Te fundit
Paralajmëroi zgjedhje të parakohshme, Zaev tërhiqet dhe ndjek strategjinë e Ramës: Mund të rikthejnë nacionalizmin dhe radikalizmin, do riformatojmë qeverinë
17 Qershor 2019, 14:37Rajoni
TEMA
Kryeministri maqedonas Zoran Zaev është zbrapsur nga deklaratat për zgjedhje të parakohshme në vend.
Pas mbledhjes së Këshillit Qendror të partisë së tij Social-demokrate, në Ohër, Zaev e bëri të qartë se zgjedhjet mund të rikthejnë nacionalizmin e radikalizmin në Maqedoninë e Veriut.
Zaev duket se ka zgjedhur të ndjekë strategjinë e homologut të tij në Tiranë Edi Rama ku thotë se në vend të zgjedhjeve të parakohshme ka vendosur që të ketë vetëm riformatim të qeverisë.
“Nuk do të lejojmë që shoqëria të ndahet sërish dhe të konfrontohet me të gjitha shtetet fqinjët. Ne ia kemi arritur qëllimit, deri në fund të vitit besojmë se do të marrim datën e çeljes se negociatave, prandaj do të shkojmë vetëm në riformatimin e qeverisë, jo më shumë se të tetë ministrive”, ka deklaruar ai, duke paralajmëruar edhe shkarkimin e më shumë se 20 drejtorëve të institucioneve publike.
Opozita ndërkohë, në një tubim partiak ka drejtuar akuza të shumta në adresë të qeverisë duke e akuzuar për paaftësi dhe tradhti të interesave kombëtare. Hristijan Mickovski, kryetar i VMRO DPMNE-së paralajmëroi fitoren e partisë së tij në zgjedhjet e reja, pa marrë parasysh se kur do të mbahen ato.
Vendimi i LSDM-së për të mos u mbajtur zgjedhjet besohet të jetë ndikuar edhe nga mesazhet e përfaqësuesve ndërkombëtarë, të cilët një lëvizje të tillë të mundshme e kishin cilësuar si të gabuar, me arsyetimin se në vend të zgjedhjeve, Maqedonia e Veritut duhet të përqendrohet në sferën e reformave që të mund të marrë datën në vjeshtë të këtij viti.
Lini një Përgjigje
Më të lexuarat
24 oret e fundit
Javen e fundit
Blog Tema
