Shqetësimi i SHBA: Jo më pajisje për avionët luftarakë turq, ujdi për të blerë nga Moska sistemet raketore

Grindja Turqi-SHBA për shkak të blerjes nga pala turke të sistemeve mbrojtëse ajrore ruse ka pasoja. Amerikanët ndalën dërgimin e pajisjeve për avionët luftarakë, F35. Ankara nuk u tërhoq megjithë kritikat e SHBA.

Në shenjë pakënaqësie për shkak të instalimit të sistemeve raketore ruse në Turqi, qeveria e SHBA reagoi duke ndalur furnizimin e Turqisë me materiale pajisjeje për avionët luftarakë F35.

Për sa kohë qeveria turke nuk heq dorë nga sistemi i mbrojtjes ajrore ruse, S-400, furnizimet dhe aktivitetet e tjera lidhur me avionët F35 do ta ndalen, bëri të ditur Ministria e Mbrojtjes së SHBA.

E kemi bërë të qartë, se blerja e sistemit S-400 është e papranueshme për ne. Ky është hapi i parë konkret i SHBA që ndërpret furnizimin për aleatë të NATO-s.

Pentagoni theksoi në të njëjtën kohë, se dialogu për këtë po vazhdon. Kurse nga pala turke nuk ka prononcime.

Shqetësimi i SHBA

Turqia ka rënë në ujdi për të blerë nga Moska sistemet raketore, S-400 për mbrojtjen ajrore.

Në të njëjtën kohë Ankaraja dëshiron të marrë nga SHBA avionë ushtarakë F35, kundër të cilave teorikisht mund të përdoret sistemi raketor rus S-400. Turqia thotë, se do ta ketë gati sistemin rus nga tetori i këtij viti.

Me këtë ky vend bëhet shteti i parë i NATO-s që mbështetet tek sistemet e armëve ruse, e që cilësohen si jo të përshtatshme me sistemet e NATO-s.

Blerja e sistemit raketor rus është prej kohësh një mollë sherri mes Turqisë dhe SHBA. Në një analizë të revistës “Interesi Kombëtar” në korrik të vitit të kaluar, theksohet se shqetësimi më i madh i amerikanëve është “përzierja” e produktit rus me avionët amerikanë.

Nëse Turqia i ka të dyja, ajo mund të testojë, se sa i aftë është sistemi i mbrojtjes kundër avionëve ushtarakë, të dhëna, të cilat Rusia mund t’i marrë përmes Turqisë.

Qeveria në Ankara i ka hedhur poshtë kritikat e aleatëve që në marrëveshjen për blerjen në vitn 2017. Ajo do t’i marrë raketat ruse në dorëzim në korrik.(dw)

Ka ardhur ora e Brexit

12:23 Bota

ANALZA: Ja cila është e vërteta e shoqërive matriarkale në botën e lashtë

11:48 Bota

Precedenti "Rama": Opozitës turke mund t'i merret Stambolli në tavolinë

11:36 Bota

"I kam parë vetë krimet serbe, nga fillimi i bombardimeve te e vërteta kombëtare"

11:30 Bota

FOTOT: NASA shpall tri dizajnet pretendente për shtëpi në Mars

10:33 Bota

May merr refuzimin e tretë, mbledhje të jashtëzakonshme për shtyrje Brexit

09:58 Bota

SHBA mesazh Turqisë, bllokon dërgimin e pajisjeve të avionëve F-35 në Turqi

07:17 Bota

Kur gabon drejtësia: 42 vjet burg për një krim që nuk e kanë kryer kurrë

22:30 Bota

Ukraina përgatitet për fushatën e ndezur të balotazhit

21:44 Bota

Vrasja e vëllait të Kim Jong-un, e dyshuara dënohet me pak vite burg

21:29 Bota