Donald Trump në OKB: Irani 'mbjell kaos, vdekje dhe shkatërrim'

Presidenti i SHBA, Donald Trump, ka sulmuar udhëheqjen iraniane, duke e akuzuar atë për mbjellje të “kaosit, vdekjes dhe shkatërrimit” në të gjithë Lindjen e Mesme.

Duke iu drejtuar Asamblesë së Përgjithshme të Kombeve të Bashkuara në Nju Jork, ai mbrojti vendimin e tij për të braktisur marrëveshjen bërthamore.

Trump nënvizoi jo pa mburrje se administrata e tij kishte shënuar arritje më shumë se pothuajse çdo administratë tjetër në historinë e SHBA.

Fjalët e tij u përcollën me nënqeshje, por Trump duke qeshur tha: “Nuk e prisja këtë reagim”.

Shtetet e Bashkuara janë më të forta, më të pasura dhe më të sigurta, këmbënguli ai.

Ai gjithashtu mbrojti mbështetjen e administratës së tij për përmirësimin e marrëdhënieve me Korenë e Veriut dhe linjën e ashpër në tregtinë me Kinën.

Megjithatë, një nga temat e tij kryesore ishte e drejta e Amerikës për të ndjekur rrugën e vet në botë.

“Unë nderoj të drejtën e çdo kombi në këtë dhomë për të ndjekur zakonet, besimet dhe traditat e veta”, tha ai.

“Shtetet e Bashkuara nuk do t’ju tregojnë se si të jetoni, punoni ose adhuroni, ne vetëm kërkojmë që ju ta nderoni sovranitetin tonë në kthim”

Duke folur pas z. Trump, presidenti francez i qendrës tha se ai “nuk do të ndalte kurrë përkrahjen e parimit të sovranitetit”, por nuk duhet të përdoret si armë.

“Nuk do ta lë parimin e sovranitetit të popujve në duart e nacionalistëve që e përdorin për të sulmuar universalitetin e vlerave tona”, tha ai.

Duke u përgjigjur për dialog, ai tha: “Nuk besoj në ligjin më të fortë … Besoj në një mënyrë të tretë që na detyron të shtyjmë një model të ri, një ekuilibër të ri global.

“Ne nuk do të fitojmë në shekullin 21 përveç me një multilateralizëm të fortë”.(TemA TV)

CIA në kundërsulm, pas rrezikut rus dhe kinez

20:34 Bota

Sanksionet amerikane përfshijnë zonjën e parë të Venezuelës dhe aleatët kryesorë të Maduros

19:30 Bota

Rikthehet dimri turko-gjerman, Merkel refuzon të “darkojë” me Erdogan

18:27 Bota

Akuzohet për abuzime seksuale, flet gjykatësi amerikan Kavanaugh: S'kam sulmuar askënd seksualisht, janë falso

16:57 Bota

Merkel: Londra ende shumë e paqartë për çështjen e Brexit

15:30 Bota

Britania: Europianët do trajtohen njësoj si migrantët pas Brexit

13:50 Bota

"Dashuri" pas takimit të parë mes Kim Jong Un dhe Trump: Do takohemi sërish

12:11 Bota

Përse luan politika në emërimet për Gjykatën e Lartë?

11:58 Bota

I shiti armë Sirisë, Izraeli paralajmëron Rusinë: Do të shtoni rreziqet në rajon

10:19 Bota

Irani paralajmëron hakmarrje ndaj SHBA dhe Izraelit pas sulmit në paradën ushtarake

09:12 Bota