Një surprizë e këndshme ka qenë kjo e mërkurë për tifozët kuqezi, që pas shumë vitesh kanë parë përsëri në Milanello idhujt e tyre.
Legjendat e Milanit Andrea Pirlo, Massimo Ambrosini dhe Massimo Oddo, tre ish-protagonistët e Milanit të madh të Carlo Ancelotti kanë vizituar sot ish skuadrën e tyre.
Një vizitë shumë e mirëpritur për të tre yjet e Milanit të cilët kanë qenë prezent në qendrën sportive të 7 herë kampionëve të Europës duke ndjekur seancën stërvitore të ekipit të Gattusos të cilët të shtunën do të ketë një përballë të vështirë në Bergamo kundër Atalantas.
Prania e tre ish lojtarëve kuqezi është një motivim më tepër për lojtarët për të dal fitimtar nga ky duel. (TemA)