Te fundit
Luftëtari “zhyt” më keq Tiranën, Kastrioti i jep leksion Kamzës!
11 Nëntor 2018, 16:44Sport
TEMA
Luftëtari fundos gjithnjë e më shumë Tiranën. Në Gjirokastër duelin e drejtpërdrejtë për t’iu larguar zonës së ftohtë e fituan bluzinjtë e Gentian Mezanit që i shkaktuan humbjen e 3-të në 5 takime Ardian Memës në stolin e bardhebluve me trajnerin e ri që numëron dhe 2 barazime dhe nuk njeh ende fitore.
Një sukses me përmbysje ai i Luftëtarit që u ngjit në kuotën e 13 pikëve duke u larguar me 5 pikë nga zona e rënies nga kategoria.
Vazhdon kriza e Tiranës që nuk i mjaftoi as goli i Sentamut në pjesën e parë për të marrë pikë në këtë sfidë. Ashtu si ndaj Teutës edhe këtë herë bardheblutë u përmbysën në pjesën e dytë me Luftëtarin që gjeti dy herë rrugën e rrjetës, fillimisht me Vasil Shkurtajn në fillimin e pjesës së dytë nga pika e bardhë e penalltisë dhe më pas sulmuesin Dunga që 2 minuta para fundit të kohës së rregullt i dha fitoren skuadrës së Mezanit.
Bëri autokritikë Kastrioti që pas shumë javësh pa marrë pikë, mposhti 3-0 Kamzën në stadiumin “Redi Maloku” në Fushë-Krujë, duke e zhytur në një krizë të thellë skuadrën nga periferia e kryeqytetit që është edhe pa trajner dhe duke e ngushtuar në një pikë diferencën mes tyre në renditje. Braziliani Roger me 2 gola dhe Okebugu me finalizimin e tij i dhanë një fitore shprese Kastriotin që tashmë beson te mbijetesa.
1 komente në “Luftëtari “zhyt” më keq Tiranën, Kastrioti i jep leksion Kamzës!”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Asnjehere Tirana nuk ka qene me keq se kete vit! Une per vete mendoj se ne fund te sezonit do bjere serish ne kategorine e pare, Refik Halili duhet ta lere urgjentisht ekipin; le ta marre ndonje me para, qe ta ngreje sa me shpejt (vitin qe vjen, pasi ky vit iku). Une nuk shoh asnje zgjidhje! Situata eshte me dramatike se kurre! Ne ndeshjet e mbetura, nuk pritet te fitoje asnje ndeshje. Ky eshte mendimi im!