SHBA: Nxisim këdo të rregjistrohet në zgjedhjet e 30 qershorit dhe përshëndesim krijimin e grupeve parlamentare në Kuvend

Ambasada amerikane tha sot se ajo “nxit këdo që mendon të kandidojë që të rregjistrohet në zgjedhjet vendore të 30 qershorit”.

Në përgjigje të interesimit të “Zërit të Amerikës” për qëndrimin eAambasadës së Shteteve të Bashkuara ndaj zgjedhjeve vendore dhe pjesmarrjes së partive të opozitës, ndërkohë që afati për rregjistrimin pranë Komisionit Qëndror të Zgjedhjeve, po afron, e ngarkuara me punë Leyla Moses-Ones solli në vëmendje deklaratat e zëvendës ndihmës sekretarit Matthew Palmer në Tiranë, i cili, si theksoi diplomatja amerikane “u bëri thirrje atyre partive që kanë braktisur institucionet e Shqipërisë që të riangazhohen në procesin politik. Pjesëmarrja në zgjedhjet vendore të qershorit është mundësia më e mirë për ta, që ta bëjnë këtë”.

E ngarkuara me punë u shpreh për “Zërin e Amerikës”, se Ambasada “mirëpret konkurimin demokratik të hapur dhe energjik në kutinë e votimit. Votuesit shqiptarë duhet të kenë mundësinë të zgjedhin mes një game të gjerë kandidatësh që do t’i përfaqësojnë vërtet ata”, tha ajo

Diplomatja amerikane përshëndeti njëkohësisht “hapat konstruktivë të opozitës në parlament dje, të cilët formalizuan më tej praninë dhe pozicionet e tyre si deputetë.

“Formimi i grupeve parlamentare – shtoi ajo – do të forcojë më tej aftësinë e tyre për të përfaqësuar zgjedhësit e tyre si anëtarë aktivë të parlamentit. Parlamenti i Shqipërisë vazhdon të funksionojë. Ky vazhdim i proceseve parlamentare – përfshi hyrjen e deputetëve të rinj, zhvillimin e debateve dhe miratimin e ligjeve – është shenjë e vazhdimësisë dhe stabilitetit të këtij institucioni të rëndësishëm demokratik”, nënvizoi e ngarkuara me punë e Ambasadës amerikane.

Një ditë më parë, Partia Demokratike dhe Lëvizja Socialiste për Integrim bënë të qartë se po shkojnë drejt bojkotimit të zgjedhjeve vendore.

Kryesia e Partisë Demokratike dhe më pas Këshilli Kombëtar, miratuan një propozim të kryetarit Lulzim Basha sipas të cilit “PD të regjistrohet në zgjedhje vetëm pasi të jenë krijuar kushtet për zgjedhje të lira dhe të ndershme”. Sipas Partisë Demokratike “kriza e rëndë politike në vend, nuk mundëson standardet demokratike për zgjedhje të lira dhe të ndershme”.

Por përveç mospjesmarrjes, PD-ja sipas propozimit të zotit Basha do të angazhohet dhe për të bllokuar zhvillimin e zgjedhjeve. “Partia Demokratike e Shqipërisë angazhohet në mbrojtje të demokracisë dhe të drejtës së votës së lirë të mos lejojë përveç zgjedhjeve të lira asnjë farsë elektorale”, thuhet në vendim ndërsa saktësohet se angazhohet gjithashtu dhe që “të pamundësojë përmes përshkallëzimit të aksionit opozitar dhe qytetar, mbajtjen e zgjedhjeve fasadë, të diktuara nga krimi i organizuar dhe paratë e pista që shkatërrojnë demokracinë dhe vullnetin e qytetarëve shqiptarë”.

Në të njejtën linjë sihte dhe LSI-ja. “Aksioni politik i LSI-së i inkuadruar në tërësinë e veprimit politik dhe qytetar të opozitës, do të vazhdojë me vendosmëri për të mos lejuar që në këtë vend të ketë më zgjedhje farsë”, deklaroi nënkryetari Luan Rama.

Albana Vokshi zbulon skenarin e protestave: Do ketë aksion opozitar të përshkallëzuar, të ikë Rama dhe pastaj do ulemi që të bisedojmë. Ne s'bëjmë prapa

17:39 Politika

FOTOT/ Komode dhe luksoze: Këto azile pleqsh do t'ju lenë pa fjalë

15:25 Politika

Meta sërish "refuzon" Ramën, kthen në Kuvend ligjin për Vettingun në polici

15:15 Politika

Komisioneri Johannes Hahn: Shqipëria situatë problematike me të drejtën e pronës, kuadri ligjor ka dobësi ligjore dhe teknike

14:50 Politika

Rudina Hajdari i përgjigjet sulmit të PD-së dhe LSI-së: S'u largova unë, përfaqësojmë demokratët e vërtetë

14:42 Politika

Rrëfimi i Ajet Toskës: Ju tregoj porositë që më dha Sigurimi i Shtetit kur takova Enverin në tribunën e stadiumit në tetorin e 1984-ës (fotot e rralla)

14:27 Politika

Kandidatit të Bashës për deputet nuk i "ecën" në dashuri, ndahet nga bashkëshortja

13:53 Politika

Zv.ministri i i Mbrojtjes, akuzë të rëndë lidershipit të PD: Vranë Azemin, tani po i vrasin të bijën

13:34 Politika

Dy E-të e Lulzim Bashës dhe një K!

12:29 Politika

Sekretari amerikan i Mbrojtjes, Shanahan: Jemi partnerë të fortë me Shqipërinë, Rusia rrezik

09:49 Politika