Te fundit
Tokjo 2020: Medaljet do bëhen nga mbetjet e ricikluara
9 Shkurt 2019, 17:26Sport
TEMA
Të gjitha medaljet në Lojërat Olimpike dhe Paraolimpike 2020 në Tokio do të bëhen nga mbeturinat elektronike të ricikluara, thonë organizatorët.
Një projekt u fillua në vitin 2017 për të mbledhur mjaftueshëm mbeturina elektronike, përfshirë smartphone dhe laptopë të vjetër, për të zbatuar skemën. Qëllimi ishte mbledhja e 30.3 kg ar, 4.100 kg argjend dhe 2.700 kg bronz.
Organizatorët thonë se janë rrugës për t’i arritur këto objektiva në mars. Sa ar mund të merret nga telefonat celularë?
Objektivi për bronzin u arrit qershorin e kaluar, ndërkohë që organizatorët e kishin më shumë se 90% të arit dhe 85% të argjendit deri në tetor.
Tokjo 2020 do të publikojë dizajnet e medaljeve më vonë gjatë këtij viti. Metali i ricikluar është mbledhur nga publiku japonez, si dhe nga bizneset dhe industria.
Deri në nëntor 2018, ishin mbledhur 47,488 ton pajisje të hedhura, me publikun që i ka dorëzuar edhe pesë milionë telefona të përdorur të tjerë një ofruesi lokal të rrjetit.
“Vlerësohet se sasia e mbetur e metaleve që kërkohet për prodhimin e të gjitha medaljeve olimpike dhe paraolimpike mund të nxirret nga pajisjet e dhuruara tashmë,” thanë në një deklaratë organizatorët e Tokjo 2020.
Në Olimpiadën 2016 në Rio, rreth 30% e argjendit dhe bronzit në medalje erdhën nga materiale të ricikluara. (Kebriona Veliaj, TemA)
Lini një Përgjigje
Më të lexuarat
24 oret e fundit
Javen e fundit
Blog Tema
