Nga kërcënimet me molotov dhe luftë, tek këngët e vallet: Çfarë ndodhi më PD-LSI, që u tërhoqën nga skenarët e dhunës?

Për muaj të tërë, dy drejtuesit formal të opozitës, Lulzim Basha dhe Monika Kryemadhi, kishin premtuar se nuk do të lejonin që të mbaheshin asnjë palë zgjedhje me Edi Ramën kryeministër.

Ata kishin siguruar çdo mbështetës të tyre, se zgjedhjet më 30 qershor nuk do të ketë.

E kanë përsëritur aq herë në daljet e tyre publike, sa militantët e dy partive kryesore opozitare, e besuan vërtet këtë gjë.

Dhe shumë prej tyre, ishin bërë gati që të pengonin zgjedhjet.

Nëpërmjet gojës së mediave dhe gazetarëve të tyre, Basha dhe Kryemadhi paralajmëronin përditë se 30 qershori do të ishte dita e qametit dhe do të kishte luftë, pasi ata që do të donin të votonin, duhej të kalonin mbi trupat e tyre.

Fushatës së tyre të dhunshme iu bashkuan edhe disa “intelektualë të pavarur”, të cilët thanë se ishin gati të shkonin në burg, për të mos lejuar mbajtjen e zgjedhjeve më 30 qershor.

Por çfarë ndodhi?

Prej disa ditësh, gjuha e Lulzim Bashës dhe Monika Kryemadhit u zbut ndjeshëm dhe madje edhe mediat e tyre, si fjala vjen “Koha Jonë”, i “harruan” përbetimet se më 30 qershor do të ndodhte kataklizma.

Madje, Lulzim Basha vetëm një ditë para zgjedhjeve doli në një konferencë urgjente për shtyp, duke bërë thirrje që të mos shënohet asnjë akt dhune nga ana e opozitës.

Shenjat e zbutjes Basha i dha që në protestën e 21 qershorit, kur për herë të parë opozita zhvilloi një fushatë pa asnjë incident.

Në gjithë këtë ndryshim qendrimesh të Bashës dhe Kryemadhit, nuk ka asnjë mister.

Ata kanë marrë mesazhe të forta nga ndërkombëtarët, veçanërisht nga SHBA, që nëse prishnin zgjedhjet, do të kishin punë me ta.

Ndaj dhe Basha e Kryemadhi nuk kishin rrugë tjetër: Ose të konfrontoheshin me SHBA-BE dhe të mos iu bindeshin atyre, duke tentuar të prishnin zgjedhjet, ose të vepronin siç bënë, duke u tërhequr dhe duke gënjyer edhe një herë tjetër mbështetësit e tyre, që prej muajsh para çdo proteste iu premtonin se këtë radhë do ta rrëzonin vërtet Edi Ramën.

Përveç mesazheve të forta të zyrtarit të lartë amerikan për Ballkanin, zotit Palmer, Lulzim Basha ka marrë mesazhe të drejtëpërdrejta edhe nga sekretari politik i Ambasadës amerikane, Daniel Koski.

Një ditë përpara protestës së fundit të opozitës, ai u takua me Lulzim Bashën dhe Monika Kryemadhin.

Mësohet se ai u tha krerëve opozitar se nëse deri më 1 korrik do të ketë akte dhune, atëherë SHBA do t’i shpallte ato si organizata të dhunshme.

Gjë që u përsërit edhe nga zoti Palmer në intervistën e tij të dhënë për “Zërin e Amerikës”, dy ditë para zgjedhjeve.

Të vetmit që u përpoqën të rrezistonin deri ditën e fundit,. Ishin Sali Berisha dhe Ilir Meta, i pari duke u përpjekur të nxistë militantët e PD-së, dhe i dyti duke përdorur Presidencën.

Por, të pafuqishëm për të bërë gjë, Ilir Meta këtë të djelën mori rrugën për tek vila e tij në Gjirin e Lalzit dhe postonte foto sikur nuk kishte ndodhur gjë dhe sikur nuk kishte bërë luftë për minimin e zgjedhjeve, ndërsa Sali Berisha postonte video nga “uragani” opozitar, që në pamundësi për të bërë gjë, dilte kërcente e këndonte, për të ironizuar zgjedhjet.

Fakt është se sot, mbështetësit e PD dhe LSI ndjehen të tradhtuar nga Lulzim Basha e Monika Kryemadhi, që iu kishin premtuar se do të luftonin edhe me trupat e tyre pot ë ishte nevoja për të penguar zgjedhjet, ndërkohë që e vetmja gjë që mundën të bënin, ishte një kllounadë me 30-40 veta në disa qendra votimi.

Media e huaj: Votime të qeta, pavarësisht thirrjes së opozitës për bojkot

15:26 Politika

FOTO LAJM/ Qytetari publikon telefonatën me Aurel Bylykbashin: Ja si më kërcënoi ish- kreu i PD që mos të votoj

15:37 Politika

Deri në mesditë, pjesëmarrja sa në 2015

15:12 Politika

Bamir Topi: Sot askush nuk është i lumtur. Jemi në një situatë katastrofale, nga nesër duhet të mendojmë për pakt kombëtar

15:06 Politika

Zgjedhjet, Hyseni: Pjesëmarrje mbi normalen, asnjë incident

14:51 Politika

Pasagjeri në Fier përgënjeshtron PD: Bleva sojë dhe jo miell, furgoni është i licensuar

14:58 Politika

Voton Dako: Shpresoj që kjo ditë të shkojë me sa më shumë qetësi

14:34 Politika

I dashur kryetar i partisë sime demokratike, jep dorëheqjen sot

14:31 Politika

Ambasadori britanik vëzhgon votimet në Kamëz: Procesi i qetë, shpresojmë që kjo t’i shërbejë dialogut më pas

14:17 Politika

Mustafaj flet për skenare: Rama do t’i shkojë deri në fund shkarkimit të Metës dhe arrestimit të Voltanës

14:17 Politika