Te fundit
Vitore Tusha, kandidatja zyrtare e Ilir Metës për KLSH-në
5 Nëntor 2018, 16:31Politika
TEMA
Ilir Meta ka sugjeruar Vitore Tushën si kandidate për kreun e KLSH-së.
Përmes një komunikate zyrtare, ndër të tjera njoftohet:
“Njoftim për përzgjedhjen e znj. Vitore Tusha, kandidate në pozicionin kushtetues të Kryetarit të KLSH-së
NJOFTIM
PËR PËRZGJEDHJEN E Znj. VITORE TUSHA PËR T’IU PROPOZUAR KUVENDIT TË SHQIPËRISË, PËR T’U ZGJEDHUR NË POZICIONIN KUSHTETUES TË KRYETARIT TË KONTROLLIT TË LARTË TË SHTETIT
Presidenti i Republikës, në mbështetje të nenit 162 pika 2 të Kushtetutës, si dhe të nenit 19 pika 2, të ligjit nr.154/2014 “Për organizimin dhe funksionimin e Kontrollit të Lartë të Shtetit”, pas shqyrtimit të të gjithë kandidaturave që kanë shprehur interesin, në përfundim të procesit vlerësues me Dekretin nr. 10929, datë 05.11.2018, ka vendosur që znj.Vitore Tusha t’i propozohet Kuvendit të Shqipërisë për t’u zgjedhur në pozicionin Kushtetues të Kryetarit të Kontrollit të Lartë të Shtetit.
Presidenti pas realizimit të një procesi transparent dhe objektiv, ka arritur në konkluzionin se, Doktore e Shkencave Juridike znj.Vitore Tusha plotëson kushtet dhe kriteret ligjore, si dhe është kandidatura më e përshtatshme për t’u zgjedhur në këtë pozicion kushtetues, bazuar në eksperiencën solide dhe kontributin e pandërperë të znj.Tusha, në fushën e jurispudencës, si në sistemin gjyqësor, ashtu dhe referuar angazhimeve të saj akademike si pedagoge në institucionet e arsimit të lartë në fushën e së drejtës, trajnuese dhe pedagoge në Shkollën e Magjistraturës, apo edhe si eksperte në fushën e së drejtës kushtetuese e më gjerë.
Presidenti i Republikës, vlerëson se znj.Vitore Tusha, aktualisht anëtare në detyrë e Gjykatës Kushtetuese të cilës i ka mbaruar mandati në këtë funksion që prej datës 10 mars 2017, gëzon një integritet të lartë moral dhe profesional, e konfirmuar edhe në rrugë istitucionale, pasi si subjekt i ligjit nr.84/2016, ajo është konfirmuar në detyrë dhe ka kaluar me sukses dhe me vendim të formës së prerë, procesin e rivlerësimit kalimtar (vettingun), për të gjithë komponentët e këtij procesi, duke krijuar bindjen se kandidatura e saj është e denjë për t’u zgjedhur si Kryetar i Kontrollit ë Lartë të Shtetit.
Duke zgjedhur një kandidaturë si znj.Tusha larg çdo angazhimi partiak në të kaluarën, Presidenti beson se kontribuon për garantimin e pavarësisë së këtij institucioni shumë të rëndësishëm kushtetues.
Presidenti i Republikës gjen rastin të falenderojë të gjithë aplikantët e tjerë që kanë shprehur interesin për të marrë pjesë sipas thirrjes së hapur prej tij, disa prej të cilëve janë personalitete të njohura publike dhe me kontribute të shquara në fushat e ekonomisë dhe drejtësisë.
CURRICULUM VITAE
VITORE TUSHA
TË DHËNA PERSONALE:
Datëlindja: 26.11.1960
Vendlindja: Tiranë
EDUKIMI DHE GRADA SHKENCORE:
1997 “Doktor” i Shkencave në Drejtësi, Fakulteti i Drejtësisë, Universiteti i Tiranës
1979-1983 Dega Drejtësi, Fakulteti i Shkencave Politiko-Juridike, Unversiteti i Tiranës
1975-1979 Shkolla e mesme e përgjithshme “Bardhork Biba”, Rrëshen Mirditë
EKSPERIENCA NË PUNË:
2008 – në vazhdim Gjykata Kushtetuese, – Gjyqtare
2004 – 2008 Dhoma e Avokatisë Tiranë, – Avokate
1994 – 2001 Gjykata e Kasacionit, – Gjyqtare
1992 – 1994 Gjykata e Rrethit Tiranë, – Gjyqtare
1990 – 1992 Dhoma e Avokatisë Tiranë, – Avokate
1983 – 1990 Gjykata e Rrethit Tiranë, – Përmbaruese Gjyqësore
Për më tepër, vizitoni linkun e mëposhtëm të faqes zyrtare të internetit të Gjykatës Kushtetuese”, thuhet në njoftimin e presidencës. (TemA)
9 komente në “Vitore Tusha, kandidatja zyrtare e Ilir Metës për KLSH-në”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Vitore Tusha ka lindur ne Mirdite.Eshte vajza e madhe e familjes se saj fisnike mirditore.
.. TANI QE “LULES” I DOLI NAMI .. EHE ..! .. HETIM PER PASURINE E VENE PER TE GJITHE POLITIKANET , DUKE FILLUAR NGA “GJYSH ” META ..!
ESHTE E VERTETE QE MIRDITA KA NXJERRE VAJZA E BURRA TE NDERUAR,POR PRESIDENDIT I DUHET QE TE EMEROJE DISA PERSONA TE NDERUAR QE TI GARANTOJNE PAPREKSHMERINE E TIJE ,.PASTAJ I DUHET QE TE SHPERNDAJE EDHE DISA DEKORATE PER TE SIGURUAR SA ME SHUME PER VOTAT E VITIT 2019 ME 30 QERSHORE.
Ne radhe te pare nuk i lejohet presidentit te republikes qe te shkele rregullat e drejteshkrimit te gjuhes shqipe. Nuk e kuptoj çdo te thote Currikulum Vitae ne shqip. Dhe ne radhe te dyte, te me fali Vitore Tusha se s’kam asgje me te, parlamenti shqiptar te mos ta miratoje dhe ti kerkoje presidentit nje kandidature tjeter, por kete pune ta beje nja tre a kater here. Kaq per sonte se do shkoj per darke nga presidenti qe ti heq merzitjen se ka mundesi te pellcase fare. E dini ju se çfare njeriu eshte ai.
Ka ndonje goce kjo Vitorja qe tja coje Meta ne ndonje anbasade, pasi ti kete bere check up-in?
Kerkoj pergjiigje nga Petrit Vasili.
Zonja Tusha eshte aq e pavarur politikisht sa, kur Gjykata Kushtetuese u be me shumicë me gjyqtare nga PD, gjate ores se leksionit ne Universitetin Luarasi i telefonon zonjes Topalli, atehere Kryetare e Kuvendit, duke i thene shprehimisht se: “tani Gjykata Kushtetuese tani është blu”. Kjo mund te provohet nga tabulatet telefonike.
Kandidate e Saliut thuaj me mire ..
Po e ka zgjedhur Meta, iku per leshe edhe KLSH, te te rroje timoni o KM yne dhe mjere Shqiperia, e mjere populli Shqipetare
Ore nje pyetje mediokre,a mendoni se zonja ne fjale i hodhi hi syve dhe Komsionereve te huaj pjesmarres ne hetim?;Qe shqiptaret jane xheloz e kane hobi perbaltjen e me te mireve kjo ska dyshim, por mos degjeneroni deri ne kete pike sa te kaloni ne ofeza kundrejt personave te cilet i jane nenshtruar vleresimeve te thelluara nga nderkombetaret dhe kane dal “te paster” jo si ju qe villni vrer ngaqe “ngecet” ne veting.