Te fundit
Incidenti në takimin Partizani-Flamurtari, reagon FSHF!
24 Shkurt 2019, 12:35Sport
TEMA
Takimi mes Partizanit dhe flamurtarit, për pak u kthye në një arenë boksi, ku në fushë hynë disa tifozë të cilët sulmuan zyrtarin dhe njëkohësisht fotografin e klubit të Flamurtarit. Për këtë incident ka reaguar edhe vetë Federata Shqiptare e Futbollit e cila e ka dënuar ashpër dhunën e ushtruar duke kërkuar ndërhyrjen e policisë dhe të prokurorisë për t’i dhënë dënim agresorëve dhe bën thirrje që të mos ketë përsëritje.
Reagimi:
“Federata Shqiptare e Futbollit dënon me ashpërsi dhunën e ushtruar ndaj zyrtarit të klubit Flamurtari gjatë ndeshjes Partizani – Flamurtari të zhvilluar mbrëmjen e djeshme në stadiumin “Selman Stërmasi”. Një ngjarje e tillë nuk ka aspak lidhje me lojën e futbollit dhe frymën “Fair Play” që duhet të përcjellin të gjithë. I bëjmë thirrje klubeve që të punojnë sa më shumë me tifozeritë dhe stafet e tyre që ngjarje të tilla të mos përsëriten më.
Në të njëjtën kohë i bëjmë thirrje organeve ligjzbatuese, Policisë së Shtetit dhe Prokurorisë që të vendosin përpara ligjit agresorët të cilët janë evidentuar nga pamjet filmike. FSHF dhe zyrtari i Klubit Flamurtari kanë dorëzuar kallzimin penal, tani është koha që Policia të veprojë. Situata dhe ngjarje të tilla nuk duhet të përsëriten më në stadiumet shqiptare.
FSHF do të qëndrojë në kontakte të vazhdueshme me autoritetet përkatëse të rendit dhe me klubet për ti dhënë një zgjidhje përfundimtare këtij problemi, që dëmton dhe cënon imazhin e futbollit shqiptar”, shkruhej në reagimin e FSHF-së.
Lini një Përgjigje
Më të lexuarat
24 oret e fundit
Javen e fundit
Blog Tema
