Te fundit
Për Douglas Costa-n pritet një dënim ekstrem nga Gjykatësi Sportiv
17 Shtator 2018, 13:31Sport
TEMA
Douglas Costa pritet që ta pësojë keq pas goditjeve dhe pështymës ndaj rivalit të tij Frederico Di Francesco. Gjykatësi sportiv në Itali po shikon çështjen dhe minimalisht braziliani i Juves do të dënohet nga 3 deri në 5 takime pezullim, shto këtu edhe 100 mijë euro gjobë.
Do të shikohet me vëmendje pamjet filmike ku tregohet e gjithë përplasja me lojtarin e Sassuolo-s. Ndërkohë që edhe klubi bardhezi ka vendosur që ta ndëshkojë ashpër lojtarin. Minimalisht, ai do të gjobitet 20 mijë euro, që korrespondon me 5% të rrogës së tij. Por në rast të një dënimi të rëndë, Juvja mund t’i drejtohet Kolegjit Arbitral të Lega-s, e gjoba mund të shkojë deri në 100 mijë euro.
Pasi kërkoi falje, braziliani iu përgjigj një tifozi dhe i shpjegoi atij arsyen e atij veprimi.
“Unë zgjohesha që në orën 5 të mëngjesit që kur isha 12 vjeç. Dhe ti as që e di atë çfarë ai më tha…por nuk ka rëndësi…i kërkoj falje të gjithë atyre që duhet t’u kërkoj sepse gabova.”.
Ditën e djeshme, braziliani nëpërmjet Instagram-it, pak pas takimit kërkoi falje për veprimin.
“Dua t’u kërkoj falje të gjithë tifozëve të Juventusit për këtë veprim. Po ashtu, u kërkoj falje edhe shokëve të ekipit, që janë gjithmonë me mua, në kohë të mira dhe të këqija. U tregova i keq, jam i vetëdijshëm për këtë dhe ju kërkoj falje të gjithëve. Dua të vë në dukje se kjo është një sjellje e izoluar dhe se nuk përkon me atë që unë kam treguar gjithnjë”, shkroi Douglas Costa
1 komente në “Për Douglas Costa-n pritet një dënim ekstrem nga Gjykatësi Sportiv”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Sjellja më e ulët që kam parë nga një futbollist në të paktën 45 vjet që ndjek futbooll.
Edhe goditja me grusht do ish e pa pranueshme,por gjithësesi jo kaq e ulët dhe e neveritëshme sa kjo e Costës.Ajo sjellje flet shumë për karakterin e keq të këtij futbollisti nga i cili pritet akoma më keq.Meriton një dënim shumë të rëndë.Jo vetëm në para.Me largim nga fusha për kohë shumë të gjatë.