Te fundit
Operacioni “One by Land”, ambasada amerikane: U shkatërruan 7 grupe kriminale, Policia dhe Prokuroria ka mbështetjen tonë
5 Tetor 2018, 16:53Kronika
TEMA
Ambasada amerikane në Tiranë ka përgëzuar Policinë e Shtetit dhe Prokurorinë e Krimeve të Rënda, për përfundimin me sukses të pjesës së dytë të operacionit “One by Land” javën e kaluar.
Në një njoftim në faqen zyrtare ambasada thotë se ky operacion bëri të mundur shkatërrimin e shtatë grupeve të strukturuara kriminale.
Më tej ambasada thotë se Shtetet e Bashkuara do të vazhdojnë të ndihmojnë dhe mbështesin përpjekjet në zbatimin e ligjit për të parandaluar emigrimin e paligjshëm dhe për të arrestuar personat përgjegjës.
Ky grup kriminal trafikonte shqiptarë me dokumente false në drejtim të SHBA, Mbretërinë e Bashkuar, dhe Kanada kundrejt vlerave deri në 30 mijë euro për person.
“Ambasada e Shteteve të Bashkuara përgëzon Policinë Shqiptare të Shtetit dhe Prokurorinë e Krimeve të Rënda, për përfundimin me sukses të pjesës së dytë të operacionit “One by Land” javën e kaluar, ndërmarrë në bashkëpunim me agjentët specialë të Shërbimit të Sigurimit Diplomatik të Departamentit të Shtetit pranë Ambasadës Amerikane në Tiranë.
Ky operacion bëri të mundur shkatërrimin e shtatë grupeve të strukturuara kriminale, të cilët mundësonin kalimin e paligjshëm të kufinjve duke lëshuar dokumenta të flassifikuar.
Këto grupe operonin në Shqipëri, Bullgari, Spanjë, Francë, Republikën Domenikane, Itali, Mbretërinë e Bashkuar, Shtetet e Bashkuara dhe Kanada.
Si pjesë e operacionit, policia arrestoi dy oficerë shqiptarë policie me detyrë kontrollorë kufiri, të cilët bashkëpunonin me grupet.
Shtetet e Bashkuara do të vazhdojnë të ndihmojnë dhe mbështesin përpjekjet në zbatimin e ligjit për të parandaluar emigrimin e paligjshëm dhe për të arrestuar personat përgjegjës” – thuhet në njoftimin e ambasadës. (TemA)
Lini një Përgjigje
Më të lexuarat
24 oret e fundit
Javen e fundit
Blog Tema
