Te fundit
Rama: Kosova duhet në NATO, është një domosdoshmëri për të shmangur influencat e vendeve të treta
29 Mars 2019, 12:02Politika
TEMA
Kryeministri Edi Rama i bëri thirrje aleancës për integrimin edhe të Kosovës në NATO për të shmangur influencat e vendeve të treta.
Gjatë fjalës së tij në 10-vjetorin e anëtarësimit të Shqipërisë në NATO, Rama tha se falë Aleancës së Atlantikut të Veriut, Ballkani gëzon sot më në fund, një periudhë paqe, ripajtimi dhe bashkëpunimi.
Gjithashtu Rama kërkoi nga partnerët europianë që të besojnë te shqiptarët, ashtu si NATO-ja para 10 viteve që e pranoi në Aleancë.
Procesi i integrimit duhet të vijojë në të njëjtën aftësi për të besuar te Shqipëria, që patën aleatët kur aprovuan anëtarësimin në NATO. Në një dekadë si pjesë e NATO-s, Shqipëria ka qenë mishërimi i shprehjes së Nënë Terezës ‘Jo të gjithë ne, mund të bëjmë gjerë të mëdha, por secili mund të bëjë gjëra të vogla me përkushtim të madh’. Këtë Shqipëria do të vijojë që ta bëjë. Të parët na kanë lënë një amanet ‘Dielli i shqiptarëve lind nga Perëndimi‘ tha Rama.
“Shqipëria përgatitet që të nisë veprën e rëndësishme të bazës së NATO-s në Kuçovë, që do të jetë ndër më të mëdha të aleancës në këtë rajon dhe më moderne. Do të jetë një bazë e rilindur. Një rajon që pas 100 viteve luftë, falë edhe NATO-s, Ballkani gëzon sot më në fund, një periudhë paqe, ripajtimi dhe bashkëpunimi.
Të mos e harrojmë Presidentin Kenedi, që thoshte se ‘paqja nuk është e mirë e përditshme, por një proces i pandërprerë, përpjekje e përditshme’. Ekstremizmi i dhunshëm nuk është mposhtur, doktrina fanatike e tij nuk mund të shfaroset vetëm me forcën e armëve, por edhe mendjes dhe shembullit të kësaj aleance.
Nacionalizimi në rritje, kriza e refugjatëve, apo emigrantëve në Mesdhe dhe lufta kibernetike janë rreziqe reale. Aneksimi i Krimeve është nga dëshmitë e kësaj dukurie.
Anëtarësimi i Malit të Zi dhe Maqedonisë kanë forcuar stabilitetin e Ballkanit duke mbushur vakumin pas ndryshimeve tektonike pas shpërbërjes së Jugosllavisë.
Në mënyrë që Ballkani të mos jetë kurrë më që influenca të vendeve të treta arrijnë që të depërtojnë deri në zemër të Europës, është e rëndësishme që edhe Kosova të bëhet pjesë e aleancës.
Shqipëria beson se integrimi i Kosovës është një domosdoshmëri, jo për Kosovën thjeshtë, por për të gjithë familjen atlantike. Ballkani i gjithë në NATO është vizion strategjik dhe e Kosovës do të ishte një kapital i shtuar”- tha Rama. (TemA)
2 komente në “Rama: Kosova duhet në NATO, është një domosdoshmëri për të shmangur influencat e vendeve të treta”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Niveli armatimit do ketë arritje nëse furnizohen si duhet nga ne për të konfirmuar Panvarsin.
te besosh qe dielli i nje kazoni islamik [ Alb,Kos.] lind ne perendim eshte cmenduri,kur dihet qe 90% e ketij kazoni e ka qet sumen per ngohje drejt Istamboul-it…………….gezuar ramazonin!