Te fundit
Platforma për dialogun me Serbinë dorëzohet në Kuvendin e Kosovës
15 Shkurt 2019, 14:00Rajoni
TEMA
Ekipi negociator i Kosovës ka dorëzuar të premten platformën për dialogun me Serbinë, që ndërmjetësohet nga Bashkimi Evropian, në një takim me kryetarin e Kuvendit të Kosovës, Kadri Veseli. Kjo platformë pritet të procedohet edhe në Kuvendin e Kosovës për miratim.
Kryetari i Kuvendit të Kosovës, Kadri Veseli, ka thënë pas takimit se platforma thekson qartë se Kosova nga dialogu do të dalë me njohje dhe do të garantojë ulëse në Kombet e Bashkuara dhe integrim në organizatat ndërkombëtare.
“Sot delegacioni shtetëror ka dorëzuar platformën për dialogun për marrëveshjen gjithpërfshirëshe dhe ligjërisht të obligueshme për normalizimin e marrëdhënieve Kosovë-Serbi. Kjo është baza, e cila do t’i propozohet Kuvendit të Republikës së Kosovës për dialogun me Serbinë, e cila nënkupton sovranitet të plotë, integritet të plotë, dhe të njëjtën kohë garanton që nuk do të ketë asociacion me kompetenca ekzekutive apo pushtet të tretë, apo Republika Sprska në Republikën e Kosovës, në të njejtën kohë garanton edhe përgjegjësitë që ka shteti i pavarur dhe sovran, reciprocitet për vëllëzërit tanë që t’iu ruhen të drejtat shqiptarëve në Republikën e Serbisë”, është shprehur Veseli.
Bashkëkryesuesi i Ekipit negociator Shpend Ahmeti, ka thënë se platforma përbëhet nga 11 parime, të cilat përcaktojnë qartë qëndrimin e Republikës së Kosovës, ku përfshihet integriteti territorial dhe ka për rezultat njohjen e Kosovës nga ana e Serbisë.
“Platforma bazohet tërësisht në parimet e Kushtetutës së Kosovës, duke cituar sovranitetin territorial të Republikës së Kosovës, të cilat janë të pacenueshme dhe është obligim i të gjitha organeve që atë Kushtetutë ta mbrojnë përfshirë në dialogun me Serbinë. Nuk ka rend të tretë të qeverisjes në Kosovë përveç atij qendror dhe lokal. Po ashtu në parim është e potencuar që resurset që janë në Republikën e Kosovës janë e drejtë ekskluzive e Republikës së Kosovës. Nëse mendojmë që përfundimi i dialogut mund të mos sjellë njohje, parimi 2 thotë se nuk ka marrëveshje për asgjë nëse nuk ka marrëveshje për gjithçka”, ka deklaruar Ahmeti.
Ndërkaq, bashkëkryesuesi tjetër i Ekipit Negociator, Fatmir Limaj, ka bërë thirrje për unitet shtetëror dhe miratim të kësaj platforme nga ana e Kuvendit të Kosovës.
“I bëj thirrje opozitës që seriozisht ta trajtojnë platformën tonë dhe të votohet nga Kuvendi i Kosovës dhe të na jepet mandat që të jemi të gatshëm për dialogun e ardhshëm. Të gjithë duhet ta kenë të qartë që Kosova shkon në Bruksel për njohje. Presim që edhe fqinji ynë Serbia, të kthehet dhe ta pranojë realitetin, ashtu siç e pranon Kosova”, është shprehur Limaj.
Dy partitë më të mëdha opozitare kanë refuzuar të përfshihen në hartimin e platformës për dialogun me Serbinë derisa Shtetet e Bashkuara dhe Bashkimi Evropian kanë bërë të qartë se vazhdimi i dialogut ndërlidhet me pezullimin e tarifës doganore që u është vendosur importeve nga Serbia dhe Bosnjë e Hercegovina.
5 komente në “Platforma për dialogun me Serbinë dorëzohet në Kuvendin e Kosovës”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Me duket se po ecet ne rruge te gabuar. Ne parim platforma duhet te theksoje cfare duam ne dhe jo cfare nuk duam. Pjesa me e hidhur eshte referimi tek kushtetuta e Kosoves. Kushtetuta eshte e shenjte por e ndryshueshme. Eshte gabim qe kushtetuta te perdoret si pengese per te arritur marreveshjen. Sigurisht qe delegacioni i bisedimeve do kete si udherrefyes kushtetuten, por ne pikat qe jane te diskutueshme, sic mund te jete rishikimi i kufirit, shkembimi i territoreve, levizja e popullsise, te drejtat Serbe ne Kosove dhe ato Shqiptare ne Serbi, resorset etj etj, do jene objekt i referendumit the sipas rezultateve te referendumit behen edhe korigjimet e duhura ne Kushtetute. Po vazhduam te nxjerrim kushtetuten si barrikade, nuk mund tu mohojme dhe serbeve te nxjerrin kushtetuten si barrikade. Ne kushtetuten Serbe Kosova eshte pjese e Serbise. Nqs delegecionet e te dy paleve do perdorin kushtetutat si pengese, eshte e kote te shkohet ne bisedime. Delegacioni per mendimin tim vete per te ndryshuar situaten dhe jo per te mbajtur statukuone. Qe te mos zgjatem shume, mendoj qe Kosova po perdoret politikisht nga politikanet dhe jo llogjikisht. Hajredinaj duke u hequr si “shkemb graniti” ka vene interest e tij politike para interesave shqiptare. Duke perdorur politiken populiste njelloj si Gruveski ne Maqedhoni, po tregon qe nuk eshte dakort me bisedimet. Uroj qe politikanet shqiptare, perfshi dhe Hajredinaj te mos perfundojne si Gruveski. Kokefortesia asnjehere nuk ka qene nena e fitores…..
Eh o serb i keq sa mire e shkruaj shqipen.
Kosova eshte ne nje moment delikat,duhet lidership, Albin Kurti me etjen e cfrenuar per pushtet po e demton shume poziten e Kosoves, Ramushi duhet ti lere trimerit e Gjergj Elez Alise dhe ta shikoj realitetin ne sy, duhet gjakeftohtesi dhe mencuri.
Bravo Dardania ju lumte dora dhe mendja
Eshte nje Platfotme objektive. Ketu eshte permbledh gjithe koncenzusi kombetar pert e gjitha keto probleme qe shtrohen aty…!
Tani çdo gje eshte ne vijè