ISSH: Nesër nis shpërndarja e shpërblimeve për pensionistët, ja si mund ta merrni

Duke filluar nga dita e nesërme do të nisë shpërndarja e shpërblimit të festave të fundvitit për pensionistët në masën 5 mijë lekë, miratuar nga qeveria tre ditë më parë.

Pagesa do të bëhet nga Instituti i Sigurimeve Shoqërore në bashkëpunim me Postën Shqiptare.

Njoftimi i plotë i Institutit të Sigurimeve Shoqërore

Të nderuar pensionistë,

Mbështetur në VKM nr. 732, datë 12.12.2018 “Për shpërblimin e pensionistëve për festat e fundvitit, 2018”, Instituti i Sigurimeve Shoqërore në bashkëpunim me Postën Shqiptare sha, duke filluar nga dita e hënë, datë 17 dhjetor 2018, do të fillojë pagesën e shpërblimit të festave të fundvitit për pensionistët, në masën 5,000 lekë.

Për të realizuar në kohë dhe me korrektësi dhënien e këtij shpërblimi është realizuar një grafik në të gjitha qendrat paguese të postës. Sipas këtij grafiku, të miratuar për këtë qëllim, do të punohet me orar veprimi nga ora 7.30 deri në orën 20.00, çdo ditë, duke filluar nga data 17.12.2018.

Çdo ditë, deri në orën 14:00, do të realizohet pagimi i pensionit dhe shpërblimi për ata pensionistë që kanë datën e tërheqjes së pensionit dhe pas kësaj ore do të paguhet shpërblimi për pensionistët që e kanë tërhequr pensionin para kësaj date, sipas grafikut të mëposhtëm.

Instituti i Sigurimeve Shoqërore ka gjeneruar shpërblimin në sistemin informatik dhe gjithshka është gati në portalin e pagesave për t’u paguar, për të gjithë përfituesit. Njëkohësisht janë garantuar dhe transferuar fondet tek Posta shqiptare sha, si agjent pagues.

Pensionistët që e tërheqin pensionin pranë bankave të nivelit të dytë, në datën e pagesës së pensionit 20.12.2018, do t’iu transferohet edhe masa e shpërblimit.

Për pensionistët që e tërheqin pensionin në zyrat postare në fshatra, shpërblimi do të paguhet sipas datave të pagesës së pensioneve, duke filluar nga data 18 dhjetor e në vazhdim.

Grafiku i shpërndarjes së pagesave është dakortësuar midis ISSH-së dhe POSTËS SHQIPTARE sha.

Të gjithë ata që nuk do të mund ta tërheqin këtë shpërblim deri më 29 dhjetor, do të mund ta marrin atë bashkë me tërheqjen e pensionit në muajin Janar 2019 e në vazhdim, pasi faturat janë të gjeneruara. (TemA)

Investimi i UKT-së, rrjet i ri i kanalizimeve në rrugën “Ali Shefqeti”

11:00 Sociale

Analisti i Gallup: Pse ikin shqiptarët (dhe kush do të vij në Shqipëri)

11:10 Sociale

Parashikimi, "surprizat" e motit për ditën e sotme

08:00 Sociale

Erion Veliaj - studentëve: Mos dëgjoni lacat e PD-LSI, shfrytëzoni përkrahjen e Kryeministrit dhe dialogoni

21:03 Sociale

“Dhori Kule refuzoi të takohej me studentët”, reagon Fakulteti Ekonomik: Ja e vërteta

20:46 Sociale

Skandali në mjekësi: Si po zgjidhen politikisht shefat e klinikave

18:35 Sociale

Studentët kërkojnë largimin e Dhori Kules, pas refuzimit për t'i takuar

18:31 Sociale

VIDEO/ Nga Sali Lushaj, tek Altin Goxhaj: Kush janë njerëzit në prapavijë, tek protesta para Kryeministrisë

17:57 Sociale

Unaza e Madhe/ Vijojnë prishjet e ndërtimeve pa leje te Astiri

15:50 Sociale

Shqiptarët në 2040/ Studimi: Mund të jetojnë mesatarisht deri në 84 vjeç, por do i vrasë Alzheimer

17:36 Sociale