Te fundit
Spalletti: Vendimi për Icardin i dhimbshëm, në Vjenë ishte ai që nuk donte të vinte
13 Shkurt 2019, 19:14Sport
TEMA
Çështja e Mauro Ikardit merr përmasa gjithnjë e më të mëdha e me sa duket nuk do të ketë një fund të lumtur mes argjentinasit dhe Interit.
Pasi klubi vendosi t’i hiqte atij shiritin e kapitenit, lojtari ka refuzuar që t’i bashkohet skuadrës në transfertën në Ligën e Europës, ndaj nuk është pjesë e grumbullimit.
Pohimi ka ardhur direkt nga trajneri i zikaltërve, Luçiano Spaleti, në fjalët e tij për “SKY”.
“Nesër do të jetë një ndeshje shumë e rëndësishme, do të kemi kohën e duhur edhe për të sqaruar pozicionin e Ikardit. Ky ishte një vendim i vështirë, i dhimbshëm, i ndarë nga të gjithë palët në klub dhe i marrë për të mirën e Interit dhe skuadrës.
Mungesa e pranisë në grumbullim? Ishte ai që nuk deshi të vinte me ekipin, pasi ishte i grumbulluar. Atij i erdhi keq, u ndje keq por edhe për ne ishte e vështirë që të merrnim këtë vendim dhe të shkonim t’ia komunikonim.
Janë disa situata që duhen rregulluar dhe e kam thënë pas Parmës, kjo që ndodh e konfirmon. Nëse është ndokush që mendon për gjëra të tjera përveç rezultatit të nesërm, ka gabuar vend. Vendimi është marrë në momentin e duhur, është i mirëmenduar edhe pse ishte shumë i vështirë.
Gjërat që i sillen rrotull e shqetësojnë atë dhe skuadrën ku ai ishte kapiten. Tani duhet të kthejmë të gjithë vëmendjen te ndeshja”, ishin fjalët e Spaletit i cili me pak fjalë i ka bërë dalje lojtarit duke konfirmuar publikisht krisjen mes tij dhe Interit, që me siguro do të shoqërohet edhe me sanksione për këtë rebelim.
1 komente në “Spalletti: Vendimi për Icardin i dhimbshëm, në Vjenë ishte ai që nuk donte të vinte”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
FUTENI VANDEN NE SULME NE VENDE TE IKARDIT ,SHPRESOJME TE BEJE NDONJE GOLE NE SHKEMBIM TE ULTIMATUMEVE QE KA DHENE.
LARGOJINI NJE ORE E ME PARE. MERCENARIN ME GJITHE ZHABEN E TIJE.