Shënohet rasti i dytë i shërimit të plotë nga virusi HIV

Një burrë në Britani bëhe pacienti i dytë në botë që shërohet plotësisht nga virusi HIV, pas transplantit të palcës së eshtrave nga një dhurues rezistent ndaj virusit.

Pothuajse tre vjet pas marrjes së qelizave staminale të palcës së eshtrave nga një donator me një mutacion të rrallë gjenetik që reziston infeksionit HIV, testet treguan se pacienti nuk ka asnjë gjurmë të virusit.

Ai është quajtur “pacienti i Londrës”, pjesërisht sepse rasti i tij është i ngjashëm me rastin e parë të njohur të një kurimi funksional të HIV-it, “pacienti i Berlinit”, amerikani Timothy Brown, i cili iu nënshtrua një trajtimi të ngjashëm në Gjermani në vitin 2007, dhe u shërua plotësisht nga virusi HIV.

Pandemia e AIDS-it ka vrarë rreth 35 milionë njerëz në mbarë botën që kur u shfaq rasti i parë në vitet ’80. Rreth 37 milionë njerëz janë të infektuar me HIV aktualisht.

Hulumtimet shkencore mbi virusin kompleks kanë çuar në zhvillimin e kombinimeve të ilaçeve drogës që mund ta mbajnë nën kontroll në shumicën e pacientëve.

Pacienti i Londrës u infektua me HIV në vitin 2003, ndërsa në vitin 2012 u diagnostikua gjithashtu me një lloj kanceri të gjakut të quajtur limfoma Hodgkin.

Në 2016-n, kur ai ishte shumë i sëmurë me kancer, mjekët vendosën t’i bënin një transplant. Donatori kishte një mutacion gjenetik të njohur si CCR5 delta 32, i cili jep rezistencë ndaj virusit HIV.

Shumica e ekspertëve thonë se është e pakonceptueshme që trajtimet e tilla mund të shërbejnë si mënyrë për shërimin e të gjithë pacientëve.

Procedura është e shtrenjtë, komplekse dhe e rrezikshme. Donatorët që përputhen me pacientët e sëmurë janë pak,  shumica prej tyre me prejardhje nga Evropa veriore, të cilët kanë mutacionin e CCR5.

Specialistët thanë se ende nuk ishte e qartë nëse rezistenca e CCR5 është “çelësi” i vetëm apo ka edhe faktorë të tjerë që mund të kenë pasur rol të rëndësishëm në shërimin e pacientit.

Si pacienti i Berlinit, edhe ai i Londrës kishin të dy këtë lloj komplikacioni, i cili mund të ketë luajtur rol në zhdukjen e qelizave të infektuara me HIV.(TemA TV)

Një medikament i ri nxjerr jashtë loje morfinën

14:38 Shëndeti

STUDIMI: Zbulohen gjenet e pagjumësisë

11:06 Shëndeti 2 komente

Modelet e të ngrënit, një sjellje e mësuar që në fëmijëri

15:26 Shëndeti 2 komente

Rikthimi i sëmundjeve seksualisht të transmetueshme, dyfishohen në numër dhe bëhen më të vështira për t’u trajtuar

15:02 Shëndeti

Mjekët dokumentojnë rastin e rralle: Binjakë gjysmë-identike që trondisin themelet e shkencës

13:31 Shëndeti

Indeksi i Shëndetit Konsumator: Shqipëria, me shërbimin shëndetësor më të keq në Europë

08:46 Shëndeti

Indeksi i Bloomberg: Shqipëria ndër më të shëndetshmet në rajon, ja si renditet në rang global

10:27 Shëndeti

Shpiket pacemaker-i që karikohet nga rrahjet e zemrës

09:30 Shëndeti

Procedura e re për diagnostikimin e kancerit të gjirit

15:19 Shëndeti

STUDIMI: Cigarja rrezikon tashmë edhe shikimin

16:49 Shëndeti