Te fundit
Partizani nis “merkaton”, burgos futbollistin e parë
19 Tetor 2018, 12:38Sport
TEMA
Partizani ka nisur “merkaton”, pasi fillimisht ka nisur të ruajë elementet e rëndësishëm në grup. Klubi bëri me dije përmes faqes zyrtare se ka arritur marrëveshjen për rinovimin e kontratës me mesfushorin Lorenc Trashi. Ky i fundit një nga senatorët e skuadrës dhe një “xhol” për kryeqytetasit. Gramshioti ka luajtur në të gjithë linjën e majtë të fushë dhe këtë sezon po preferohet si mbrojtës i majtë.
Njoftimi i klubit – LORENC TRASHI RINOVON ME PARTIZANIN
Titullari 26 vjeçar, i kuq deri në 2020
Klubi zyrtarizon sot zgjatjen e bashkëpunimit me Lorenc Trashin. Lojtari 26 vjeçar dhe drejtuesit kanë nënshkruar kontratën e re deri në 2020, me opsion rinovimi edhe për 1 vit tjetër, duke konkretizuar kështu pozitivisht të ardhmen e titullarit te Partizani.
“Trashi pjesë e të kuqve nga viti 2014, falë paraqitjeve dhe cilësive që ka shfaqur përgjatë gjithë eksperiencës me fanellën e kuqe, konsiderohet një prej lojtarëve më të spikatur të Partizanit dhe kampionatit tonë. Rinovimi i kontratës erdhi me dëshirën e të dyja palëve, fakt i cili pasqyron më së miri besimin dhe korrektësinë e marrëdhënies klub – lojtar”, – shkruan klubi i kuq.
Ky rinovim tregon dhe njëherë se palët po ecin bashkarisht, pasi sezonin e kaluar situata e mesfushorit nuk ishte aq e mirë. Ai pati debate të forta me trajnerin Sulejman Starova dhe kërkoi largimin nga skuadra. Lojtari kishte një ofertë nga Turqia, por drejtuesit nuk e lanë të lirë të largohet.
1 komente në “Partizani nis “merkaton”, burgos futbollistin e parë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Shpresoj te marrim shembull nga kosova NE FUTBOLL ..!