Te fundit
Anulimi i zgjedhjeve dhe shkarkimi i presidentit, ambasadori i OSBE: Kjo është çështje e brendshme e Shqipërisë
10 Qershor 2019, 13:12Politika
TEMA
Ambasadori i Prezencës së OSBE në Tiranë, Bernd Borchardt, e ka cilësuar çështje të brendshme të gjithë debatin mbi dekretin e presidentit për anulimin e datës së zgjedhjeve por edhe nismën e PS për shkarkimin e Presidentit.
“Kryesia jonë bëri një deklaratë shumë të fortë për këtë javën që kaloi. Dhe kryesia e radhës e OSBE kur ishte këtu tha se sa i takon zgjedhjeve ëhstë çështje e brendshme e Shqipërisë.
Kjo është çështje e debatit të brendshëm dhe kam shumë besim se institucionet shqiptare do të gjejnë se kush e ka argumentin më të mirë ligjor.
Ne kemi thënë shumë qartë se protesta dhe ngritja e zërit është e drejtë demokratike dhe patjetër që këto përgjegjësi i kalojnë atyre që organizojnë këto lloj protestash dhe kanë përgjegjësinë për dhunën e organizuar– tha Borchardt.
Sa i takon nismës së PS për shkarkimin e Presidentit, ai tha: “Kjo është çështje e brendshme e Shqipërisë që i përket parlamentit, Kushtetutës dhe pastaj Gjykatës Kushtetuese”.
I pyetur nëse do të ketë zgjedhje me 30 qershor, Ambasadori deklaroi: “Institucionet shqiptare janë ato që do të marrin këtë vendim.Janë çështje të vështira me pikëpamje të ndryshme ligjore dhe do ti shikojmë”. (TemA)
Lini një Përgjigje
Më të lexuarat
24 oret e fundit
Javen e fundit
Blog Tema
