Daçiç paralajmëron: Takimi i Parisit nuk do të mbahet, nëse nuk dihet paraprakisht se rezultati do jetë pozitiv

Krerët e shtetit në Serbi kanë lënë të kuptohet se kanë pritshmëri minimale nga samiti i Parisit, ku në prani të Emanuel Makron dhe Angela Merkel do të kenë përballë homologët kosovarë.

Në një intervistë për gazetën serbe “Kurir”, transmeton “Blic”, Ministri i Jashtëm Ivica Daçiç thotë se shihet një lloj vullneti i caktuar i Gjermanisë dhe Francës për të mbajtur një takim në Paris, por ka edhe rezerva të mëdha lidhur me rezultatin e atij takimi.

“Nëse nuk dihet paraprakisht se rezultati i takimit do të jetë pozitiv, mendoj se takimi nuk do të bëhet. Kjo do të tregojë se Haradinaj është më i fortë se të gjithë ata “, tha Daçiç për “Kurir”.

Herën e fundit kancelarja gjermane Angela Merkel dhe Macron e bindën Haradinajn, i cili, siç tha, i fyeu duke i pyetur: “Kush do të na garantojë se çfarë më thoni?”

Pastaj, shtoi Daçiç, Haradinaj u ftua parprakisht në Gjermani nga Merkel për të bërë disa përgatitje para takimit në Paris.

“Unë mendoj se Presidenti francez Emanuel Macron nuk mund të përballojë një luks të tillë për veten që Haradinaj ta godas për herë të dytë”, tha Daçiç.

Sipas tij, politikanët perëndimorë e përdorin Haradinajn për konfliktet e tyre të ndërsjellta.

Së pari, shpjegon ministri serb, ata duan të tregojnë se Përfaqësuesi i Lartë i BE-së për Punë të Jashtme dhe Siguri Federica Mogerini “nuk ja ka idenë dhe se ajo nuk bëri asgjë”.

Së dyti, Shtetet e Bashkuara nuk janë të kënaqur që Parisi dhe Berlini kanë planifikuar takime dhe nuk dëshirojnë diçka pozitive. Dhe së treti, Paris dhe Berlin mendojnë se duhet të marrin përsipër përgjegjësinë e negociatave dhe se Brukseli është kundër kësaj.

”Dhe të gjithë mendojnë se Amerika duhet të përfshihet në negociata, por pa Rusinë gjithsesi. Këto janë përleshje brenda këtij kampi perëndimor”, tha Daçiç.

Daçiç tha poashtu në këtë intervistë, se pret që në vitin e ardhshëm, rreth dhjetë vende, dhe ndoshta më shumë, do të tërheqin njohjen e Kosovës.

“Unë nuk kam për të ndikuar në ato vende, ata duan vet të tërheqin njohjen,” tha ai. (TemA TV-Përgatiti Zana Beja)

Paralajmëroi zgjedhje të parakohshme, Zaev tërhiqet dhe ndjek strategjinë e Ramës: Mund të rikthejnë nacionalizmin dhe radikalizmin, do riformatojmë qeverinë

14:37 Rajoni

VIDEO: Karrige dhe grushta kokës, plas sherri mes anëtarëve të LDK-së në Prishtinë

13:14 Rajoni 1 koment

Edhe një herë shprehet pro hapjes së negociatave për Shqipërinë, Mogherini: Të bëhet sa më shpejt, vendet anëtare të vlerësojnë arritjet e bëra

11:33 Rajoni

Europa ka nevojë për Ballkanin!

10:23 Rajoni

SHBA, Matthew Palmer: Rusia po bllokon shumë procese në Ballkanin Perëndimor

08:56 Rajoni 1 koment

Erdogan i përgjigjet Macronit dhe paralajmëron Greqinë: Po ti kush je? Cilido që luan edhe vetullën, ta dijë mirë se ne jemi aty me fregatat e avionët tanë

08:42 Rajoni

Procesi i integrimit në BE, Haradinaj: Nuk na duhet liria e izoluar

15:49 Rajoni 1 koment

Zaev: Duam datën, jo anëtarësimin e menjëhershëm në BE

08:30 Rajoni

INTERVISTA/ Thaçi për L’Express: Në Hagë shkoj vetëm si dëshmitar. Shpresoj që "Parisi" do hapë rrugën për një marrëveshje me Serbinë

08:58 Rajoni

Senatori amerikan: Vuçiç e di se marrëveshja me Kosovën do të jetë e dhimbshme

09:58 Rajoni