Te fundit
Blindohet Rinasi: Rifillon transporti i parave në prani të shtuar policore dhe ushtarake
24 Prill 2019, 13:18Ekonomia
TEMA
Me një prani jo të zakontë të forcave ushtarake dhe policore, pritet që të rifillojë sot transporti i parave nga Rinasi drejt Vjenës.
Burime nga kompanitë që janë të angazhuara me transportin, thanë për Monitor se sot do të kontrollohen procedurat e sigurisë dhe më pas nuk dihet si dhe nëse do të vazhdojë. Ajo që është e dukshme ditën e sotme, thanë burimet, është prania e shtuar e forcave të policisë dhe ushtrisë, për të shmangur çdo incident të mundshëm.
Kompania ajrore Austrian Airlines e ndërpreu shërbimin e transportimit të parave të bankave nga Shqipëria drejt Austrisë në datën 10 prill, një ditë pas vjedhjes në barkun e avionit të një shume prej rreth 6.5 milionë eurosh, pasi grabitësit arritën të çanin me lehtësi perimetrin e aeroportit të vetëm ndërkombëtar në vend. Kompania ka pohuar përmes zëdhënëses së saj se po rishikohen masat e sigurisë dhe nëse gjithçka do të jetë e sigurt, atëherë do të rifillojë shërbimi i transportit cash të parave.
Ndalimi i transportit të parave jashtë shkaktoi menjëherë amulli në treg, që u reflektua në kursin e këmbimit , përmes zhvlerësimit të gjithë valutave, teksa bankat nuk po tërheqin valutë nga tregu dhe kjo ka krijuar një tepricë të valutës në treg.
Që nga data 9 prill, kur u krye grabitja në Rinas, euro ka rënë me 1.3 lekë, në 123.66 lekë duke zbritur në nivelin më të ulët që nga janari dhe dollari u nënçmua me 0.93 lekë. Më e fortë ka qenë rënia e paundit dhe frangës zvicerane, pasi bankat nuk janë më të prirura t’i mbledhin ato. Paundi britanik ka rënë me 2.16 lekë, që nga 9 prilli dhe franga zvicerane me 3.1 lekë.
Transferimi i parave jashtë vendit është një procedurë normale e bankave, të cilat një pjesë të parave të lira nga depozituesit (euro, dollarë, paund etj.), i vendosin në institucionet financiare jashtë vendit, si formë alternative e investimit dhe për këmbime cash valutore. Ky transferim kryhet fizikisht dhe kjo është një marrëdhënie që bankat e zgjidhin me shoqëritë private të sigurisë fizike.
Ngjarja e ndodhur në Rinas, e dyta kur grabiten paratë brenda në aeroport, pritet të ndikojë dhe në tarifat e sigurimit. Raiffeisen International që është korrepondentja me të cilën punojnë bankat në Shqipëri, mësohet se u ka çuar bankave së fundmi një amendim kontrate, ku i njofton se do të rishikojë kushtet e sigurimit të transportit të parave në udhëtim.
Avni Ponari, CEO i Sigal, kompanisë më të madhe të sigurimit në vend pohoi për Monitor se “sigurimi i cash në tranzit është një produkt i cili është i mbuluar nga tregu i sigurimeve kombëtar dhe ndërkombëtar”. Megjithatë, ai shtoi se kjo situatë do rrisë primin e sigurimit dhe nga ana tjetër nuk është më e lehtë për të gjetur risigurues.(monitor)
2 komente në “Blindohet Rinasi: Rifillon transporti i parave në prani të shtuar policore dhe ushtarake”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Nuk eshte normal nxjerrja e depozitave valutore jashte vendit birna kurvash,kjo tregon qe bankat e investojne jashte Shqiperise valuten,ktedidhenjen,dhe qe kane likuiditet te ulet kundrejt deposituesve.
Shkoni ne sportele te terhiqni parate dhe do ta kuptoni ku jane djersa juaj.
Nqs 10 % e depozituesve I drejtohej sportelit,atehere banka ne mungese likuiditeti do te rrezohej si “Vefa”.
Shtet i mbaruar teresisht. Merrni dhe disa tankse dhe areoplane F-16. Se nuk i dihet.Mbase mund tju hyjne ne pune.