimuar këtë vendim të Komisionit të Pavarur të Kualifikimit në Kolegjin e Posaçëm të Apelimit.

Komisionerët Publikë janë duke shqyrtuar vendimin e Komisionit të Pavarur të Kualifikimit dhe rekomandimin e Operacionit Ndërkombëtar të Monitorimit. Afati i fundit për të paraqitur ankim nga Komisionerët Publikë është data 28.07.2018”, thuhet në një njoftim zyrtar të Komisionerit Publik.

Kryetari Bashkim Dedja ishte një nga vetëm dy gjyqtarët kushtetues që i mbijetuan procesit të vetingut. Nga nëntë anëtarët e kësaj gjykate, tre vende ishin vakante nga tërheqjet e gjyqtarëve që u kishte mbaruar mandati para nisjes së procesit të vetingut, njëri dha dorëheqjen gjatë procesit ndërsa katër ngelën.

Dedja u përball në veting me pyetje të vështira mbi origjinën e pasurisë së tij të deklaruar prej 43 milionë lekësh, pasuri e akumuluar mes viteve 2010 dhe 2013. Dedja e pati nisur në deklarimin e parë të pasurisë në vitin 2003 me 2.5 milionë lekë asete. Ai deklaroi se pasuria e tij u krye përmes huave nga persona të lidhur, të cilët i kishin bërë paratë e huasë duke punuar si emigrantë në Greqi apo Itali. Me këto hua dhe me kredi bankare, Dedja pati blerë një apartament me vlerë 180 mijë euro.

Pikëpyetje u ngritën mbi faktin nëse të afërmit e Dedjas i kishin apo jo mjetet financiare për të dhënë hua. Por pikëpyetje të tjera u ngritën në lidhje me një apartament 98 metra katrorë në Golem, i cili është nën pronësinë e të vëllait, por për të cilin, kontrata e energjisë elektrike është në emrin e Kryetarit të Gjykatës. Ky i fundit tha se kontrata në emër të tij kishte të bënte me lehtësinë e pagesës së faturës për shkak se i vëllai në kohën e lidhjes së kontratës banonte në Dibër dhe jo në Durrës.

Komisioni i Pavarur i Kualifikimit e konfirmoi në detyrë Dedjan duke i pranuar shpjegimet e dhëna prej tij, ndërsa vendimi i zbardhur i Komisionit nxorri në pah një debat mes anëtarëve nëse paratë e personave të lidhur me një subjekt rivlerësimi dhe të deklaruara si të fituara në emigrim a duhet të pranohen si të ligjshme pa u shoqëruar me dokumente fiskale apo jo.

KPK konfirmoi në detyrë kreun e “Kushtetueses”, pavarësisht dyshimeve për pasurinë

Komisioni i Pavarur i Kualifikimit konfirmoi në detyrë kreun e Gjykatës Kushtetuese, Bashkim Dedja, pavarësisht dyshimeve për pasurinë e tij.

“Trupa gjykuese vendosi me shumicë votash konfirmin në detyrë të subjektit të rivlerësimit Bashkim Dedja me funksion gjyqëtar, kryetar i Gjykatës Kushtetuese”, thuhet në deklaratën e trupës gjyqësore, që përbëhej nga Valbona Sanxhaktari, Roland Ilia dhe Xhensila Pine.

Dyshimet pë pasurinë

Bashkim Dedja ka lindur në 13 mars 1970 në Dibër dhe është diplomuar në Fakultetin e Drejtësisë së Universitetit të Tiranës në vitin 1993.

Nga viti 1993-1996 ka punuar si gjyqtar në Gjykatën e Rrethit Gjyqësor Tiranë dhe më pas deri në vitin 1998 si gjyqtar në Gjykatën e Apelit Tiranë. Gjatë viteve 1998-2010 ka ushtruar detyrën e gjyqtarit në Gjykatën e Apelit Durrës. Në muajin maj të vitit 2010 Dedja u emërua anëtar i Gjykatës Kushtetuese dhe që nga muaji shtator i vitit 2012 është Kryetar i Gjykatës Kushtetuese.

Të dhënat e analizuara nga BIRN tregojnë se gjyqtari Bashkim Dedja zotëronte një pasuri prej 2.49 milionë lekësh në vitin 2003  -kur deklaroi për herë të parë pasurinë. Në fund të vitit 2017, pasuria familjare e tij rezulton të jetë rritur me 17.3 herë në krahasim me vitin fillestar, duke kapur vlerën e 43.2 milionë lekëve.

Të ardhurat familjare të krijuara gjatë viteve 2003-2017 janë në vlerën e 31.8 milionë lekëve dhe përbëhen në 85.4 për qind nga paga dhe shpërblime nga funksioni, 10.8 për qind nga paga e bashkëshortes, 2.6 për qind nga mësimdhënia dhe 1.2 % nga të ardhura të tjera.

Pasuria familjare e gjyqtarit Dedja përbëhej në fund të vitit 2017 nga rreth 274,524 lekë llogari bankare, 200,000 lekë kursime në cash, 41,3 milionë lekë pasuri të paluajtshme dhe pasuri të luajtshme në vlerën 1.3 milionë lekë.

Përveç analizës për rritjen/uljen e pasurisë, strukturën e aseteve dhe të ardhurave, ky raport paraqet dhe kontrollin artimetik/logjik të deklarimeve të subjektit si dhe “flamujt e kuq’  që identifikohen gjatë kontrollit. BIRN kreu kontrollin aritmetik/logjik mbi 14 deklaratat e gjyqtarit Dedja, ku njëra rezultoi me probleme.

Ndërkohë, gjatë analizës u identifikua si “flamur i kuq”, mosmbulimi i shtesës së pasurisë në vitin 2013 në shumën 894,467 Lekë, pasi konstatohet  se subjekti deklaron si burim për blerjen e apartamentit dhe garazhit një hua të marrë nga vëllai dhe kunati, por nuk saktëson sa është kjo shumë. Është e paqartë nëse ky informacion është dhënë në pjesën konfidenciale të deklaratës, të cilën BIRN nuk e disponon.

Gjithashtu, një tjetër flamur i kuq që shfaqet në deklarimet e pasurisë së gjyqtarit Dedja është rritja e vlerës së pasurive të paluajtshme në vitin 2011, e cila është rezultat i rivlerësimit (14,3 milionë lekë).

(TemA)

Bashkëpunimi në Evropën Adriatike, takim trilateral Shqipëri-Kroaci-Mal i zi

18:02 Politika

Rovena Gashi u përpoq pa sukses të zvarrisë vettingun: Ja si ju zbuluan pasuritë e fshehura, mungesa e burimeve financiare dhe deklarimet e rreme

17:52 Politika

“Shëmti e gjallë, e kanë ngritur si lugat”, skulptori i bustit të Arbnorit përgjigje kritikëve: Ja e vërteta që kam dashur të them dhe kujt i dhemb

17:42 Politika

Bashkëpunim PS-LSI? Reagon Monika Kryemadhi: Ne nuk bëjmë pazare, shqiptarët janë të varfër se qeveria është moniste, Rama më keq se Kim Jong Un

16:14 Politika

"Nami" në Drejtësi: DSIK gjeti 200 gjykatës e prokurorë me kontakte me krimin

08:53 Politika

ANALIZA: “Ruçi i dha leksion Berishës e Topallit me bustin e Arbnorit, Basha të lexojë ndonjë libër të Pjetrit”

13:41 Politika

Teatri i ri, Basha kërcënon kompaninë e ndërtimit: Do të ve minat tek kullat tuaja, s'keni për t'i gëzuar ato para, do t'ua sekuestroj sa të vij në pushtet

13:38 Politika

Voton çdo ligj që vjen nga qeveria, LSI "përjashton" deputetin edhe nga karriget në Kuvend

11:27 Politika

FOTOT E RRALLA: "Elbasani i luleve, i arsimit dhe i ... vdekjes"

08:39 Politika

Ish-ministri reagon ashpër pas vendosjes së bustit së Pjetër Arbnorit: Duket sikur e kanë ngritur lugat, turp!

08:10 Politika