Banka Botërore: Rritja ekonomike, më e lartë se parashikimet: Punësimi po redukton varfërinë!

Banka Botërore, në një raport të publikuar ditën e sotme mbi ekonomitë e 6 vendeve të Ballkanit Perëndimor
rriti pritshmëritë për rritjen ekonomike të Shqipërisë.

Sipas parashikimeve të përditësuara, rritja ekonomike e Shqipërisë për këtë vit do të shkojë në 4%, nga 3,6% që vlerësohej fillimisht prej këtij institucioni.

“Rritja e punësimit ndihmon në uljen e mëtejshme të varfërisë në vend, ndërkohë që pritet të zvogëlohet edhe defiçiti fiskal dhe borxhi publik”, shkruhet në raport.

Në raportin e mëparshëm, Banka Botërore vlerësonte se rritja do të ngelej në nivelin prej 3,5-3,6% për shkak se hyrja drejt finalizimit të projektit të TAP, do të reduktonte fluksin e investimeve të huaja në vend.

Megjithatë, pavarësisht se TAP ka reduktuar investimet, rritja ekonomike, e shtyrë nga turizmi dhe eksportet, ka tejkaluar vlerësimet e mëparshme të Bankës Botërore.

Përmirësimi i situatës ekonomike në vend u reflektua më parë gjatë kësaj jave edhe në interesin e Eurobondit, që Shqipëria ishte në gjendje ta përfitonte me vetëm 3,5%.

Një interes i tillë është i ngjashëm me interesin që Italia apo shumë vende të tjera të Bashkimit Europian arrijnë të emetojnë bono afatgjata në tregjet ndërkombëtare.

Dy Eurobondet e mëparshëm, në vitin 2010 dhe 2015, u emetuan përkatësisht me 9% dhe 5,75%.

Rritja ekonomike për tremujorin e dytë të këtij viti, sipas INSTAT arriti në 4,32%.

Përgjatë këtij tremujori, industria, energjia dhe tregtia ishin sektorët që udhëhoqën përshpejtimin e aktivitetit ekonomik në vend.

21% e familjeve shqiptare, borxhe nga “blerjet me listë” në dyqane

09:41 Ekonomia

Refuzohet oferta 60 milion euro e Telekom Serbia, zyrtarët shqiptarë kanë frikë nga ngjyrimet politike që mund të marrë ky investim

19:56 Ekonomia

Zonja Tabaku, gezohu edhe ti sot!

21:15 Ekonomia

Eurobondi shqiptar prej 500 milionë euro, u ble me 3.5 përqind. Rama në ekstazë nga vlerësimi që tregjet ndërkombëtare i bënë Shqipërisë

19:39 Ekonomia

Gjermania kërkon sërish emigrantë: Ja kriteret nga puna e krahut tek punëtorët e kualifikuar

14:25 Ekonomia

Rritet varfëria në rrethe, thellohet pabarazia me Tiranën

11:58 Ekonomia

Gjendja e ekonomisë, Rama: Përgjigjen se japin dot komentatorët e banaqeve a të fejsbukut

10:16 Ekonomia

Nafta dhe benzina, rritet çmimi me 5 lekë për litër në të gjitha pikat e shitjes

08:37 Ekonomia

Ekonomia shqiptare, në test. Të martën, dalja në tregjet ndërkombëtare për eurobondin

20:02 Ekonomia

Java Ndërkombëtare e Kujdesit ndaj Klientit, 10% rimbursim me kartat e debitit dhe kreditit Alpha Bank!

20:01 Ekonomia