Te fundit
Referendumi i Maqedonisë si ftesë për kaos
28 Shtator 2018, 09:24Blog
TEMA
Nga Pandeli Majko
Me referendumin e të djelës, në 30 shtator, Maqedonia është në udhëkryqin e vet më të rëndësishëm pas pavarësisë së saj nga ish Jugosllavia. Kjo është vetëm ajo që shikohet. E “padukshmja” e referendumit e ka kthyer këtë shtet në shesh-betejën e dytë, pas Sirisë, të “Luftës së Ftohtë” të Perëndimit me Lindjen. Eshtë një Perëndim tjetër më i zgjeruar i cili ka përballë një Lindje më të vërtetë.
Pyetja e refendumit është: “Nëse jeni për anëtarësim në BE dhe NATO me pranimin e Marrëveshjes mes Republikës së Maqedonisë dhe Republikës së Greqisë?”
Përballë kësaj pyetjeje, Maqedonia është e ndarë në paqartësitë e saj midis të djathtës nacionaliste dhe aleancës së të majtës maqedonase dhe me partitë shqiptare.
Në se Referendumi nuk fiton, Maqedoninë e pret kaosi. Dhe jo vetëm kaq. Ky është vetëm fillimi për rajonin. Justifikimet se referendumi është “konsultativ” nuk do të vlejnë. Maqedonia do të kthehet në një shtet “epruvetë” ku Lindja do të shpallë fitoren më të hidhur ndaj Perëndimit.
Europa është në një ditë të keqe sot përballë referendumit të Maqedonisë. Ajo nuk ka politikanë që ta përfaqësojnë si hapësirë, me përjashtim të Merkelit. Të tjerët, dinë vetëm cfarë nuk duan.
Referendumi ka kundërshtarë në kutitë e votimit edhe votuesit shqiptarë të “ngopur” nga premtimet boshe pas Marëveshjes së Ohrit. Kjo “kontratë bashkëjetese” megjithëse u nënshkrua me shqiptarët nuk i përmend ata në letrën që i dha paqen Maqedonisë në gusht të vitit 2001. Mosrealizimi i saj dhe lodhja nga premtimet boshe nxit rrezikun që një pjesë e shqiptarëve të shkojnë drejt mosvotimit. Marrëveshja e Ohrit ka prodhuar pushtet por jo cilësi jete për shqiptarët.
Në se referendumi do të humbet ai nuk do të jetë “konsultativ”. Ai do të jetë i barazvlefshëm me aktin e nacionalistit serb, Gavrilo Princip, i cili më 28 qershor 1914, vrau trashëgimtarin e fronit austro-hungarez, Arkidukën Franc Ferdinand, dhe gruan e tij Sophie. Në Ballkan detaji kthehet në demon dhe e kundërta.
Me vendimin për referendumin e 30 shtatorit, me mendjelehtësi Maqedonia ka hedhur në udhëkryq sigurinë e vet kombëtare. Humbja apo fitorja e referendumit për elitën politike të Shkupit është luftë për pushtet. Ata ankohen nga e kaluara dhe kanë frikë nga e ardhmja. Kryeministri Zaev dobësinë ka pikën e tij më të fortë. Askush nuk di të thotë se cfarë ndodh pas dorëheqjes së tij kur referendumi të humbasë dhe Maqedonia ti thotë zyrtarisht “JO” bashkimit të saj me Perëndimin.
Humbja e Referendumit do të konsiderohet sidomos edhe një humbje e shqiptarëve.
Sot, shqiptarët kanë ndruar “vendet” në rajon. Ata përfaqësojnë statuskuonë. Shqiptarët kanë “firmosur” anëtarësimin e Shqipërisë në NATO, Paketën Ahtisarit në shtetin e Kosovës, Marrëveshjen e Ohrit në Maqedoni dhe pavarësinë e Malit të Zi. Të gjitha bashkë, përbëjnë një kontratë ndërkombëtare që elita shqiptare e post-Luftës së Ftohtë e pranoi si garante e paqes. Sot, shqiptarët janë protagonistët më të fortë rajonal për integrimin në NATO dhe Bashkimin Europian.
Në Luftën midis Perëndimit dhe Lindjes në Maqedoni, shqiptarët janë të “dënuar” të mos kenë dilema. Humbja e referendumit në Maqedoni do të ishte për ta më e rëndë se sa fati i një qeverie në Shkup.
Referendumin e Maqedonisë “të gjitha ose asgjë” e konsideroj një ftesë për kaos. Vite më parë ftova shqiptarët ti vinin flakën flamurit të Maqedonisë në sheshet e protestës kur i quajtën “barbarë” në librat e akademisë maqedonase. Sot, më duhet tu them se Maqedonia duhet mbrojtur nga barbaria e politikës mëndjelehtë të Shkupit!
Përgjigjen shqip të referendumit e di. Atë maqedonase po pres me ankth! Votat që do numërohen në Maqedoni kanë më shumë se një përgjigje. Vetëm njëra i takon Maqedonisë! Sigurisht!
9 komente në “Referendumi i Maqedonisë si ftesë për kaos”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Wow, vetem Merkeli? Po europianin e bindur dhe mbeshtetesin e multilateralizmit, Macron e ke harruar, apo meqe ti NUK di frengjisht, nuk e di qe ai eshte President e Frances? Si politikan, madje me profil te larte, nuk te lejohet te anashkalosh nje “detaj” te tille.
Maqo trapushi legenato dhelper, mos fut hundet ku ste takon kur dihet qe je askushi, nje politiqen qe populli nuk te duron ma.
Kjo qe thoni eshte e tepruar.Cili eshte e cfare thote Macron nuk i dine vetem ata qe flasin frengjisht madje shume nga ata mund te mos dine asgje.
NJE NGA CUDITE ME TE MEDHA: NJE DEBIL SI PANDI DEL E i JEP MEND BOTES, JO VETEM EVROPES!!
AQ ME TEPER QE KA QENE EDHE KRYEMINISTER!!! CMENDURI E SKAJSHME!
NE FAKT, DEBILET JANE NE GJENDJE TE SHKRUAJNE GJERA TE TILLA!!
KY SHKRIM ESHTE “ANAL-IZE” E NJE NJERIU PA TRU.
TURP QE RAMA E MBAN AKOMA NEPER KEMBE, MEGJITHESE MUND TE VLEJE PER VOTAT E DEBILEVE, QE ME SA DUKET JANE GOXHA !
.. referendumi eshte shprehja me e larte e demokracise ..! Nepermjet tij populli shpreh deshiren dhe vullnetin e tij , te cilat meren ne konsiderate me baze kushtetuten e vendit ..!
.. toka eshte e rumbullaket ..! .. nese shkon drejt lindjes , do te dalesh ne perendim dhe ne ne rast te kundert , kur shkon drejt perendimit , do te dalesh ne lindje ..!.. Eshte e tepert qe”politikanet” e “hicit ” tu bejne leksione popujve per fatet e tyre ..!
O Pandi je nje hajvan total si kur arsyeton me goje, ashtu dhe me shkrim. Ky i fundit eshte sport i veshtire, mos e nis tani qe ta ka marre ferra uraten, he xhan.
Referendumi eshte dhe ne Greqi,mos kujtoni ju se Ciprasi do kaloje pa “lagur” kete marrezi-veshje,kur vete kjo zone quhej Vardacka,me Titon dhe Stalinin e pagezuan Maqedoni,qe ne nje moment delikat si ajo e Qipros dhe te mbeshtetur nga cifuti Kusinderturqit pushtuan Qipron,po ashtu te marrin Thesalonikin si kryeqytet te tyre.
Aresyeja dihet qe Sllavet me ne krye Rusine te kishte dalje ne Mesdhe dhe Bullgaret qe jane shumice pro Ruse e kishin me te lehte kete pushtim.
Mirepo me vjen keq per te ashtuquajturit “shqipetare” qe ne kohen e Marin Barletit e kishin per nder qe quheshin Epirote (emertim ky i ndaluar nga turkoallvanosat) dhe vendi Epir me histori,kulture,gjuhe dhe periudhe Helene per mibera vjet.
Edhe per kete mohoni Barletin?
Atehere jini nje shtet kot pa rrenje.
Kjo loje politike eshte e perkohshme se Amerika dhe Rusia mu d te bashkepunojne dhe te kthejne Ballkanin ne nje Konfederate Sllave,ne qofte se Islamizmi perparon dhe te humbur do dalim Ne Epirotet e Kastriotit dhe Greqia.
Vete amerikanet deklarojne pa turp qe Turqia eshte shume e rendesishme per ne.
Atehere cfare ndryshimi ka Milloshevici nga Erdogani?
Qe te dy fara e pushtuesve.
Amerikanet nuk duan tja dine,atje ku eshte interesi mbaron drejtesia.
kete shkrim e ka bere per xhentellmene dhe jo per njerez me 2 klase shkolle