Te fundit
Ekonomia shqiptare, në test. Të martën, dalja në tregjet ndërkombëtare për eurobondin
1 Tetor 2018, 20:02Ekonomia
TEMA
Ekonomia shqiptare pritet të përballet me një test të rëndësishëm këtë të martë, teksa qeveria do të dalë në tregjet ndërkombëtare për të marrë 500 milionë euro huà përmes emetimit të një eurobondi.
Kjo është hera e tretë, që Shqipëria del në tregjet ndërkombëtare të financave.
Por, Top Channel mëson se, ndryshe nga dy herët e mëparshme, këtë radhë Ministria e Financave mund të emetojë një eurobond 7-vjeçar.
Emetimi i eurobondit me afat 7 vite përbën një risi për Shqipërinë, çka nëse do të rezultonte i suksesshëm do të pasqyronte një rritje të besimit të investitorëve të huaj tek ekonomia.
Huaja e marrë përmes eurobondit do të përdoret për të plotësuar nevojat e buxhetit për financim, por edhe për të shlyer para kohe 200 milionë euro borxhe të marra përmes eurobondit të emetuar në vitin 2015.
Këto borxhe u morën në vitin 2015 me një interes 5.75 për qind dhe duhet të shlyheshin në vitin 2020.
Por, Ministria e Financave beson se eurobondi i ri do të rezultojë me interesa më të ulëta, ndaj ka vendosur që një pjesë të tij ta përdorë për të shlyer eurobondin e vjetër, një operacion që do të ulte koston e borxhit për buxhetin dhe qytetarët.(TCH)
5 komente në “Ekonomia shqiptare, në test. Të martën, dalja në tregjet ndërkombëtare për eurobondin”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Hajde marrim borxh qe te shlyejme borxhin e vjeter.
Duhet prudence. S’jemi të përsosur në informatik.
Mos thoni genjeshtra koti per ata qe sdine. Ne tregje financiare nuk mund te besh marifete te tilla. Borxhi i vjeter do blihet mbrapsht me cmim me te larte se emetimi (vlera nominale) keshtu qe maksimumi del barazim qeveria. Ne rastin me te zakonshem do paguash nje premium ekstra se si ne kazino edhe ne tregje dealeri fiton gjithmone dicka
Edhe ne gjuhen shqipe nuk jemi te pesosur.
Kur merr borxhe per te shlye borxhin,tregon deshtimin tend d konomike o minister zeza..