Te fundit
Paralajmërimi i fortë i Haradinajt: Taksën nuk duhet ta heqim derisa Serbia të njoh Kosovën
22 Nëntor 2018, 14:22Rajoni
TEMA
Kryeministri i Kosovës, Ramush Haradinaj, ka thënë se masa ndaj importit të mallrave serbe nuk duhet të hiqet derisa Serbia ta njoh pavarësinë e Kosovës.
Këto deklarata, Haradinaj i bëri gjatë seancës së Kuvendit të Kosovës, ku po diskutohet për politikën e Jashtme të vendit.
“Unë mendoj se masat që kemi vendosur ndaj prodhimeve që vijnë nga Serbia duhet të jenë të përheshme deri në njohje, derisa Serbia nuk e njeh Kosovën shtet të pavarur dhe sovran nuk duhet ta heqim” tha Haradinaj, raporton rel.
Ai më tutje bëri thirrje të mos ketë tërheqje ndaj këtij vendimi edhe përkundër faktit se mund të ketë siç tha “ lutje, përkrahje apo këshilla si kundërvlerë për këto masa”.
Pasi doli nga seanca e Kuvendit, Haradinaj u tha gazetarëve se u ka shkruar letër ambasadorëve të vendeve të Bashkimit Evropian dhe Përfaqësueses së BE-së, Nataliya Apostolova, përmes së cilës i ka njoftuar me arsyet e vendosjes së taksës.
“U kam shpjeguar faktet pse kemi ardhur deri te ky vendim në çka jemi bazuar. Është një vendim i Kosovës, sovrane në mbrojtje të interesit të vet, por është i argumentuar pse e bëjmë këtë, kryesisht ndërlidhet me mosrespektimin e marrëdhënieve tregtare Kosovë-Serbi, nga ana e Serbisë duke vënë bllokadë tarifore për produktet tona, shtuar këtu edhe agresivitetin ndaj Kosovës”, tha Haradinaj.
Deklarata e kryeministrit Haradinaj bëhet një ditë pasi Qeveria e Kosovës vendosi të rrisë taksën doganore ndaj prodhimeve të Serbisë dhe Bosnjës nga 10 përqind sa ishte deri tani, në 100 përqind.
Bashkimi Evropian ka bërë thirrje që kjo taksë të hiqet menjëherë pasi përbën shkelje të marrëveshjes së tregëtisë së lirë, e njohur si CEFTA.
5 komente në “Paralajmërimi i fortë i Haradinajt: Taksën nuk duhet ta heqim derisa Serbia të njoh Kosovën”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Përse duhet ta njohë Rumania ,Spanja dhe Sërbia Republikën e Kosovës njëkohësisht ose asnjëher. 3 shtete më shumë ose tre shtete më pak. ,s’na pengon oreksin.
Kur te hiqen taksat doganore neser, pasneser, si do justifikohet Ramushi?
Sakte ,bukur ,thjesht !
Por fajin me te madh e kane vete qytetaret e Kosoves. Bojkot produktit serb deri sa te Serbia te njoh Kosoven dhe genocidin shteteror kunder popullit te Kosoves.
Kur SHBA hyri ne lufte me Irakun ,greket benin thirrje per bojkot te produkteve amerikane ,kur nuk kishin asnje lidhje me luften.
Ndersa kosovaret hezitojne per te bojkotuar produktet serbe .!!
Te lumte ,ja vdekje ja liri , mjafte toleruam,
bravo HARADINAJ .Te mare shembull edhe ky rama jone vellai i vucicit