Te fundit
Vri e pri e gjak mos kri
30 Dhjetor 2018, 11:00Kulturë
TEMA
Intervistë me regjisorin dhe shkrimtarin Pëllumb Kulla me gazetën TemA
Zoti Kulla. Pas kaq vitesh ndërperje, jeni rikthyer në RTSH për të bërë Koncertin tradicional të Vitit të Ri . Në çfarë rrethanash e keni marrë këtë vendim?
Përgjigje: Fare papritur. Erdha në atdhe për ca angazhime të tjera dhe befas, në një takim të rastit, Drejtori i Përgjithshëm, z Thoma Gëllçi, më propozoi këtë ngarkesë. Ai më tha se e pat menduar gjatë dhe ishte duke ma nisur ftesën drejt Floridas, ku unë banoj tani. Ishte një kërkesë që më nderonte dhe më rëndonte paksa.
– Përse mendoni kështu?
Përgjigje: Ishte e natyrshme që vinte si vlerësim për një përvojën time në kanalin e vetëm të dikurshëm televiziv dhe që vazhdon e quhet përvojë e suksesshme. Por kjo e bënte më të vështirë misionin. Kohët kanë ndryshuar, vështirësitë janë ndryshe, shijet e publikut gjithashtu…
– Do të jetë i bukur Koncerti? Mendoni se ia keni dalë me sukses?
Përgjigje: A do të më lejosh, i dashur Mero të ta jap këtë përgjigje të martën që vjen?
– Pse ju…
Përgjigje: Sa mirë do të ishte, o Mero, sikur të më drejtoheshe me “ti”!
-Ke nevojë të presësh përshtypjet e publikut? Ti vetë, a nuk ke ndonjë mendim për programin që na thonë se është gati të shtrohet me mezetë e festës?
Përgjigje: Natyrisht që kam. Jam fort i kënaqur. Koncerti ynë titullohet TOK – TOK – 2019. Dhe shpaloset me shkëlqim në darkën e fundit të vitit. Më të mirë nuk e bëja dot. Por them gjithashtu se nuk ka rëndësi se ç’mendoj unë për të.
– A nuk e ndjen se humori, që i imponohet sot publikut është i ndryshëm nga ai i viteve të komunizmit? Sa e rrezikon punën e një regjisori profesionist kjo?
Përgjigje: E ndjej… Nuk është se rrezikon shumë, regjisori. Mbase më shumë se rrezik, është një test interesant për atë vetë. Një sfidë.
– Çfarë ke përzgjedhur për natën e Vitit të Ri? Cfarë raporti ka mes humorit, ta quajmë historik dhe atij të ri, me subjekte nga tranzicioni?
Përgjigje: Unë dhe bashkëpunëtorët e talentuar që thirra pranë vetes kemi bërë tok një meny të larmë. Kam një ndjenjë të këndshme, Mero, sikur po dal nga një muze… Dhe përgjigjem: Humori është i njëjtë. I kohës ishte atëherë, i kohës është edhe këtë herë. Ndryshimi qe se maja goditëse, atëherë, nuk mund të ngrihej dot aqë lart, kurse sot ngrihet lart lehtë. Bile disa e ulin kollaj dhe me endje, deri aty ku nuk mban më.
– Nuk ke frikë se Koncerti tradicional i Vitit të Ri, është një traditë që mund të mos i rezistojë më kohës? Televizionet e tjera e kanë zhbërë këtë traditë, përfshi dhe RTSH, për shumë vite.
Përgjigje: Them se i reziston. Viti i Ri vazhdon të vijë edhe tani pas treqind e gjashtëdhjetë e ca ditëve dhe është i magjishëm qëkurse janë bërë kaqë mijëra. Darka është po aq e magjishme, ashtuy si dekoret, gazi, të qeshurat… Gaztorët përsëri kanë vendin e tyre.
-Si e shikon gjendjen e krijimtarisë së humorit sot në Shqipëri?
Përgjigje: Po më duket si ai sporti me skuadrat që angazhoheshin në tërheqjen e skajeve të litarit. Masa e gjërë me shije të ulët ndeshet me artistët e humorit në tërheqje litari. Dhe mjerisht duket në fitim e sipër. Ne duhet të bënim tifo për të kundërtën. Në favor të shijes së ulët bën tifo, paraja, fitimi, pasurimi, biznesmenët milionerë të bërë të tilë sa hap e mbyll sytë, që hapin përditë kanale televizivë dhe falë nivelit të mjeruar kulturor të këtyre bosëve, banaliteti asfikson. Nuk mund të presësh nga këta bosa të florinjtë të shqetësohen për nevojat e estetikës dhe të artit të vërtetë. Mjerisht edhe institucionet shtetërore nuk e prishin gjumin për këtë. Kritika zyrtare është në letargji. Ministria e Kulturës ka tridhjetë vjet që fle. Citoj veten me një përgjigje pas një pyetje të tillë: “Kur shoh shumicën e shfaqjeve, shout e panumërt, fjalorin e neveritshëm, kam nostalgji për censurën.”
– Ku qëndron problemi sipas teje, tek autorët e teksteve apo aktorët?
Përgjigje: Unë ve re që përreth ne kemi mjaft aktorë të shkëlqyer, me aftësira të mahnitshme, por ka shumë skarcitete. Nevojat e bosëve janë të papërballueshme. Kanalet përcjellin ujëra të turbullta dhe të pista.
– Çfarë rreziqesh krijuese ka për një shkrimtar të humorit sot?
Përgjigje: Nuk ka asnjë rrezik për ta. Veç infektimit në epideminë e banalitetit.
– Ka një lulzim të programeve me humor në ekrane, që në fakt rendin pas një humori siperfaqësor. Fjala vjen nxitojnë pas së qeshurës nga shaka të çastit, gjeste, truke momenti. Ka shumë pak humor që të bën të qeshësh dhe të mendosh pas të qeshurës. Ku është problemi?
Përgjigje: Problemi janë filtrat e shqyer, për të cilët folëm më lart. Janë autorë anonimë, pa kulturën minimale. Është një ushtri aktorucësh që nxitojnë pa tjetër të venë në grazhdet javore të bosave të florinjtë.
– Ti jeton në SHBA dhe atje ekziston dhe është e zhvilluar kultura e komedive televizive qoftë dhe të tipit “Uan man shou”. A ka shanse kjo lloj shfaqje në Shqipëri?
Përgjigje: Ky lloj zhanri ka pasur jetë që prej shumë dhjetëvjeçarësh në skenat tona. Janë një lloj analistësh hokatarë që dalin “tu-per tu” “fejsë tu fejsë”, shqip “syndërsy” me publikun, për mijërat e problemeve të përditshme dhe “qajnë me oi” pa kostume të rënda dhe dekore pas. Në një shfaqje estrade ne kishim dy tre takime të tilla, vecse ishin të shkurtër.
– Ke plane të tjera, pas kësaj, në TVSH?
Përgjigje: Për Kocertin TOK –TOK – 2019 përgjigja jepet të martën që vjen. Për plane të tjera, cat ë marta më pas! Nuk më mbetet veç t’i them stafit dhe lexuesve të TEMAs: Gëzuar Vitin e Ri!!
11 komente në “Vri e pri e gjak mos kri”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
me cfare pune jeton ne Ameriki ”humoristi”….!? ndoshta set CD…………
Ti sje as Kristinan as lësh ,ti je vetëm kokrra e gomarit.Toka seshte as e Krishtit as e Muametit.Është toka e Shqiptarëve.Ti si kupton këto gjëra thjesht je nje kelysh bastard qe don te fusish përçarje.
hajde titull hajde,”pri e gjak” !!!! ne keto dite te shenjta festash ”fundviti”[sipas muslims] qe te kujtojne realitetin e botes arabe…………. gezuar kurban bajromin!
O zoti komentues ka punuar Ai per kete dite, merr dy pensione ne Shqiperi, nje eshte pension i vecante per kontributin si figure e artit. Pastaj c’hyn ne pune biografia e tij ne ShBA…Ai ka eshte artist ne kuotimin e plote te fjales. Titulli i intervistes nuk shkon…
Ku je “o tourkos…”? Pullumb Kulla nuk jeton si ti ne token e shqiptareve….Te genjen mendja o i droguar,po ti o qelbesire qe vjell vrer tere diten me c’fare jeton? Pullumb Kulla jeton me nder e dinjitet, ai jeton me perkthime,ai perkthen per te gjithe ata qe kane nevoje per gjuhen angleze,shqiptare,edhe rus po deshe.Ka mjaft njerez atje qe punojne on-line per perkthim te gjithe shqiptaret kudo qe ndodhen ne Amerike.E more vesh o plehre greke?
arapi mou,ke te besojme me pare,kete sunitin[spiun] mbi ty qe ditka se ”humoristi” marrka 2 pencione made in albania[dhe me keto 500 dollars mundet te bej jete amerikoni!!!] apo ty qe merresh me thashetheme dhe ndershmerine e te tjereve!!!!!??
aq pune paska ai ne ameriki sa i del koha te vij ne vatan e te merret me karlliqet e humorit bajat turkoshak ………..!
Pellumb Kulla I madherishem per te krijuar humor te vertete dhe jo banal dhe pa culture. Respect dhe mirenjohje per punen ne fushen e artit humoristic., qe deri me sot I pazvendesueshem. Jam I sigurt qe shfaqja e tij per Vitin e Ri do te jete e vecante dhe teper mbreselenese…mezi pres ta shoh. Urimet me te mira regjizorit fantastic te humorit dhe stafit te zgjedhur te tij.
Dy lafe per ata qe shkruajne me thumba qe te denigrojne ne person te madhin Pellumb Kulla, por nuk munden se jane te pafuqishem ata dhe “boset” e tyre nga mbrapa. Ai jeton me shpirt e moral te paster, larg korupsionit dhe hipkorizise. Turpi dhe injoranca I ndjekte perjet. Nje shprehje ruse thote per keta tipa…”leri te vdesin budallenj”
I madhi dhe nderuari P,Kulla ju uroj ju dhe familjes tuaj gèzuar vitin e ri 2019 tè .Mbeteni nr njèshi pèr humorin shqiptar dhe mbas jush vetem mjegull.Shqipèria ka nevoj pèr njerèz si ju por fati dhe kohèrat detyruan shumè shqiptar tè marrin rrugèn e largèt ,uroj dhe shpresoj qè nèn drejtimin tuaj koncerti i vitit tè ri tè jet humor i P,Kullès.
Jete te gjate : humoristit, regjizorit tone fantastik…
O “turpi demokratias…”,jam i bardhe aq sa eshte kyeministri yt Cipras dhe sa ai yni Rama,sa per ate qe thot “frut per t’u ngrene”,une jetoj ne New York,dhe jam desmitar okular qe Pullumb Kulla merret me perkthimet,pune qde paguhen mire.Ti nuk e di, por ti mund te rrish ne shtepi dhe te bie telefoni i institucioneve shendetsore,apo i kompanive te sigurimt dhe ti perkthen on-line.Amerika eshte vendi i lire,ketu jeton edhe me gjuhen tende sidomos mosha e trete,psh:Une di italisht nuk di anglisht dhe kur me ra halli dhe pyeta kush ishte perkthyesi me tha emrin e tij Pullkum Kulla.Te jane errsuar syte o njeri,nuk di c’flet,te jane bere sunitet sikur te kene qene burri i nenes!Po me Pullumbin qe eshte Bektashi cfare ke?
Pellumb Kulla provoi se jo vetem ka mbetur i ri ne shijen per skenen e humorit,
por edhe se ai arrin te rinoje dhe ta moderoje ne skene edhe nje aktor te kthjellet politik si Luftar Paja! Luftari ne kete Vit te Ri bente shaka jashte programit te Partise qe ndjehet me afer, madje ai distancohet edhe nga Kumandari!
Humori ne shfaqjen e syrit te Kulles, ia arriti te largohet prej humorit te perditshem te Tiranes: pothuajse u iku banaliteteve, ia vlejti oferta qe Thoma Gellci i beri P Kulles.
Ishte nje nate e vecante qe respektoi nostalgjine per humorin DIKUR dhe nejehrazi, testoi pritjen se nuk eshte tregu ai qe imponon vulgaritet, por pertacia intelektuale e atyre qe nuk ndajne pergjegjesi ta respektojne publikun qytetar…