Te fundit
Raporti i KLSH: Blerja e një banesë në Shqipëri është plotësisht e papërballueshme
26 Korrik 2019, 18:39Ekonomia
TEMA
“Blerja e një banesë në Shqipëri në raport me të ardhurat, përfshirë mesataren e pagave, është plotësisht e papërballueshme dhe në kontekstin e strehimit social, përbën riskun madhor të rritjes të kontingjentit të të pastrehëve,” informon Kontrolli i Larte i Shtetit.
“Gjatë 10 viteve të fundit asnjë bashki nuk ka ndërtuar vet banesa sociale apo të ketë blerë nga tregu për t’i ofruar si banesë me kosto të ulët. Për më tepër, ky funksion social i bashkisë s’është i inkuadruar as në planifikimet urbane apo planet e detajuara vendore, për ndërtimin e banesave sociale, për të përfshirë konceptin e Zonave me Interes Social” thuhet në rezultatet e nje Auditimi performance te KLSH lidhur me “Efektivitetin e Programeve Sociale të Strehimit” te publikuar sot.
KLSH përfundoi auditimin e performancës me temë “Efektiviteti i Programeve Sociale të Strehimit” të ushtruar në bashkitë Tiranë, Korçë, Shkodër, Vlorë dhe Ministrinë e Financave e Ekonomisë; auditim ky i miratuar nga Kryetari me Vendimin nr. 11 datë 22.07.2019.
Ne auditim shtohet se fondet e alokuara nuk arrijnë të mbulojnë nevojat financiare per programet sociale të strehimit
“Është planifikuar i njëjti nivel shpenzimesh për të gjithë periudhën 2018- 2020. Buxheti për strehimin është 550 milion lekë për çdo vit përgjatë kësaj periudhe. Në vitin 2017, 2018 buxheti për strehimin financuar nga QQ ka qenë me rritje krahasuar me vitet e mëparshme, përkatësisht 13 dhe 10%. Fondet e alokuara nuk arrijnë të mbulojnë nevojat financiare për programet sociale të strehimit sipas strategjisë së strehimit social.”
Problemet me ligjin
“Kuadri rregullator dhe analizat e bëra në këtë drejtim, nuk marrin parasysh faktorin “përballueshmëri” të banesave, por edhe problematika të tjera që shoqërojnë strehimin në Shqipëri, të cilat janë evidentuar nga organizata ndërkombëtare. P.sh. sipas anketës së realizuar nga Eurofound, Shqipëria renditet e fundit në Europë për nga mungesa e hapësirës së banesës. Krahasuar me mesataren europiane, ku vetëm 17% e të anketuarave janë shprehur se kanë hapësira të pamjaftueshme në banesat e tyre, në Shqipëri rreth 43% e të anketuarve janë përgjigjur se kanë probleme me mungesën e hapësirës.” vijon raporti.
Nga auditimi rezulton se, programet sociale të strehimit nuk janë zbatuar plotësisht si politika sociale, duke adresuar vetëm raste individuale, por jo fenomenin social të të pastrehëve, “duke mos luajtur një rol proaktiv në zbutjen deri në eliminimin e këtij fenomeni. Mungojnë regjistri kombëtar mbi numrin e të pastrehëve dhe investimet në banesa sociale, stoku i të cilave është inekzistent në shumicën e bashkive dhe i pamjaftueshëm në disa të tjera.”
Po keshtu aksesi në programet sociale është mjaft i kufizuar. Bashkitë stepen në ofrimin e një informacioni të plotë për qytetarët nga risku i dyndjeve të papërballueshme në skemën e strehimit social.
Burimi i mosfunksionimit të plotë të tyre nuk ka qenë baza ligjore, e legjislacionit te vjeter por moszbatimi i vet ligjit
“Ligji i ri Nr. 22/2018 “Për strehimin social”, ndonëse ndjek modele të mira europiane, rrezikon të mos ofrojë një zgjidhje reale për zbatimin e plotë të programeve sociale të strehimit, pasi shtrihet përtej asaj që përballojnë kapacitetet e bashkive. Në kushtet kur burimet financiare në dispozicion për skemën e mëparshme të strehimit me 3 programe janë të kufizuara, dinamika që ofron ligji i ri për zbatimin e një skeme strehimi me 5 programe rrit nivelin e riskut në arritjen e objektivave të këtyre programeve” thuhet ne raportin e publikuar sot nga KLSH.
Ligji i ri Nr. 22/2018 “Për strehimin social”, ndonëse ndjek modele të mira europiane, rrezikon të mos ofrojë një zgjidhje reale për zbatimin e plotë të programeve sociale të strehimit, pasi shtrihet përtej asaj që përballojnë kapacitetet e bashkive. Në kushtet kur burimet financiare në dispozicion për skemën e mëparshme të strehimit me 3 programe janë të kufizuara, dinamika që ofron ligji i ri për zbatimin e një skeme strehimi me 5 programe rrit nivelin e riskut në arritjen e objektivave të këtyre programeve.
Problematikat kryesore të konstatuara nga ky auditim performance janë:
–Përcaktimi i objektivave nga Qeverisja Qendrore dhe Njësitë e Qeverisjes Vendore për strehimin social, përtej kapaciteteve financiare dhe njerëzore të bashkive;
-Mungesa e një statistike reale mbi numrin e të pastrehëve;
-Mungesa e një strukture të konsoliduar dedikuar çështjeve të strehimit në shumicën e bashkive;
-Kapacitete njerëzore të pamjaftueshme të bashkive për të përthithur dhe ushtruar në mënyrë të plotë kompetencat e ligjit;
-Pozicionimi i strehimit në periferi të polikë-bërjes dhe politikë-zbatimit, si nga bashkitë ashtu edhe nga strukturat qendrore;
7 komente në “Raporti i KLSH: Blerja e një banesë në Shqipëri është plotësisht e papërballueshme”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Na doli goja mbrapa duke thenë se vetëm një drogaxhi,prostitutë apo prokuror-gjykatës
mund të blejë shtëpi me aq lehtësi në shqipëri.
Por governatori i bankes ka thënëy se është rritur shumë ekonomia dhe ka rënë euro.
Ju paskeni pritur KLSH në ?
Nuk besoj se eshte e vertete plotesisht Kam banuar ne Tirane Ne vitin 2001 kam blere nje apartament tek ish komuna e Parisit kam paguar 15 mije dollarre ne dore shumicen e te cilave I mora borxh mora kredi per pjesen tjeter rreth 22 mije Euro Kredine e kam mbaruar ne ianar te ketij viti Aktualisht shtepia eshte e imja Naturisht nuk eshte e lehte por jo e pamundur Cdo qindarke vetem nga puna e ndershme asnje jashte punes Po te presesh nga te tjeret askush nuk te jep Aktualisht jetoj ne Americe.
Ke te drejte Jimi,por ky artikull eshte ber per njerez te thjeshte qe jetojne e punojne ne Shqiperi,jo per ty e per mua qe te shkruaj qe aktualisht jetojm ne Gjermani e Usa!Ti thua qe aktualisht jeton ne Amerike dhe e ke shlyer banesen ne janar te ketij viti(me te ardhura nga Usa)?..I ke ber pyetje vetes sa ka vajt metri katror te ish komuna e Parisit?
Kush I blen ato banesa qe ne Tirane po ndertohen pa fund?OLIGARKET?
Kush ka nje gram Mend nuk blen as edhe nje vazo lule ne shqiperi!
Qenka e gjithe Tirana e mbushun me oligark qe blejne banesa qe po ndertohen pa fund(qe nuk kane te ndalun).
Ne momentin qe njeriu i zakonshem me nje pune te ndershme nuk ble dot nje shtepi, perfundimisht kjo shoqeri eshte e polarizuar ne dy shtresa te vetme nga pikpamja klasore, ne te varfer dhe te pasur kurse shtresa e mesme eshte zyrtarisht e vdekur(potencialisht vec ajo mund te bleje shtepi, sepse te varfrit mund te rrojne fare mire ne gheto kurse te pasurit nuk blejne shtepi ata blejne ose ndertojne vete vila ose pallate) . Ironikisht qeverisemi nga nje force e majte qe te varfrit i fut ne burg per mospagim taksash kurse te pasurit kane lehtesira fiskale dhe iu falen gjobat sepse iu japin pune te varferve, perfundimisht mund te them se cdo njeri normal ne kete vend ka arsye te mjaftueshme per te bere vetvrasje ne sheshin Skenderbej ne cdo ore te dites dhe ne cdo dite te vitit